文夏　風流的行船人 

這首歌的前奏間奏真好聽！

14239/《風流的行船人》Hong-liû ê Kiânn-tsûn-lâng 文夏Bûn-hā ------------------------------------------ 若是在船頂 nā-sī tsāi tsûn-tíng 彈著吉他唸歌詩 tuânn tio̍h gì-tah liām kua-si 會予人笑著阮 ē hōo-lâng tshiò tio̍h gún 是風流的行船人 sī hong-liû ê kiânn-tsûn-lâng 思念著故鄉的 su-liām tio̍h kòo-hiong ê 心愛彼个人 sim-ài hit ê lâng 不時來叫著伊的 put-sî lâi kiò tio̍h i ê 不時來叫著伊的 put-sî lâi kiò tio̍h i ê 可愛的名字 khó-ài ê miâ-jī 月光的暗暝 ge̍h-kng ê àm-mî 含淚的聲真悲哀 hmâ-luī ê siann tsin pi-ai 破舊的吉他 phuà-kū ê gì-tah 就是伊送的紀念品 tsiū-sī i sàng ê kì-liām-phín 海鳥啊 hái-tsiáu--ah 若有情 nā ū-tsîng 請你傳予我 tshiánn lí thuân hōo guá 夜夜來思念伊的 iā-iā lâi su-liām i ê 夜夜來思念伊的 iā-iā lâi su-liām i ê 難忘的形影 lân-bōng ê hîng-iánn 無聊的船頂 bô-liâu ê tsûn-tíng 靜靜唸出心頭聲 tsīng-tsīng liām-tshut sim-thâu siann 來安慰家己的心 lâi an-uì ka-tī ê sim 目屎也流落來 ba̍k-sái iā lâu--lo̍h-lâi 平安無 pîng-an--bô 勇健無 ióng-kiānn--bô 請你愛保重 tshiánn lí ài pó-tiōng 希望你期待咱的 hi-bāng lí kî-thāi lán ê 希望你期待咱的 hi-bāng lí kî-thāi lán ê 快樂的相會 khuài-lo̍k ê siong-huē ------------------------------------------ 臺語正字/orthography請查見教育部《常用詞辭典》 →twblg.dict.edu.tw/holodict_new/default.jsp 注音請見(spelling-to-sound correspondences, see) 臺羅教學網→tailo.moe.edu.tw/