არმენოლოგიის კათედრის დაარსების ასი წლისთავთან დაკავშირებით გაიხსნა კონფერენცია ივანე ჯავახიშვილის სახელობის თბილისის სახელმწიფო უნივერსიტეტში, რომელიც საქართველოში ამ დარგის დაფუძნება-განვითარების ისტორიასა და გამოწვევებს ეძღვნება.
თსუ მუზეუმში არმენოლოგიის კათედრის დაარსებიდან 100 წლის იუბილესადმი მიძღვნილი გამოფენაც გაიხსნა. ექსპოზიციაზე წარმოდგენილი იყო იმ მეცნიერთა ფოტოები, ხელნაწერები და მემორიალური ნივთები, რომლებმაც მნიშვნელოვანი წვლილი შეიტანეს საქართველოში არმენოლოგიის განვითარების საქმეში.
თბილისის სახელმწიფო უნივერსიტეტში არმენოლოგიის მიმართულების საგნების სწავლება 1918 წლიდან დაიწყო, ხოლო ცალკე კათედრად 1922 წელს ჩამოყალიბდა.
5 ноя 2022
