სამშობლო 

ილია ზაქაიძე (1924 - 2008) დაიბადა დუშეთში. საქართველოს სახალხო არტისტი. საქართველოს სსრ-ის სიმღერისა და ცეკვის სახელმწიფო ანსამბლის სოლისტი, ქართლ-კახური სიმღერების გამორჩეული შემსრულებელი.
ტექსტი:
ტკბილია როგორც დედის რძით ბალღი ტუჩშეუშრობელი
ტკბილია როგორც ცის ნამი როგორც ალერსი მშობელის
ტკბილია როგორც ველებზე ჯეჯილის მწვანე ფაფარი
ტკბილია როგორც ძილის პირს ძველი ქართული ზღაპარი
ბარში ბულბულთა ჯარია, მთაში ირემი ყვირისა
ტკბილია როგორც სურნელი ახლად მოხდილი ღვინისა
ტკბილია როგორც სურნელი ახლად გამომცხვარ პურისა
ტკბილია როგორც ნუგეში დედისგან დაღუპულისა
ტკბილია როგორც ბეღელი ამოვსებული თავამდის
ტკბილია როგორც სიმღერა და შეძახილი თამადის
ჩემი სამშობლო ზურმუხტის და მარგალიტის სადარი
ამრიგად აყვავებული მხარე მეორე სად არი
ჩემი სამშობლო ქვეყანა რა ლამაზია რა კარგი
ცა ფირუზ ხმელეთ ზურმუხტი ნაირ ფერებით ნაქარგი
ტკბილია როგორც რუსთველი ტკბილია როგორც აკაკი
ხალხი შრომაში გართული ამღერებული ფანდური
იადონების გალობა და იავნანა ქართული
ტკბილია როგორც წისქვილში მთვარიან ღამის გათევა
ტკბილია როგორც აპრილში ტყემლების შემონათება
ტკბილია როგორც მტევანი ვაზზე ასხმული შავადა
და სიყვარული უებრო მოსული თავისთავადა
ხალხია ენა მზიანი გმირი და არა მკვეხარა
დიდია ჩემი სამშობლო ტკბილია ჩემი ქვეყანა
ჩემი სამშობლო ზურმუხტის და მარგალიტის სადარი
ამრიგად აყვავებული მხარე მეორე სად არი
ამრიგად აყვავებული მხარე მეორე სად არი!