#ចំណងជើងវីដេអូ៖ «ព្រះបានទតឃើញវាហើយ» God Saw It
#រៀបរៀងឡើងដោយ Pastor Chris
#ព្រះបន្ទូលនៃសេចក្ដីពិតសម្រាប់ថ្ងៃពុធ ទី០៣ ខែកក្កដា ឆ្នាំ២០២៤។
«ព្រះបានទតឃើញវាហើយ» God Saw It
#អត្ថបទព្រះបន្ទូលដកស្រង់នេះរៀបរៀងឡើងដោយ Pastor Chris បង្រៀនអំពី «ជីវិតដ៏អស់កល្ប»
«ហើយការអ្វីដែលត្រូវធ្វើក៏ដោយ ចូរធ្វើឲ្យអស់ពីចិត្ត ទុកដូចជាធ្វើថ្វាយដល់ព្រះអម្ចាស់ មិនមែនដល់មនុស្សទេ។ ដោយដឹងថា អ្នករាល់គ្នានឹងទទួលរង្វាន់ជាមរដកអំពីព្រះអម្ចាស់មក ដ្បិតអ្នករាល់គ្នាជាអ្នកបំរើរបស់ព្រះគ្រីស្ទ ជាព្រះអម្ចាស់» (កូល៉ុស ៣:២៣-២៤)។
តើអ្នករាល់គ្នារស់នៅជារៀងរាល់ថ្ងៃដោយរបៀបណា? តើអ្នករាល់គ្នាដឹងទេថា រាល់សកម្មភាពរបស់អ្នករាល់គ្នា រួមទាំងគំនិតក្នុងចិត្តរបស់អ្នករាល់គ្នា ត្រូវបានមើលឃើញដោយព្រះដែរទេ? ដូច្នេះ អ្នករាល់គ្នាប្រហែលជាបានធ្វើអ្វីមួយ ដែលអ្នករាល់គ្នាគិតថា គ្មាននរណាម្នាក់កត់សម្គាល់ទេ។ ប៉ុន្តែព្រះបានទតឃើញវាហើយ។ ទ្រង់មើលឃើញអ្វីៗទាំងអស់។
ហេតុនេះហើយបានជាព្រះគម្ពីរចែងថា ពេលយើងបម្រើ យើងគួរតែបម្រើដល់ព្រះ មិនមែនចំពោះមនុស្សឡើយ។ អ្នកដែលនៅជុំវិញអ្នករាល់គ្នា ប្រហែលជាមិនកត់សម្គាល់ការខិតខំ និងការឧស្សាហ៍ព្យាយាមរបស់អ្នករាល់គ្នាទេ ប៉ុន្តែព្រះទតឃើញការនោះហើយ។ ទ្រង់ដឹង។
សូមស្រមៃថា អ្នករាល់គ្នាធ្វើការជាអ្នកបម្រើក្នុងភោជនីយដ្ឋាន ហើយរាល់ថ្ងៃអ្នករាល់គ្នាយកម្ហូបខ្លះទៅផ្ទះ ដោយមិនបានដឹងពីនិយោជករបស់អ្នករាល់គ្នាទេ។ ប៉ុន្តែនៅក្នុងចិត្តរបស់អ្នករាល់គញនា គំនិតរបស់អ្នករាល់គ្នានោះគឺថា «ម្ហូបនៅសល់តែប៉ុណ្ណឹង។ លើសនេះទៀត គ្មានអ្នកណាឃើញខ្ញុំយកម្ហូបនេះទេ!» ព្រះបានទតឃើញអ្នករាល់គ្នាហើយ!
តើព្រះគិតយ៉ាងណាចំពោះទង្វើបែបនេះ? ការនោះគឺខុស។ វាដូចជានៅពេលដែលអ្នករាល់គ្នា ធ្វើការនៅក្នុងស្ថាប័នមួយ ហើយបន្ទាប់មកអ្នករាល់គ្នាច្រលំរឿង ហើយលាក់វាពីចៅហ្វាយរបស់អ្នករាល់គ្នា។ ប៉ុន្តែអ្នករាល់គ្នាមិនអាចលាក់រឿងនោះពីព្រះបានទេ។ អ្វីដែលអ្នករាល់គ្នាធ្វើ ត្រូវតែថ្វាយចំពោះព្រះអម្ចាស់។
ប្រសិនបើអ្នករាល់គ្នាដឹងថា អ្វីមួយមិនត្រឹមត្រូវ ហើយអ្នករាល់គ្នាបង្ហាញវាហាក់ដូចជាវាត្រូវ ព្រះគម្ពីរបានចែងអំពីអ្នករាល់គ្នាថា នោះជាអំពើបាប។
ចូរគិតថាអ្នករាល់គ្នានឹងត្រូវត្រង់ ហើយដើរដោយត្រង់គ្រប់ពេល ដោយមិនចាំបាច់ថាមានអ្នកណា មើលឬអត់នោះទេ។ អ្វីដែលសំខាន់បំផុតនោះគឺថា ព្រះកំពុងមើល។ ព្រះគម្ពីរចែងថា៖ «គ្មានអ្វីកើតមក ដែលទ្រង់ទតមិនឃើញនោះឡើយ គឺគ្រប់ទាំងអស់នៅជាអាក្រាត ហើយចំហនៅចំពោះព្រះនេត្រនៃព្រះ ដែលយើងរាល់គ្នាត្រូវរាប់រៀបទាំងអស់ទូលថ្វាយទ្រង់» (ហេព្រើរ ៤:១៣)។
#សេចក្ដីអធិស្ឋាន
ឱព្រះវរបិតាជាទីគោរពអើយ កូនសូមអរព្រះគុណទ្រង់ ហើយរក្សាព្រះបន្ទូលទ្រង់ ដោយដឹងថាទ្រង់ នឹងនាំរាល់កិច្ចការទាំងឡាយមកជំនុំជំរះ គ្រប់ទាំងការសម្ងាត់ទាំងអស់។ កូនរស់នៅរាល់ថ្ងៃដោយសុចរិត ស្មោះត្រង់ និងស្មោះអស់ពីចិត្ត ធ្វើអ្វីៗគ្រប់យ៉ាងដូចទៅចំពោះទ្រង់ មិនមែនសម្រាប់មនុស្សទេ។ កូនសូមផ្គាប់ព្រះហឫទ័យទ្រង់ជានិច្ច នៅក្នុងព្រះបន្ទូល និងដោយព្រះបន្ទូល នៅក្នុងគំនិត ពាក្យសំដី និងសកម្មភាពរបស់កូន ក្នុងព្រះនាមព្រះយេស៊ូវគ្រីស្ទ។ អេមែន! សូមព្រះប្រទានពរ!
#ការសិក្សាបន្ថែម៖ សុភាសិត ១៥:៣ MSG ទំនុកដំកើង ១៣៩:១-៤ សាស្ដា ១២:១៤ និងសុភាសិត ១៦:២ (ការកើតជាថ្មីកម្ពុជា)
1 июл 2024
