因為是獨唱,「你」佮「阮」有改過。歌詞「一班過一班,阮猶原咧留戀」,我認為是咧講「車幫」。
再會吧!素蘭
詞:王武雄 曲:羅大佑
車就欲離開 心慢慢仔碎
一工過一工 每一工阮逐工咧夢
逐工的夢中 攏只有你一人
明知你毋知 阮心內的願望
一工過一工 阮腳步愈沈重
上班兼下班 交換班的人生車站
人生的上尾站 等無你的人
輪班來值班的心事講未完
一幫過一幫 阮猶原咧留戀
最愛的彼个 可愛的冤家
心愛的素蘭啊喂
莫閣毋講話 放阮在原地
恬恬來為你夯枷
素蘭啊像落花 冷冷的違背
猶原是涼勢啊涼勢
當初的情債 所講的情話
原來是一齣誤會
是啥人害啥人 為啥人人生斷送
人生攏斷送在等待彼个人
凡間的時間閣偏偏遐邇慢
情關的難關 每一步攏為難
歌聲聲咧催 心慢慢仔碎
車漸漸離開 歌聲聲咧催
阮越頭離開 心慢慢仔碎
29 мар 2024