စစ်ကောင်စီ ဖမ်းဖို့ ကြိုးစားနေတဲ့ ကျားခင်စိန် (ရုပ်/သံ)
ဧရာဝတီ၊ မတ် ၂၇၊ ၂၀၂၃
မြန်မာပြည်အလယ်ပိုင်းမှာ လူသတ်မီးရှို့နေတဲ့အာဏာသိမ်း စစ်ကောင်စီတပ်တွေကို
ပြည်သူ့ကာကွယ်ရေး တပ်လို့ခေါ်တဲ့ PDF တပ်တွေက ရှိတဲ့လက်နက်တွေနဲ့ ရသလို
ခုခံတိုက်ခိုက်နေကြပါတယ်။
အဲဒီအထဲမှာ မြေပြင် PDF တွေက ခြုံခိုတိုက်ပွဲတွေ၊ မိုင်းကွင်း စစ်ဆင်ရေးတွေနဲ့ တိုက်ခိုက်နေသလို ဝေဟင်
PDF လို့ခေါ်တဲ့ဒရုန်း စစ်ဆင်ရေးတိုက်ခိုက်မှုတွေလည်းရှိပါတယ်။
ဒီအထဲမှာ T.G.R လို့ခေါ်တဲ့ အမျိုးသမီး ဒရုန်းတပ်ဖွဲ့ဟာ ရွာစဉ်လှည့်ပြီး သတ်ဖြတ်၊ မီးရှို့နေတဲ့ စစ်ကောင်စီ
စစ်ကြောင်းကို အခက်အခဲ အတားအဆီးတွေကြားက ဝေဟင်ကနေ ဗုံးသီးတပ်ထားတဲ့ ဒရုန်းနဲ့
ကြားဖြတ်တိုက်ခိုက်ခဲ့ပါတယ်။
ဒီအဖွဲကို ဦးဆောင်သူကတော့ အသက် ၂၅ နှစ်အရွယ် အမျိုးသမီး ကျားခင်စိန်ဖြစ်ပါတယ်။
သူ့ရဲ့ ဒရုန်းတပ်ဖွဲ့ဟာ စစ်ကိုင်းတိုင်းထဲကို ဝင်လာတဲ့ အာဏာသိမ်း စစ်ကြောင်းတွေကို ဝေဟင်ကနေ ဒုက္ခပေးနေတာကြောင့် စစ်ကောင်စီဘက်ကလည်း အမျိုးသမီး ဒရုန်းတပ်ဖွဲ့နဲ့ အဖွဲ့ခေါင်းဆောင် ကျားခင်စိန် ကို ရှင်းလင်းဖို့ ကြိုးပမ်းနေတာဖြစ်ပါတယ်။
#WhatsHappeningMyanmar
#RejectMilitaryCoup
5 сен 2024