စစ်အာဏာရှင် တော်လှန်ရေးထဲက BPLA 

စစ်အာဏာရှင် တော်လှန်ရေးထဲက BPLA (ရုပ်/သံ)
ဧရာဝတီ၊ မေ ၂၀၊ ၂၀၂၃
စစ်တပ်အာဏာသိမ်းမှုကို လက်မခံကြောင်း ရန်ကုန်မြို့အပါအဝင် ပြည်နယ်နဲ့ တိုင်းအသီးသီးက လမ်းမတွေထက်မှာ အကြမ်းမဖက် ဆန္ဒဖော်ထုတ်ခဲ့ကြတဲ့ လူငယ်တွေဟာ အခုတော့ မောင်းပြန်သေနတ်တွေကိုင်ပြီး အာဏာသိမ်း စစ်တပ်ကို တန်ပြန်တိုက်ခိုက်နေကြပါတယ်။
ပညာတတ်ကျောင်းသူ၊ ကျောင်းသားလူငယ်တွေ၊ ကဗျာဆရာတွေ၊ ကာတွန်းဆရာတွေ၊ လူ့အခွင့်အရေး တက်ကြွ လှုပ်ရှားသူတွေ၊ သတင်းစာဆရာတွေ နဲ့ အလွှာစုံက လူငယ်တွေနဲ့ ဖွဲ့စည်းတည်ထောင်ထားတဲ့ BPLA လို့ခေါ်တဲ့ ဗမာပြည်သူ့လွတ်မြောက်ရေးတပ်တော် ဟာ ရှမ်းပြည်နယ်မြောက်ပိုင်းနဲ့ ကရင်ပြည်နယ်ထဲမှာ စစ်ပညာတွေ သင်ယူပြီး အာဏာသိမ်း စစ်တပ်ကို ပြန်လည်တိုက်ခိုက်နေကြတာဖြစ်ပါတယ်။
သူတို့ဟာ အာဏာရှင် စစ်တပ်ကို လက်နက်ဆွဲကိုင်ပြီး ပြန်လည်တိုက်ထုတ်နိုင်မှ ရမယ်ဆိုတဲ့ ယုံကြည်ချက်နဲ့ မိဘအိမ်တွေကို စွန့်ခွာပြီး မိုင်ပေါင်းများစွာ ဝေးကွာတဲ့ စစ်မြေပြင်မှာ ရောက်ရှိနေကြတာဖြစ်ပါတယ်။
စံနစ်တကျ ဖွဲ့စည်းထားပြီး အင်အားကြီးထွားလာတဲ့ BPLA ရဲဘော်တွေဟာ ပြည်ထောင်စု ဖက်ဒရယ်နိုင်ငံတော်သစ် ပေါ်ပေါက်လာတဲ့ အထိ အာဏာရှင်ကို တိုက်ထုတ်သွားမယ်လို့ဆိုကြပါတယ်။
#WhatsHappeningMyanmar
#RejectMilitaryCoup