ወለል ያለ
ግጥምና ዜማ - ኢየሩሳሌም ነጊያ
ሙዚቃ ቅንብር - ክብረአብ ጣሰው
ሞሽን ግራፊክስ - ቲራጎ ታደሰ
#Addis_Ababa #Eyerusalem_Negiya #Volume_3
ወለል ያለ
ወገግታዬ ነው የማለዳ ጮራዬ
ከርሱ የተነሳ በራ ጨለማዬ
ወገግታዬ ነው የማለዳ ጮራዬ
ከርሱ የተነሳ በራ ጨለማዬ
ጠአመ ቢስ ልሳኔ አንደበቴም ገራ
ህይወቴ ጨፍጋጋ እንዳይሆን መራራ
አመዴን አራግፎ ወዛም ያደረገኝ
በሰዎች ሁሉ ፊት በሞገስ አቆመኝ
ደብዛዛው መልኬ ደመቀ በስሙ
ጭንጋፉ ገፄ ተዋበ በደሙ
በድቅድቁ ለሊት በማይሸፈን ፊት
እንዳብለጨልጭ ጌታዬን ልክ እንደ መስታወት
የፊቱ ብርሀን ፍንትው ያለ ጮራ
እየጨመረ መጣ በላዬ ላይ በራ
የፊቱ ብርሀን ወለል ያለ ጮራ
እየጨመረ መጣ በላዬ ላይ በራ
በራ(#2) የህይወቴ ጭጋግ ወገግ አለ በራ ፈካ
በራ(#2) የህይወቴ ጭጋግ ወገግ አለ በራ
በቀን ከሚበረው አስደንጋጭ ፍላፃ
ነፍሴ እርፍ አለች በአንተ ወጥታ ነፃ
የቀትሩ ጋኔን እንዳያስፈራራኝ
መቅሰፍት ወደ ቤቴ እንዳይገባ ጋረደኝ
መላዕክቱን ስለኔ እያዘዛቸው
እንዳልሰናከል ያዙኝ በእጆቻቸው
ተኩላ እና እባቡን እረጋግጬ
ድል አድራጊ ሆንኩ በኢየሱስ ወጥመዱን አምልጬ
በባላንጣዬ ፊት ራሴን ቀብቶታል
ያስፈራኝ ጠላቴ በተራው ፈርቶኛል
በባላንጣዬ ፊት ራሴን ቀብቶታል
ያስፈራኝ ጠላቴ በተራው ፈርቶኛል
ፀና (*2) የህይወቴ ካስማ አለቱ ላይ ፀና ኦሆሆ
ፀና (*2) የህይወቴ ካስማ አለቱ ላይ ፀና
ማረፊያዬ ነው የቀትር ጥላዬ
ከርሱ የተነሳ ፈርቶኛል ጠላቴ
ማረፊያዬ ነው የቀትር ጥላዬ
ከርሱ የተነሳ ፈርቶኛል ጠላቴ
ምን ይዋጠኝ ብዬ ለነገ እንዳልሰጋ
ፅኑ የተስፋ ቃል እኔ አለኝ እሱጋ
በእጄ የያዝኩት ቢወድቅ ቢናድ የካብኩትም
ኢየሱስ ስላለኝ አልርበተበትም
በትርህ ምርኩዜ ለሽምግልናዬ
ቀሪ ሀብቴ ነው ቢጎብጥ ጀርባዬ
እስከ ሽበቴ ይሸከመኛል
የማታ የማታ መጦሪያዬ ኢየሱስ ሆኖኛል
ቸርነት ምህረቱ ሁሌ ይከተሉኛል
ዘልአለም በቤቱ አዝልቆ ያኖረኛል
ቸርነት ምህረቱ ሁሌ ይከተሉኛል
ዘልአለም በቤቱ አዝልቆ ያኖረኛል
ፀና (*2) የህይወቴ ካስማ አለቱ ላይ ፀና ኦሆሆ
ፀና (*2) የህይወቴ ካስማ አለቱ ላይ ፀና
ቱሩፋቴ ነው የማታ እንጀራዬ
ከርሱ የተነሳ ያምራል እርጅናዬ
ቱሩፋቴ ነው የማታ እንጀራዬ
ከርሱ የተነሳ ያምራል እርጅናዬ
●Subscribe 👇
/ @eyerusalemnegiyaoffic...
11 сен 2024