မန္တလေးမြို့၊ နန်းမြို့တွင်းက အမှတ်(၁၂၁) ထောက်ပံ့နဲ့ ပို့ဆောင်ရေး တပ်ရင်း (ထောက်/ပို့)မှာ ဇူလိုင်(၁၃)ရက် ဒီမနက်ပိုင်း အပတ်စဉ်(၈) ပျူသင်တန်းဆင်းပွဲကို လုပ်ခဲ့တယ်လို့ စစ်အုပ်စုက သတင်း ဖြန့်ပါတယ်။
သင်တန်းဆင်းစ ပျူတွေကို မန္တလေးမြို့တွင်းက ငွေညှစ်ဂိတ်တွေ၊ ရုံး၊ ဌာနနဲ့ ရပ်ကွက်ရုံး အစောင့်တွေ အဖြစ် စစ်အုပ်စုက အသုံးပြုသလို တချို့ကို တိုက်ပွဲဖြစ်တဲ့ ဒေသတွေဆီ ချက်ချင်း ပို့လွှတ်နေတယ်လို့ ဆိုပါတယ်။
မတ္တရာနဲ့ စဉ့်ကူးနယ် တိုက်ပွဲတွေအတွက် စစ်ကူအဖြစ် သင်တန်းဆင်းစ ပျူတွေကို ပို့လွှတ်နေတာလို့ ဒေသခံ တော်လှန်ရေး အင်အားစုတွေက ပြောပါတယ်။
ပျူသင်တန်း အပါတ်စဉ် တစ်ကြိမ်ကို ပျူအရေအတွက် ဘယ်လောက် သင်တန်းပေးတယ် ဆိုတာကို စစ်အုပ်စုက မဖော်ပြဘဲ ဓာတ်ပုံတွေအရေတော့ သင်တန်းတစ်ကြိမ်ကို ပျူအင်အား (၁၀၀)အောက်သာ ရှိပါတယ်။
အပတ်စဉ်(၇)ပျူသင်တန်းဆင်းပွဲကို ဇွန်(၂၉)ရက်က ပြုလုပ်ခဲ့ပြီးနောက် (၁၅)ရက်အတွင်း နောက်ထပ် ပျူသင်တန်းဆင်းပွဲ ထပ်မံ ပြုလုပ်တာ ဖြစ်ပါတယ်။
#Mandalay_Free_Press_MFP
15 окт 2024