រុស្ស៊ីធ្វើជាប្រធានកិច្ចប្រជុំប្ដូរវេន្តរបស់ UN បដិសេធការវាយប្រហាររបស់ខ្លួនលើពេទ្យកុមារអ៊ុយក្រែន 

វេជ្ជបណ្ឌិត Volodymyr Zhovnir គ្រូពេទ្យវះកាត់បេះដូង និងជាគ្រូពេទ្យឯកទេសខាងថ្នាំស្ពឹកនៅមន្ទីពេទ្យកុមារ Okhmatdyt បានរៀបរាប់ពីកន្លែងកើតហេតុ តាមរយៈវីដេអូភ្ជាប់ពីទីក្រុង Kyiv ថា “មានការរញ្ជួយដី ហើយរង្គើដល់ជញ្ជាំង។ ទាំងកុមារ និងមនុស្សធំបានស្រែកយំដោយការភ័យខ្លាច ហើយអ្នករបួសបានយំដោយការឈឺចាប់។ វា គឺជានរកពិតប្រាកដ ហើយនិងបានឮនូវសម្រែកសុំជំនួយពីក្រោមគំនរបាក់បែក។ អ្នកជំងឺវ័យក្មេងជាង 600 នាក់ត្រូវបានផ្លាស់ប្តូរទៅកាន់ទីជំរកការពារពីគ្រាប់បែក លើកលែងតែអ្នកដែលត្រូវវះកាត់។ ការវាយប្រហារនេះបានបណ្តាលឱ្យមនុស្សជាង 300 នាក់រងរបួសក្នុងនោះមានកុមារ 8 នាក់ និងមនុស្សធំពីរនាក់ត្រូវបានស្លាប់ ហើយម្នាក់ជាវេជ្ជបណ្ឌិត វ័យក្មេង។