„პირისპირ გინდათ დატოვოთ საქართველოს მოქალაქეები რუსეთთან, პირისპირ კაციჭამია პუტინთან და დაუკარგოთ ყველა მეგობარი, ყველა პარტნიორი. თქვენ გინდათ საქართველოდან გააქციოთ ყველა ღირსეული მოქალაქე, რომელსაც ამ ქვეყანაში უნდა ცხოვრება, მაგრამ არ უნდა გავრილოვის უმრავლესობა. ვერ ეღირსებით ამას. თქვენ გგონიათ გადაურჩებით ამ დანაშაულისთვის სასჯელს? ვერ გადაურჩებით. თქვენ გაქვთ იმედი სასამართლო კლანის, რომელიც სწორედ იმიტომ გყავთ სასამართლოში, რომ გაექცეთ ყველა იმ დანაშაულს, რაც ქართველი ხალხის წინააღმდეგ ჩაიდინეთ და გაქვთ იმედი, რომ კლანი არ გაგასამართლებთ, მაგრამ თქვენ გელოდებათ სამყაროში ყველაზე საშინელი სამსჯავრო, რომელსაც ვერ გადაურჩებით, თქვენი შვილების სამსჯავრო გელოდებათ, რომელსაც პასუხს ვერ გასცემთ,“ - მიმართა პარლამენტის წევრმა ანა ნაცვლიშვილმა ტრიბუნიდან „ქართულ ოცნებას“.
16 апр 2024