​​ශුභාරංචිය​ The Gospel 

නව ගිවිසුමේ නාසරෙත්හි යේසුස් වහන්සේගේ චරිතාපදාන හතරක් ඇත; ඉන් යේසුස් වහන්සේ දේව රාජ්‍යය ප්‍රකාශ කිරීම, කුරුසිපත් වීම හා මරණින් නැවත නැගිටීම ඉදිරිපත් කරයි. ඒ සියල්ල “ශුභාරංචිය” ලෙස හැඳින්වේ; එය සුභ ආරංචියකි. ඒත් එකිනෙකට වෙනස් කරුණු ඇති පොත් හතරක් ඇයි? නව ගිවිසුමේ ශුභාරංචිය පිළිබඳ වාර්තා හතරම පැමිණෙන්නේ යේසුස් වහන්සේට සමීපව සිටි, මුල් අනුගාමිකයින්ගෙන්ය. ඔවුන් ගෝලයින්ගේ සාක්ෂි සංරක්ෂණය කර ලියූහ. නුමුත් එක් එක් වාර්ථාවෙන් යේසුස් වහන්සේ ගැන විවිධ තේමාවන් හා පැතිකඩවල් අවධාරණය කරන බැවින්, එම වෘත්තාන්ත හතරම කියවන පාඨකයාට සාරවත් පින්තූරයක් ලබා ගත හැකි වනු ඇත. යේසුස් වහන්සේගේ ඉගැන්වීම් හා කතන්දර රාශියක් අතරින් සමහරක් පමණක් තෝරා ගත් බව, ලුක් 1:1-4 හා යොහන් 20:30-31 හි කතුවරුන් පවසයි. තවද, කතන්දර සකස් කර ඇත්තේ යේසුස් වහන්සේ ඉශ්‍රායෙලයේ මෙසියස් බවත් මළවුන් නැගිටි සියළු දේශයින්ගේ ස්වාමින් බවත් පාඨකයාට ඒත්තු ගන්වන පිණිස යයි ඔවුන් පවසයි. එයින් අදහස් වන්නේ ශුභාරංචි වාර්ථා හුදෙක් පුරාතණ ආරක්ෂක කැමරා සටහනක් නොවන බවයි! ඔවුන්ගේ සාක්ෂිය සත්‍ය ලෙස අප විසින් පිළිගැනීම කතුවරුන්ගේ අවශ්‍යතාවය වූ අතර, ඔවුන්ගේ අරමුණ වූයේ හුදෙක් අතීතය ගැන දත්ත සටහනක් ඉදිරිපත් කිරිම නොවීය. යේසුස් වහන්සේ ජිවමාන බවත්, උන්වහන්සේ හෙබ්‍රෙව් ශුද්ධ ලියවිල්ලේ ඉපැරණි කතන්දරය පූරණ කළ බවත්, උන්වහන්සේව අනුගමනය කිරීමෙන් අපගේ ජීවිත සදහටම වෙනස් වන බවත් මේ කතුවරු විශ්වාස කළහ! මෙම ශුභාරංචි පොත් හතර යේසුස් වහන්සේ හා ඔබට ඇති සම්බන්ධතාවය සලකා බැලීමට පාඨකයාට ආරාධනා කරන ලියවිලිය. ශුභාරංචි පොත් කියවීම තව පියවරක් ඉදිරියට ගෙන යෑමට ඔබට කැමති නම්, බයිබලය කියවීමේ ශිල්පය නම් මෑතකදී මුදා හරින ලද අපගේ විඩියෝව නරඹන්න. තවත් ගැඹුරට යන්න, අපගේ ඉංග්‍රීසි පොඩ්කාස්ට් (podcast) මාලාවට ඇහුම්කන් දෙන්න.

Good job Shalom!

Pls mention this god words