លោក អៀង សារី នេះ ត្រូវបានគណៈមជ្ឈិមបក្ស តែងតាំងជាឧបនាយករដ្ឋមន្រ្តីនិងជារដ្ឋមន្រ្តីទទួលបន្ទុកកិច្ចការ បរទេស នៅថ្ងៃទី៣០ ខែមីនា ឆ្នាំ១៩៧៦ ។ យើងបានរកឃើញថា បុគ្គលរូបនេះបានបញ្ចុះបញ្ចូលបានឥស្សរជននិងបញ្ញាវ័ន្តខ្មែរចំនួនជាង៤០០០នាក់បានវិលមកកម្ពុជាវិញ ហើយក្នុងនោះមានមនុស្សមិនដឹង១០០០នាក់ផងដែរមានជីវិតរួចពីការកាប់សម្លាប់។ ទន្ទឹមនិងនេះយើងបានរកឃើញថា មាន អតីតឯកអគ្គរាជទូតនៃសង្គមរាស្រ្តនិយម អតីតឯកអគ្គរដ្ឋទូតនៃរបបសាធារណរដ្ឋខ្មែរ និង អតីតមន្រ្តីទូតចំនួន២៦នាក់រួមទាំងក្រុមគ្រួសារត្រូវពួកខ្មែរក្រហមចាប់បញ្ជូនយកទៅដាក់ក្នុងមន្ទីរកែប្រែស-២១ ហៅទួលស្លែង ក្រោយពេលដែលពួកគាត់បានវិលមកព្រលានយន្តហោះពោធិចិនតុងមាតុភូមិកម្ពុជាវិញ។
28 авг 2024
