NUG လတ်တလော ထုတ်ပြန်ထားတဲ့ ကာကွယ်ရေး ကဏ္ဍ အခြေပြ စာတမ်းထဲ အာဏာသိမ်း စစ်တပ်ထံမှာ လူအင်အား လျော့နည်းနေပြီး၊ တပ်တွေဟာ ဖွဲ့စည်းပုံ မပြည့်ဖြစ်နေတယ် ဆိုတဲ့ အချက်ကို ပြောထားပါတယ်။ အာဏာသိမ်း စစ်တပ်ရဲ့ လက်ရှိ အင်အားဟာ လူ နှစ်သိန်းခွဲအောက်မှာ ရှိတယ်လို့ တွက်ဆထားပါတယ်။
NUG ဘက်က တာဝန်ရှိသူတချို့ ဘီဘီစီကို ပြောထားတာတွေထဲ အခု လက်နက်ကိုင် တော်လှန်ရေးရဲ့ အခြေအနေဟာ ခုခံတွန်းလှန်စစ်ကနေ အကြိုထိုးစစ် ဆိုတဲ့ အဆင့်ကို ရောက်လာနေပြီလို့ ဆိုပါတယ်။
ဒီတစ်ပတ်မှာတော့ အာဏာသိမ်း စစ်ကောင်စီရဲ့ တပ်ဖွဲ့တွေ ကြုံတွေ့နေရတဲ့ အခြေအနေတွေ အပေါ် ခြုံငုံ သုံးသပ်ရင်းမှာပဲ၊ လက်နက်ကိုင် ပဋိပက္ခဟာ ဘယ်ကို ဦးတည်နေလဲ ... တကယ်ပဲ စစ်ရေးနည်းနဲ့ အနိုင်တိုက်ပြီး စစ်တပ်ကို ဖယ်ရှားနိုင်မှာလား ဆိုတဲ့ အပေါ် အာရုံစိုက် ဆွေးနွေးသွားမှာ ဖြစ်ပါတယ်။
ဒီတစ်ပတ် ပါဝင် ဆွေးနွေးကြသူတွေကတော့ .... စစ်အာဏာရှင် စနစ်ကို ဆန့်ကျင်ပြီး CDM လုပ်လာတဲ့ ကနဦး စစ်အရာရှိတွေထဲက တစ်ယောက်ဖြစ်တဲ့ ဗိုလ်ကြီးလင်းထက်အောင်နဲ့ အမေရိကန် ကွန်ဂရက်စ်လွှတ်တော် သုတေသန ဌာနမှာ အာရှရေးရာ ကျွမ်းကျင်သူ အဖြစ် နှစ်ပေါင်းများစွာ တာဝန်ထမ်းခဲ့ပြီး၊ လက်ရှိမှာတော့ ဝါရှင်တန်ဒီစီ မြို့တော် အခြေစိုက် မဟာဗျူဟာနဲ့ နိုင်ငံတကာလေ့လာရေး ဌာန CSIS မှာ သုတေသီ အဖြစ် လုပ်ကိုင်နေတဲ့ ဒေါက်တာ မိုက်ကယ်မာတင်တို့ ဖြစ်ပါတယ်။
ဘီဘီစီသတင်းထောက် ကိုဝေဖြိုး စီစဥ် တင်ဆက်ထားပါတယ်။ #ဘီဘီစီမြန်မာပိုင်း #သတင်းမြင်ကွင်း
29 авг 2024