I MODY
Leo ny mandainga ho anao hono izy
Ilay mody atao hoe izao
Leo ny mamitaka ny havany izy
Maratra ny ao anaty fony ao
Leo ny manoroka anao hono izy
Ry ilay mody atao hoe : Tia
Manantaina, mijaly
Tomany, marary
Nefa dia tsy maintsy afenina ery
Isan’andininy :
Iny mariazy iny ihany,
No mahatonga azy mbola eo ihany
Rehefa iny aloha ny hazo fijaliany
Na tsara, na ratsy iny
Iny ihany ilay fahiny
Iny alitara iny ihany
No mahatonga azy miafy eo ihany
Ny dikan’ilay hoe ho doria
Tsy maintsy miaritra ery
Rehefa misy mania
Leo mitaraina aminao hono izy
Ry ilay mody atao hoe : Niova fo
Leo ny fosan’ireo namany izy
Sady menatra, no marary an-doha
Miandrandra mafy an’izany hono izy
Hoe iny ianao mba hiova tokoa
Fa ho ataony avokoa izay sitraponao
Raha izay no tianao
Tonony sy feony : Samoëla RASOLOFONIAINA
29 сен 2024
