#ចំណងជើងវីដេអូ៖ «និយាយត្រូវ និងរស់នៅត្រូវ» Talk Right And Live Right
#រៀបរៀងឡើងដោយ Pastor Chris
#ព្រះបន្ទូលនៃសេចក្ដីពិតសម្រាប់ថ្ងៃច័ន្ទ ទី២២ ខែកក្កដា ឆ្នាំ២០២៤។
«និយាយត្រូវ និងរស់នៅត្រូវ» Talk Right And Live Right
#អត្ថបទព្រះបន្ទូលដកស្រង់នេះរៀបរៀងឡើងដោយ Pastor Chris បង្រៀនអំពី «ជីវិតដ៏អស់កល្ប»
ដ្បិតយើងបានសុចរិត ដោយមានចិត្តជឿ ហើយក៏បានសង្គ្រោះ ដោយមាត់ទទួលថ្លែងប្រាប់ (រ៉ូម ១០:១០) ។
ជោគវាសនារបស់អ្នករាល់គ្នា គឺនៅក្នុងមាត់របស់អ្នករាល់គ្នា។ ព្រះគម្ពីរចែងនៅសុភាសិត ១៨:២១ ថា៖ «ទោះទាំងសេចក្ដីស្លាប់ ហើយនឹងជីវិតក៏នៅក្នុងអំណាចនៃអណ្តាតដែរ អ្នកណាដែលចូលចិត្តប្រើ នោះនឹងស៊ីផលនៃអណ្តាតនោះឯង»។ ម្យ៉ាងទៀត សុភាសិត ១៥:៤ ចែងថា៖ «ឯអណ្តាតដ៏លំហើយ នោះជាដើមឈើនៃជីវិត»។ អណ្ដាតដ៏ល្អគឺជាភាសាដែលនិយាយត្រូវ ដែលនិយាយព្រះបន្ទូលរបស់ព្រះ។ គ្មានអ្វីល្អជាងព្រះបន្ទូលរបស់ព្រះឡើយ។
សុភាសិត ៦:២ ចែងថា៖ «នោះឯងបានជាប់អន្ទាក់ ដោយសារពាក្យសន្យារបស់ឯង គឺឯងបានត្រូវចាប់ហើយ ដោយពាក្យសំដីដែលចេញពីមាត់ឯងមក »។ ការនេះពិពណ៌នាអំពីស្ថានភាពមិនច្បាស់លាស់ ដែលមនុស្សជាច្រើនបានឃើញខ្លួនឯងនៅក្នុងជីវិត។ ពួកគេត្រូវបានចងដោយពាក្យរបស់ពួកគេ។ ពួកគេនិយាយដោយមិនខ្វល់ខ្វាយ ហើយប្រឆាំងនឹងព្រះបន្ទូល ដោយសារពួកគេមិនត្រូវបានគេបង្រៀនត្រឹមត្រូវ។
ប្រសិនបើអ្នករាល់គ្នា ត្រូវបានបង្រៀនត្រឹមត្រូវ អ្នករាល់គ្នានឹងគិតត្រូវ ហើយនិយាយត្រូវ។ នៅក្នុងនគរនៃវិញ្ញាណពាក្យសំដីជាអ្នកគ្រប់គ្រង។ ពាក្យសំដីគឺជាអ្វីគ្រប់យ៉ាង។ ព្រះបានបង្កើតសកលលោកទាំងមូលដោយអំណាចនៃព្រះបន្ទូល ហើយទ្រង់បានប្រទានឱ្យយើង នូវសមត្ថភាពដូចគ្នាក្នុងការកសាង និងបង្កើតដោយប្រើពាក្យសំដី។
ជីវិតរបស់អ្នករាល់គ្នាថ្ងៃនេះ គឺជាការបូកសរុបនៃពាក្យសំដីរបស់អ្នករាល់គ្នា។ ដូច្នេះ ប្រសិនបើអ្នករាល់គ្នា ចង់បានជីវិតប្រសើរជាងអ្វី ដែលអ្នករាល់គ្នាមាននៅពេលនេះ អ្នករាល់គ្នាត្រូវតែផ្លាស់ប្តូរផ្លូវនៃពាក្យសំដីរបស់អ្នករាល់គ្នា ដោយធ្វើឱ្យប្រាកដថាពាក្យសំដីទាំងនោះ ពេញដោយសេចក្តីជំនឿ និងស្របតាមការរៀបចំរបស់ព្រះក្នុងដំណឹងល្អ។
