#ወረብ #ዘኪዳነ #ምህረት #16 #የካቲት
አንቲ ውእቱ ተስፋሁ ለአዳም አንቲ ውእቱ/፪/
አመ ይሰደድ እምገነት/፬/
ኪዳንኪ ኮነ/፮/
ለኃጥአን ቤዛነ ኪዳንኪ ኮነ/፬/
ይነግሥ ወልድ በደብረ ጽዮን አመ ይነግሥ ወልድ/፪/
ክፍልኒ ድንግል ዕቁም በየማን/፪/
እምድንግል አስተርአየ ቃለ እግዚአብሔር/፪/
ኤልሳቤጥ ኮነት ዓባየ እስመ ወለደት ነቢየ/፪/
ክነፈ ርግብ በብሩር ዘግቡር ወገበዋቲሃኒ በሐመልማለ ወርቅ/፪/
አንቲ ምሥራቅ ወወልድኪ ፀሐየ ጽድቅ ምሥራቅ ደብረ ሕይወት/፪/
በዖመ ገዳም ረከብናሃ በዖመ ገዳም /፪/
ትኩነነ መርሐ ደብረ ሕይወት/፪/
ማርያምሰ ተሐቱ፤ ውስተ ከርሡ ለአዳም፤ ከመ ባሕርይ/፪/
እስመ በእንቲአሃ ወበእንተ አዝማዲሃ ይቤ ዲበ ዕፅ ተሰቀልኩ /፪/
ይቤላ ለእሙ ማርያም ኢየሱስ ክርስቶስ ይቤላ ለእሙ/፪/
ተካየድኩ ምስሌኪ ኪዳነ ምሕረት ከመ አድኅን ዘተአመነኪ ኪዳነ ምሕረት/፪/
በመንግሥተ ሰማይ ምስሌኪ ይነግሥ ዘገብረ ተዝካረኪ/፪/
በእንተዝ ንሥአነ ለሕዝብኪ ማርያም አሥራተ በኪዳንኪ/፪/
ጾም ትፌውስ ቁስለ ነፍስ፣ወታጸምም ኩሎ ዘሥጋ ፍተወታተ/፪/
ትሜሕሮሙ ፅሙና ፅሙና ለወራዙት/፪/
የዓቢ ክብራ ክብራ ለማርያም/፪/
እምሐና ወኤልሳቤጥ ይሤኒ ላህያ ለማርያም/፪/
አስተብጽዕዋ ወይቤልዋ ኃጥአን እለ ይነብሩ ፈለገ እሳት/፪/
ሰአሊ ለነ ማርያም ቅድስቱ ለእግዚአብሔር/፪/
ሃሌ ሉያ ክነፈ ርግብ በብሩር ዘግቡር/፪/
ወገበዋቲሃኒ ሐመልማለ ወርቅ በሐመልማለ ወርቅ /፪/
ክነፈ ርግብ በብሩር ዘግቡር ወገበዋቲሃኒ በሐመልማለ ወርቅ/፪/
አረፋቲሃ ሥርጉት/፪/ ለደብረ መድኃኒት/፪/
ይዌድስዋ መላእክት ለማርያም መላእክት በውስተ ውሳጤ መንጦላዕት/፪/
ወይብልዋ ለማርያም በሐኪ ማርያም ሐዳስዩ ጣዕዋ/፪/
ጽርሕ ንጽሕት ማኅደረ መለኮት እሞሙ ለሰማዕት እሞሙ/፪/
ወእኅቶሙ ለመላእክት ሰአሊ ለነ ማርያም ቅድስት/፪/
ዘመፃጕዕ፣ እምሕፅነ አቡሁ አይኅዓ ወአጥዓየ መፃጕዓ ወአጥዓየ መፃጕዓ/፪/
ፈነዎሙ ስምዓ ወለጻድቃኒሁ ፈነዎሙ ስምዓ/፪/
ያድኅነነ እም መዓቱ መንግሥቱ ይክፍለነ/፪/
በጸሎታ ለወላዲቱ ቅድስት ማርያም/፪/
@ወረብ #ወረብ #wereb #kidane #mihret
@wereb
13 окт 2024