Malala! Malalako!
Mba mandray kifafa kely ianao androany
Malala ôh!
Dia rehefa vitanao ny sasa-vilany sy lovia
Dia mbô atao ny lakozia
Malala! Malalako!
Anio mba ataonao ny sasa-lamba
Dia aza avelanao hanorisory, aza asiana lonilony
Fa fitiavana daholo izany!
Fa reraky ny manompo anao aho
Leo manao izao sy izao ho anao
Marary be ny lohako
Dia maninona moa raha toa ianao tena tia tokoa!
Androany ihany izany mba atao
Malala! Malalako!
Aiza no ahavitako izany rehetra izany!
Malala ôh!
Fa rehefa vitako ny sasa-vilany sy lovia
Dia mba ataonao ilay lakozia
Malala! Malalako!
Kôzy raha mba haiko izany sasa-lamba izany!
Koa aza mba mifanorisory fa mba tsy hisian'ny lonilony,
Dia zaho aza mba atao izany intsony!
Fa reraky ny manompo anao aho
Leo mamelona anao
Mba marary koa ny lohako
Dia maninona moa raha toa ianao tena tia tokoa!
Izany rehetra izany mbô ataontsika roa
Dia rehefa vitantsika roa daholo izany rehetra izany
Fitia mifamaly, mandrimandry, mifaly.
Tonony sy feony : Samoëla RASOLOFONIAINA
13 дек 2023
