@boxchannel7957 《月傾會》又嚟喇!今個月林柏希請到江嘉敏做嘉賓,依家晚晩都喺《食腦喪B》見到佢,今年仲有幾套劇排住隊播,有冇諗過頒奬禮有機會攞奬呢?江嘉敏話:「呢個moment如果你問我,咁多個獎最想攞咩,一定係飛躍進步,因為我想觀眾同我一齊成長之餘,係睇到我進步!」
由《親親你好媽》到依家嘅《食腦喪B》,江嘉敏都遇上拍檔何廣沛同郭子豪。江嘉敏點樣評價呢兩位男神呢?佢就話何廣沛係一個好好嘅大哥哥,「起初會覺得佢係好鬼chok,因為佢永遠都係行出嚟一副好完美男神嘅形象,佢到依家都係㗎!後尾相處落,我就覺得佢係一個好窩心、好願意分享嘅一個大哥哥!」仲爆料話:「佢成日覺得自己係好靚仔,哈哈哈,咁which is佢真係靚仔嘅!」
至於郭子豪,「佢真係典型以為自己係好靚仔嗰啲,哈哈哈,死啦死啦,得罪咗佢添!佢係一個好男人,絕對係一個好好嘅男朋友,佢真係一個好錫女朋友嘅人,呢個真係幾加分嘅!」
27歳江嘉敏2016年加入TVB,圍繞佢嘅新聞是非不少,傳過不和、搞人夫、遊船河事件等,林柏希問佢覺得大眾對佢有咩印象?江嘉敏答得直接,「是非精囉!其實我覺得呢一樣嘢,我係有少少唔開心嘅,因為自己性格衝動啦,總之有好多嘢加埋,變咗觀眾focus就係佢好多新聞、好多是非,江嘉敏就係等於負面囉!出到嚟會扼殺咗我哋背後有幾努力付出!」
拍《兄弟》一劇,傳出和男主角已是人夫王浩信的緋聞,一度令江嘉敏崩潰,「拍《兄弟》嘅時候,有我人生第一篇嘢,是非啦,即係頭條新聞,嗰個moment我係應付唔到,我好記得嗰個moment我就衝咗上去監製間房,我同佢講話我唔想再拍呢套劇喇,因為我唔識得點樣去handle呢一個是非!嗰一排情緒係唔穩定到,我話依家要喺TVB天台度跳落嚟,後尾阿聰即係張繼聰,同埋阿Joe監製,佢哋打嚟,大佬其實好小事㗎咋,呢一行,有邊個係未經歷過呢一個moment,其實到你大個睇返轉頭,呢個係一啲好皮毛嘅事!」
最近傳出與圈外男友、有米電競高層Anthony分手,江嘉敏首度直認已經單身,「(分手)幾個月啦!其實我哋冇好明確地話分手,我相信都存在咗好多問題,我覺得我喺呢段關係,學到嘅嘢就係要溝通!」喊咗幾耐?「梗係有啦,梗係有唔開心啦,因為始終都三四年,(喊咗)嗰零兩個月,好長㗎,大家一齊嘅時候都長㗎!」
去到重頭環節《大膽答 冇膽食》,林柏希今次預備咗江嘉敏最怕食嘅酸瓜,唔敢答就要食呀!至激內容,江嘉敏大爆曾被圈中男星狂追過程,講起都覺sweet喎!以及圈中永不合作的男明星,又係邊個?即刻去片睇足本啦!
訂閱盒子YT頻道同步睇片:bit.ly/3w3xjap
#盒子 #boxchannel #月傾會 #江嘉敏 #食腦喪B #擔正女一 #是非精 #電視 #香港 #分手 #爆料 #男星
-----------------------
記得follow晒呀
FB:bit.ly/2WlzyYF
YT:bit.ly/3guXGz0
IG:bit.ly/3n0YIHg
8 окт 2024