စစ်သုံ့ပန်းတွေကို ကော်ဘရာစစ်ကြောင်းက ဖမ်းမိတဲ့အခါ ဘာလုပ်လိုက်လဲ ? 

စစ်သုံ့ပန်းတွေကို ကော်ဘရာစစ်ကြောင်းက ဖမ်းမိတဲ့အခါ ဘာလုပ်လိုက်လဲ ?
ကရင်ပြည်နယ် မြဝတီ-ဝေါလေ ကားလမ်းပေါ်က သုံးထပ်ကွေ့တိုက်ပွဲအတွင်းမှာ ကော်ဘရာ စစ်ကြောင်းက အကြမ်းဖက်စစ်ကောင်စီရဲ့ တပ်သား နှစ်ဦးကို ဖမ်းဆီးရမိချိန်မှာ ရိုက်ကူးထားတဲ့ ဗီဒီယိုဖိုင်တခုကို မနေ့ကညက ဖြန့်ဝေခဲ့ပါတယ်။
အဲဒီစစ်သား နှစ်ဦးဟာ တပ်မ(၄၄) လက်အောက်ခံ ခမရ(၁၀၂)က ဒုတပ်ကြပ် ထင်ကျော် နဲ့ တပ်သားမင်းသူတို့ ဖြစ်တယ်လို့ သိရပါတယ် ။
ဂျီနီဗာကွန်ဗားရှင်း အပြင် ပြည်သူ့ကာကွယ်ရေးတပ်မတော်က ချမှတ်ထားတဲ့စစ်သုံ့ပန်းစည်းမျဉ်း ဥပဒေတွေနဲ့ အညီ ကော်ဘရာစစ်ကြောင်းရဲ့ အရာရှိ ၊ အကြပ် ၊ စစ်သည်တွေက တိတိကျကျ လိုက်နာပြီး ဖမ်းမိလာခဲ့တဲ့ စစ်သုံ့ပန်းတွေကို လူ့အခွင့်အရေး အပြည့်အဝပေးပြီး ကောင်းမွန်စွာ ထိန်းသိမ်းစောင့်ရှောက်ခဲ့တာကို တွေ့ရပါတယ်။
KNU အနေနဲ့လည်း စစ်မြေပြင်ကနေ ပြည်သူ့ထံကို အလင်းဝင်လာတဲ့ အကြမ်းဖက်စစ်သားတွေကို ကောင်းမွန်စွာစောင့်လျှောက်ပြီး မိသားစုတွေနဲ့ပါ အေးအေးချမ်းချမ်းနေထိုင်နိုင်အောင် ကူညီမှုတွေ လုပ်ပေးနေသလို ၊ စစ်မြေပြင်က ဖမ်းမိလာတဲ့ စစ်သုံ့ပန်းတွေကိုလည်း ဂျီနီဗာကွန်ဗန်းရှင်းနဲ့ အညီ စောင့်ရှောက်မှုတွေ ပေးနေတာ ဖြစ်ပါတယ်။
အာဏာသိမ်းပြီးနောက်ပိုင်း KNU ဘက်ကို အလင်းဝင်လာတဲ့ အကြမ်းဖက်စစ်ကောင်စီတပ်ဖွဲ့ဝင် အင်တာဗျူးပြီးသား အရေအတွက် ၃၀၀ ကျော်ရှိလာပြီဖြစ်ပြီး လက်ရှိအချိန်ထိကို နေ့တိုင်းနီးပါး တပ်သားတွေ ဝင်ရောက်နေဆဲဖြစ်တယ်လို့ KNU ပြောရေးဆိုခွင့်တာဝန်ခံ ပဒိုစောတောနီးက ပြောထားပါတယ်။