96-97 聯賽揭幕戰 (Part 01) - 呢場由95-96年度聯賽冠軍快譯通對亞軍南華嘅揭幕戰,吸引咗過萬名球迷入場。95-96年度南華四對快譯通僅錄得兩和兩負嘅成績,更因為季末喺總督盃決賽及聯賽總決賽先後不敵快譯通而無咗半壁江山。呢場96-97年度嘅聯賽揭幕戰,南華有五屆神射手譚拔士重投,夥拍大熟大勇嘅歐偉倫掛帥,快譯通則從流浪撬走譚兆偉及卡根洛夫,實力有增無減,加上當年本地球市尚算興旺,有咁多球迷捧場以當年嚟講絕對唔出奇。
16 окт 2024