“စဉ့်ကူးမြို့ကို ကျနော်တို့ အပြည့်အ၀ ထိန်းချုပ်ထားပါတယ်” 

“စဉ့်ကူးမြို့ကို ကျနော်တို့ အပြည့်အ၀ ထိန်းချုပ်ထားပါတယ်”
အော်စမွန် (ပြောခွင့်ရပုဂ္ဂိုလ် - PDF-MDY)
(၂၁- ၇ - ၂၀၂၄)
စဉ့်ကူးမြို့ကို ပြန်သိမ်းလိုက်ပြီဆိုတဲ့ စစ်ကောင်စီရဲ့ပြောဆိုချက်ဟာ ဝါဒဖြန့်မှုသာဖြစ်ပြီး တကယ့်မြေပြင်မှာ အားလုံးကို တော်လှန်ရေးတပ်တွေက အပြည့်အ၀ ထိန်းချုပ်ထားပါတယ်လို့ PDF-MDY ပြောခွင့်ရ ကိုအော်စမွန်က BNN ကိုပြောပါတယ်။
စဉ့်ကူးကို ၂၀ ရက်နေ့မှာ တပ်မတော်က ပြန်သိမ်းလိုက်ပြီဆိုပြီး စစ်ကောင်စီဖက်က မနေ့ညက ထုတ်ပြန်ချက်နဲ့ပတ်သက်ပြီး မေးမြန်းစဉ် ကိုအော်စမွန်က အခုလို တုန့်ပြန်ချက်ပေးခဲ့တာပါ။
PDF-MDY နဲ့ ပူးပေါင်းတပ်တွေက ပထမ ဆုံးသိမ်းပိုက်နိုင်ခဲ့တဲ့ မြို့သိမ်းတိုက်ပွဲ- စဉ့်ကူးမြို့သိမ်းတိုက်ပွဲဟာ စစ်ရေးအရရော၊ နိုင်ငံရေးအရပါ ထူးခြားမှုရှိတယ်လို့လည်း သူက ပြောပါတယ်။
ဖမ်းမိစစ်သုံးပန်းတွေအကြောင်း အသေးစိပ်ထုတ်ပြန်ခြင်းမရှိသေးပမယ့် မိုးကုတ်ဗျုုဟာ အမှတ် ၁၂၂၂ တပ်ရင်းကတော့ သုံ့ပန်းတွေထဲမှာ ခမရ ၇၀၃ တပ်ရင်းမှူး ဒုဗိုလ်မှူးကြီး အောင်မင်းကို၊ စဉ့်ကူးမြို့နယ်စီမံအုပ်ချုပ်ရေး အဖွဲ့ဝင် ဗိုလ်မှူးအောင်ကျော်ဇင် အပါဝင် အဆင့်မြင့်အရာရှိတွေပါဝင်နေပြီး ဗိုလ်မှူးကြီးတွေကိုယ်တိုင်ရဲ့ ပြောဆိုချက်တွေကိုလည်း ဗီဒီယို မှတ်တမ်းထဲမှာ တွေ့ရပါတယ်။
နောက်ဆုံးတက်လာတဲ့ သတင်းတွေထဲမှာတော့ စစ်ကောင်စီဟာ စဉ့်ကူးကို ပြန်သိမ်းနိုင်တာမဟုတ်ပဲ ဧရာဝတီမြစ်တွင်းရှိ စစ်သဘောင်္တွေကနေ လက်နက်ကြီးတွေနဲ့ လှမ်းပစ်နေတာသာ ဖြစ်တယ်လို့ မြေပြင်သတင်းမှန် (စဉ့်ကူး) အဖွဲ့ရဲ့ ထုတ်ပြန်ချက်ထဲ တွေ့ရပါတယ်။
PDF-MDY ပြောခွင့်ရ ကိုအော်စမွန်ကတော့ တော်လှန်ရေးတပ်တွေရဲ့ စွမ်းဆောင်ရည်အပေါ် လူထုထောက်ခံမှုကို အားရတယ်လို့ပြောဆိုပြီး စစ်ရေးပစ်မှတ်တွေကို ဆက်လက်တိုက်ခိုက်သွားမယ်လို့ပြောပါတယ်။
ဒီနေ့ ထပ်ဝင်လာတဲ့သတင်းတွေအရ စဉ့်ကူးအပေါ်ဖက်ရှိ သပိတ်ကျင်းမြို့နယ်၊ အင်းနက်ရွာက တာဝါတိုင်စစ်စခန်းကို KIA - ကချင်လွတ်လပ်ရေးတပ်မတော်နဲ့ PDF ပူးပေါင်းတပ်တွေက သမ်းပိုက်လိုက်တယ်လို့ ဒေသတွင်းမီဒီယာတွေမှာ ဖေါ်ပြထားပါတယ်။
အခု တိုက်ပွဲပြင်းထန်နေတဲ့ ဧရာဝတီမြစ်အရှေ့ဖက်ကမ်းက သပိတ်ကျဉ်း၊ စဉ့်ကူး၊ မတ္တရာတို့ဟာ မိုးကုတ်၊ မိုးမိတ်အပါဝင် ရှမ်းမြောက်ဒေသရှိ နောင်ချို၊ ကျောက်မဲတို့နဲ့ ဆက်စပ်နေတာဖြစ်ပါတယ်။ PDF က သိမ်းပိုက်ထားတဲ့ စဉ့်ကူးမြိုံဟာ မန္တလေးနဲ့ ၅၄ မိုင်အကွာမှာရှိတယ်လို့ မှတ်တမ်းတွေထဲ တွေ့ရပါတယ်။
(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe
လုပ်ရန် တိုက်တွန်းပါသည်။ / burmanewsnetwork )
=====
BNN သတင်းဌာနသည် ဒီမိုကရေစီ နှင့် လူ့အခွင့်အရေးကို အလေးထားပြီး မြန်မာပြည်သူတို့အတွက် သတင်းမှန် များကိုသာ တင်ဆက်ပေးသွား မည်ဖြစ်သည်။
Burma News Network