ဆရာတော် ဦးသောဘိတ ပျောက်ဆုံးနေ (ရုပ်/သံ)
ယဉ်မွန်၊ ဇူလိုင် ၅၊ ၂၀၂၄
စစ်တပ်နဲ့ အမျိုးဘာသာ၊ သာသနာ ထိမ်းသိမ်းစောင့်ရှောက်ရေး (မဘသ) အဖွဲ့တွေကို ဝေဖန်မိန့်ကြားလေ့ရှိတဲ့ ဆရာတော် ဦးသောဘိတ (အင်္လကာကြယ်) ပျောက်ဆုံးနေတာ တနှစ်ကျော်ရှိနေပါပြီ။
ဆရာတော်ဟာ ၂၀၂၃ ခုနှစ်၊ ဇွန်လ ၂၀ ရက်နေ့မှာ မန္တလေးအိုးဘိုထောင်ကနေ လျှော့ရက်နဲ့ လွတ်ရက် စေ့ခဲ့ပေမယ့်၊ စစ်ကောင်စီရဲ့ လက်အောက်ခံ စစ်ဘက်ရေးရာလုံခြုံရေးတပ်ဖွဲ့ (စရဖ) ရဲအုပ် ကျော်သူရ က နန်းတွင်း စစ်ကြောရေးကို ခေါ်ဆောင်သွားခဲ့ပြီးနောက်ပိုင်း အဆက်အသွယ်ပြတ်တောက်ခဲ့ရတာ ဖြစ်တယ်လို့ ဆရာတော်ရဲ့ မိသားစုနဲ့ နီးစပ်သူတွေက ဧရာဝတီကို ပြောပါတယ်။
ဦးသောဘိတကို အာဏာသိမ်းတဲ့နေ့ မနက်ပိုင်းမှာဘဲ ဆရာတော် သတင်းသုံးနေတဲ့ကျောင်းကို ဝင်ရောက်ဖမ်းဆီးသွားခဲ့ပြီး ၊ ဆက်သွယ်ရေးပုဒ်မ ၆၆ (ဃ)၊ နိုင်ငံတော် ဆူပူအောင်လှုံ့ဆော်မှုပုဒ်မ ၅၀၅ (က) တို့နဲ့ ထောင်ဒဏ် ၄ နှစ် ချမှတ်ခံခဲ့ရတာဖြစ်ပါတယ်။
အခုလို ပျောက်ဆုံးနေတာ တနှစ်ကျော်ကြာလာတဲ့အချိန်မှာတော့ ကျန်းမာရေးနဲ့ အသက်အန္တရာယ် အတွက် စိုးရိမ်မှုတွေရှိလာတယ်လို့ ဆရာတော် မိသားစုနဲ့ နီးစပ်သူက ဧရာဝတီကို ပြောပါတယ်။
#ဦးသောဘိတ #မဘသ #အိုးဘိုထောင် #နန်းတွင်းစစ်ကြောရေး #စရဖ
4 июл 2024