សុភាសិត ១៨:២០ ចែងថា៖ «មនុស្សនឹងបានឆ្អែតពោះ ដោយផលនៃមាត់ខ្លួន គឺនឹងបានស្កប់ចិត្ត ដោយផលចំរើននៃបបូរមាត់»។ បើអ្នករាល់គ្នាមិនចង់មានជំងឺ បាក់បែក ចុះខ្សោយ និងអស់សង្ឃឹម ចូរប្រើមាត់ឱ្យត្រូវ ដោយនិយាយព្រះបន្ទូលរបស់ព្រះ។
ព្រះអម្ចាស់យេស៊ូវបានបង្រៀនអំពីអំណាច និងសារៈសំខាន់នៃពាក្យសំដីដែលបាននិយាយ-គឺជាព្រះបន្ទូលនៅលើបបូរមាត់របស់អ្នករាល់គ្នា។ នៅក្នុងម៉ាកុស ១១:២៣ ទ្រង់មានបន្ទូលថា អ្នករាល់គ្នាត្រូវតែមានអ្វីដែលអ្នករាល់គ្នានិយាយ។ ២កូរិនថូស ៤:១៣ ចែងថា «ហើយដែលមានចិត្តជឿដូចគ្នា ត្រូវនឹងសេចក្ដីដែលចែងទុកមកថា «ខ្ញុំបានជឿ បានជាខ្ញុំនិយាយ» នោះយើងខ្ញុំក៏ជឿដែរ បានជាយើងខ្ញុំនិយាយ»។
ពាក្យនេះនាំឱ្យយើងចងចាំ នូវអ្វីដែលសាវកប៉ុលបាននិយាយនៅក្នុង រ៉ូម ១០:១០ ក្នុងការបង្ហាញយើង អំពីគោលការណ៍នៃសេចក្តីសង្គ្រោះថា «ដ្បិតយើងបានសុចរិត ដោយមានចិត្តជឿ ហើយក៏បានសង្គ្រោះ ដោយមាត់ទទួលថ្លែងប្រាប់»។ ចូរនិយាយឱ្យត្រូវហើយអ្នករាល់គ្នានឹងរស់នៅត្រូវ។ អ្វីដែលអ្នករាល់គ្នាជឿ ហើយបញ្ចេញដោយមាត់របស់អ្នករាល់គ្នា នឹងគ្រប់គ្រងជីវិតរបស់អ្នករាល់គ្នា។ នេះជាច្បាប់នៃវិញ្ញាណ ហើយវាមិនអាចកែប្រែបានឡើយ។
#ការប្រកាស
តាមរយៈពាក្យពេចន៍ដែលពោរពេញទៅដោយសេចក្ដីជំនឿ ខ្ញុំបង្កើតអ្វីដែលខ្ញុំប្រាថ្នាចង់បាន។ ខ្ញុំដើរដោយសុខភាព ការការពារ សន្តិភាព និងវិបុលភាពរបស់ព្រះ។ ខ្ញុំរស់នៅពីលើធាតុ និងកម្លាំងដ៏អាក្រក់នៃពិភពលោកនេះ ដោយសារខ្ញុំរស់នៅក្នុងព្រះគ្រីស្ទ អង្គុយជាមួយទ្រង់ លើសពីសាតាំង និងកម្លាំងដ៏អាក្រក់នៃសេចក្តីងងឹត។ ខ្ញុំសោយរាជ្យដោយជោគជ័យ លើភាពអវិជ្ជមានទាំងអស់នៃជីវិត ក្នុងព្រះនាមព្រះយេស៊ូវគ្រីស្ទ។ អេមែន! សូមព្រះប្រទានពរ!
#ការសិក្សាបន្ថែម៖ រ៉ូម ១០:៩-១០ និង ម៉ាកុស ១១:២២-២៣ (ការកើតជាថ្មីកម្ពុជា)
21 окт 2024