#ចំណងជើងវីដេអូ៖ «អត្ថន័យពិតនៃពាក្យព្រះគ្រីស្ទ» The True Meaning Of Christ
#រៀបរៀងឡើងដោយ Pastor Chris
#ព្រះបន្ទូលនៃសេចក្ដីពិតសម្រាប់ថ្ងៃច័ន្ទ ទី០១ ខែកក្កដា ឆ្នាំ២០២៤។
«អត្ថន័យពិតនៃពាក្យព្រះគ្រីស្ទ» The True Meaning Of Christ
#អត្ថបទព្រះបន្ទូលដកស្រង់នេះរៀបរៀងឡើងដោយ Pastor Chris បង្រៀនអំពី «ជីវិតដ៏អស់កល្ប»
«ព្រះយេស៊ូវក៏ធ្វើទីសំគាល់ជាច្រើនទៀត នៅមុខពួកសិស្សទ្រង់ ដែលមិនបានចែងទុកក្នុងសៀវភៅនេះទេ។ បានចែងទុកតែប៉ុណ្ណេះ ដើម្បីឲ្យអ្នករាល់គ្នាបានជឿថា ព្រះយេស៊ូវជាព្រះគ្រីស្ទ គឺជាព្រះរាជបុត្រានៃព្រះពិត...» (យ៉ូហាន ២០:៣០-៣១)។
អ្វីដែលយើងទើបតែបានអាន ចង្អុលបង្ហាញនូវអ្វីដែលពិតជាគួរឱ្យកត់សម្គាល់។ ខគម្ពីរនេះនិយាយថា ការអស្ចារ្យជាក់លាក់របស់ព្រះយេស៊ូវ ដែលត្រូវបានកត់ត្រានៅក្នុងព្រះគម្ពីរមានគោលបំណងតែមួយគឺ៖ ដើម្បីបង្កើតជំនឿលើព្រះយេស៊ូវ ជាព្រះគ្រីស្ទជាព្រះរាជបុត្រានៃព្រះ។ តើពាក្យថា «ព្រះយេស៊ូវជាព្រះគ្រីស្ទ» មានអត្ថន័យយ៉ាងណា?
ពាក្យ «ព្រះគ្រីស្ទ» ត្រូវបានបកប្រែពីភាសាក្រិចទៅជាភាសាអង់គ្លេស ហើយវាមិនអាចចាប់យកនូវអ្វី ដែលជនជាតិយូដាយល់ថាជា «ព្រះមេស្ស៊ី» នោះទេ។ នេះគឺជាការយល់បាន ព្រោះជនជាតិក្រិចមិនមានសារនៃនគរទេ។ ដូច្នេះ ជនជាតិយូដាបានដឹងថា ពាក្យព្រះគ្រីស្ទ មានន័យលើសពីអ្នកចាក់ប្រេងតាំងទៅទៀត។ វាពិតជាមានន័យថា ព្រះនៅក្នុងសាច់ឈាម។
នេះជាការលើកឡើង មានមនុស្សជាច្រើនមិនយកចិត្តទុកដាក់ នោះហើយគឺជាហេតុផលដែលពួកគេ បានសម្លាប់ព្រះយេស៊ូវ។ ព្រះយេស៊ូវបានអះអាងថា ជាព្រះរាជបុត្រានៃព្រះ ដែលមានន័យថា ទ្រង់ជាការសម្ដែងអង្គរបស់ព្រះក្នុងសាច់ឈាម។ ហើយទ្រង់និយាយត្រូវមែន។ នោះហើយជាអត្ថន័យនៃព្រះគ្រីស្ទ។ នៅក្នុង ម៉ាកុស ១៤:៦០-៦៤ ក្នុងអំឡុងពេលជំនុំជំរះរបស់ព្រះយេស៊ូវ នៅចំពោះមុខសម្ដេចសង្ឃកៃផា សាក្សីក្លែងក្លាយជាច្រើន បានចេញមកចោទប្រកាន់ទ្រង់ ប៉ុន្តែទីបន្ទាល់របស់ពួកគេមិនស្របគ្នានោះទេ។
