前幾日時運低,唔覺意聽咗一集劉x良節目。我留意到幾樣嘢:1) 佢講好多粗口,25分鐘節目講咗起碼六、七次L同柒,好唔尋常。佢以前肯定唔係咁,唔知係咪呢個先係佢真性情,的話佢依家入咗戰鬥mode所以用咁多助語詞嚟表達佢戰鬥激昂。2)佢講嘢多咗好多表情,成日好似嬲打咁樣。其實我一向都覺得佢長相認真麻麻 - 皮膚黝黑有啲似鄉下佬,冇眉毛似太監,鼻樑下塌(唔知係咪叫豬膽鼻),但以前當然冇人會特登去挑剔佢個樣貌。但而家知道佢成日扮清高,其實人品低下。加上佢而家啲誇張表情,唔怪得討論區啲人話佢面目猙獰。3)呢對賊公乸依家喺日本。佢喺節目尾煞有介事話「既然一場嚟到日本,一定要約 Kenny Boy 一聚」。以為不經意咁就可以抹清 Kenny Boy 係賊婆化名嘅傳言。你當我哋傻嘅咩,邊個會信你搵一個喺度個國家住嘅人做你節目監製。人無恥便無敵!