វីដេអូនូវការសម្ដែងបទប្រពៃណីខ្មែរ ដោយប្រើឧបករណ៍ពិណខ្មែរ អមដោយឧបករណ៍ខ្មែរចម្រុះផ្សេងទៀតដូចជា ចាប៉ីដងវែង ខ្សែមួយ ថូនរម្យនា និងឈិង សម្តែងដោយក្រុមពិណខ្មែរ ដែលបានរៀបរៀង និងសម្រួលតន្ត្រី ដោយលោកសាស្ត្រាចារ្យ កែវ សុនន្ទកវី នៃសកលវិទ្យាល័យភូមិន្ទវិចិត្រសិល្បៈ ក្នុងវគ្គប្រកួតវគ្គផ្តាច់ព្រ័ត្រ នៃកម្មវិធីវង់តន្រ្តីខ្មែរ រដូវកាលទី១ (ការប្រកួតវង់ភ្លេងការបុរាណ និងវង់ភ្លេងការសម័យកណ្តាលខ្មែរ) កាលពីថ្ងៃទី២៥ ខែមិថុនា ឆ្នាំ២០២០ នៅស្ទូឌីយូបាយ័នស្ទឹងមានជ័យកន្លងទៅ។ ពិណជាឧបករណ៌ខ្សែកេះ ឫដេញដោយម្រាមដៃ ដែលបានអវត្តមានចេញពីវង់ភ្លេងពិណពាទ្យខ្មែរអស់រយៈពេលជាង៩០០ឆ្នាំ។ ពាក្យពិណខ្មែរជាពាក្យកំឡាយមកពីភាសាសំស្ក្រឹត និងបាលីថា “វីណា”។
23 июл 2020
