《中年好聲音3》大馬公開招募 周吉佩抽空與當地粉絲聚會 

《中年好聲音3》大馬公開招募 周吉佩抽空與當地粉絲聚會
《中年好聲音3》正展開全球招募，眾所周知馬來西亞唱得之人特別多，所以呢日《中聲1》冠軍 周吉佩 《中聲2》冠軍 古淖文 ，四位評判 肥媽Maria Cordero 伍仲衡 張佳添 周國豐 ，以及導師 谷婭溦 都一早現身機場，出發去大馬出席當地賽區嘅記者會。
唔講唔知，原來今次係吉吉第一次去吉隆玻，佢話好多年前去過一次檳城參加歌唱比賽，事隔多年再去大馬，身份已經唔同晒，因為參加《中年好聲音》人氣爆燈嘅吉吉，仲趁機相約當地歌迷聚會。
周國豐同張佳添都話好期待喺大馬發掘多啲唱功了得嘅參賽者，尤其大馬好興busking，佢地就話要搵時間上街頭發掘唱將。不過當大家都專心想發掘人才嗰陣，伍sir最掛心嘅竟然係美食，仲話自己落機當晚要食咩宵夜都已經諗好啦！
至於肥媽同古淖文就話，知道身邊有好多人都想報名，希望大家唔好猶豫，要勇敢追夢。不過肥媽話為咗避嫌，只要有相識嘅人報名成為參賽者，自己就會同對方斷絕來往，直至比賽完結。
被German稱作小辣椒嘅溦溦老師，有機會去大馬都表現得好興奮，因為自己有好多年冇去過大馬，不過因為行程密密麻麻，今次應該冇機會周圍遊覽嘆美食。
順道提提大家，香港區截止報名日期係7月19日香港時間下午11點59分，熱愛唱歌嘅朋友們，記得把握機會勇敢追夢啦！ tvb.app.do/mlss3
#中年好聲音3 #周吉佩 #古淖文 #肥媽MariaCordero #伍仲衡 #張佳添 #周國豐 #谷婭溦 #馬來西亞 #公開招募 #粉絲聚會
#TVB #娛樂新聞 #TVB娛樂新聞台
#ENews #HKENews #香港娛樂八卦新聞 #八卦新聞
即刻Follow TVB 娛樂新聞台 Facebook專頁
/ tvbenews
登入myTV SUPER享受睇TVB自製節目7日包括娛樂新聞的免費點播
bit.ly/2TXLlM0