នៅទីបំផុត សម្ដេចសង្ឃបានសួរព្រះយេស៊ូវដោយផ្ទាល់ថា «...តើឯងជាព្រះគ្រីស្ទ ជាព្រះរាជបុត្រានៃព្រះដ៏មានពរឬអី?» (ម៉ាកុស ១៤:៦១)។ ព្រះយេស៊ូវបានឆ្លើយតបថា «...គឺខ្ញុំនេះហើយ មួយទៀត អ្នករាល់គ្នានឹងឃើញកូនមនុស្ស អង្គុយនៅខាងស្តាំនៃព្រះចេស្តា ហើយទាំងមកក្នុងពពកនៅលើមេឃផង» (ម៉ាកុស ១៤:៦២)។ សម្ដេចសង្ឃខឹងខ្លាំងណាស់ ហើយហែកសម្លៀកបំពាក់របស់គាត់ ហើយចោទប្រកាន់ព្រះយេស៊ូវពីបទប្រមាថ។
ជាលទ្ធផល ព្រះយេស៊ូវត្រូវបានកាត់ទោសប្រហារជីវិត។ ពួកគេបានចោទប្រកាន់ទ្រង់ពីបទប្លន់។ នោះគឺ ប្លន់ព្រះពីកន្លែងរបស់ទ្រង់។ ពួកគេពោលថា៖ «យើងចោលអ្នកនឹងថ្ម មិនមែនដោយព្រោះការល្អណាទេ គឺដោយព្រោះពាក្យប្រមាថដល់ព្រះ ហើយពីព្រោះអ្នក ដែលជាមនុស្ស បានតាំងខ្លួនឡើងជាព្រះវិញប៉ុណ្ណោះ» (យ៉ូហាន ១០:៣៣)។ ប៉ុន្ដែ ព្រះគម្ពីរចែងថា «ដែលទោះបើទ្រង់មានរូបអង្គជាព្រះក៏ដោយ គង់តែមិនបានរាប់សេចក្ដីដែលស្មើនឹងព្រះនោះ» (ភីលីព ២:៦)។ ព្រោះទ្រង់ជាព្រះផ្ទាល់។
យ៉ូហាន ១:១៤ ចែងថា «ព្រះបន្ទូលក៏ត្រឡប់ជាសាច់ឈាម ហើយបានស្នាក់នៅជាមួយនឹងយើងរាល់គ្នា យើងរាល់គ្នាបានឃើញសិរីល្អទ្រង់ គឺជាសិរីល្អនៃព្រះរាជបុត្រាតែ១ ដែលមកពីព្រះវរបិតា មានពេញជាព្រះគុណ នឹងសេចក្ដីពិត»។ ១ ធីម៉ូថេ ៣:១៦ ចែងថា «ព្រះបានលេចមកក្នុងសាច់ឈាម បានរាប់ជាសុចរិតដោយព្រះវិញ្ញាណ ពួកទេវតាបានឃើញទ្រង់ មនុស្សបានប្រកាសប្រាប់ពីទ្រង់ដល់ពួកសាសន៍ដទៃ មានគេជឿដល់ទ្រង់ក្នុងលោកីយនេះ រួចព្រះបានលើកទ្រង់ឡើងទៅក្នុងសិរីល្អវិញ»។ នោះគឺជាព្រះយេស៊ូវគ្រីស្ទ។ ហាលេលូយ៉ា!
#សេចក្ដីអធិស្ឋាន
ឱព្រះអម្ចាស់យេស៊ូវអើយ ទ្រង់គឺជាព្រះគ្រីស្ទ។ ព្រះបានសម្ដែងអង្គទ្រង់មកនៅក្នុងសាច់ឈាម រាប់ជាសុចរិតក្នុងព្រះវិញ្ញាណ បានឃើញដោយពួកទេវតា បានផ្សព្វផ្សាយដល់សាសន៍ដទៃ មានអ្នកជឿលើពិភពលោក បានលើកឡើងដោយសិរីរុងរឿង ហើយនឹងបង្ហាញឱ្យឃើញក្នុងពេលឆាប់ៗនេះ នៅឯការវិលត្រលប់មកផែនដីវិញ ដ៏រុងរឿងរបស់ទ្រង់។ ព្រះនាមទ្រង់ត្រូវបានលើកដំកើងនៅក្នុងជីវិតរបស់កូន ហើយបានប្រកាសនៅគ្រប់ជាតិសាសន៍ថា ជាព្រះពិតតែមួយ។ អេមែន! សូមព្រះប្រទានពរ!
#ការសិក្សាបន្ថែម៖ អេសាយ ៥៣:៣ ម៉ាកុស ១៤:៣៦ និង សាការី ១១:១២ (ការកើតជាថ្មីកម្ពុជា)
29 июн 2024
