PINDANGAN RUINS
Tahimik, sagrado, at makasaysayan. Ito ang gumuhong simbahan na matatagpuan sa San Fernando City, La Union.
Sa episode na ito ay ating dadalawin ang isang makasaysayang simbahan na puno daw ng kuwento at kababalaghan na itinayo pa noong panahon ng mga kastila. Ito ang Pindangan Ruins.
Kung ikaw ay galing sa bahaging Timog, kailangan mo lang marating ang Clean Fuel sa tapat ng Shakey’s San Fernando. Kumaliwa pakanluran at 500 meters mula dito ay mararating mo na ang makasaysayang Pindangan Ruins sa loob lamang ng 2 minuto.
Isa sa mga religious sites ng San Fernando ngayon ang Pindangan Ruins - mula sa salitang ‘Pindangan’ kung saan nagpapatuyo ng isda ang mga lokal na mamamayan. Pindangan rin ang dating tawag sa bayan bago pa ito tawagin sa kasalukuyang tawag dito na San Fernando. Ayon sa bagong upong pari ng lugar noong 1765, ay iminungkahi niya sa mga taong nakatira dito na palitan nila ang pangalan ng Pindangan at tatawagin na itong San Fernando. Ang pangalan ng kura paroko noon ay si Padre Fernando Rey kay sa kanya hinango ang pagbabago ng katawagan ng lugar na ito.
Ang pindangan ruins ay itinayo ng mga Frayles o mga paring Kastila noong 1764 at ginawang lugar ng pagsamba. Ito ay matatagpuan dito sa Barangay Parian, City of San Fernando.
Ayon sa pananaliksik na ginawa natin na inilathala ng launiontayo.com.ph, noong panahon ng mga Kastila kung saan ang Katolisismo ay lubos na ipinakilala sa Pilipinas, ang panahon kung kailan ang karamihan ng mga tao ay madalas nang dumadalo sa mga misa, ay dahan-dahang natutunan at niyakap ng ng mga tao ang relihiyong katolisismo.
At dahil ito nga ay matatagpuan malapit sa dagat, ang mga pirata at dayuhang mananakop na tumutuntong sa mga baybaying bahagi ng Lungsod noon ay madalas umatake sa lugar. Kaya naman nagpasya ang mga pari na ilipat ang simbahan sa Brgy. Tanqui, sumunod ay sa Brgy. Cabaroan, at pagkatapos ay sa kasalukuyan nitong lokasyon sa harap ng plaza ng lungsod, at pinangalangang St. William the Hermit Parish.
Napinsala ang Pindangan Church dahil sa malakas na lindol noong 1892, ngunit makikita pa rin sa kasalukuyan ang natitirang pader ng simbahan na gawa sa bato.
Ito ay puro bato at hanggang ngayon, matibay pa rin ang mga pader ng gumuhong simbahang ito. Gumapang at nangingibabaw ang mga lumot sa mga pader nito. Ang pagbisita sa lugar ay hindi lamang produkto ng curiosity ng mga bumibisita dito ngunit higit pa sa hilig na maranasan at makaramdam ng sinaunang kaugalian.
Makalipas ang 258 taon, makikita pa rin sa Pindangan Ruins ang lumang balon na dating pinagkukunan ng tubig ng lokal na mga residente. Sa kasalukuyan ito ay mababaw na, dahil natabunan na rin ng mga lupa at ito ay marahil sa mga nagdaang mga kalamidad na nanalasa sa ating mundo.
Buhay na buhay pa rin ang ganda ng Pindangan Ruins. Sa kabila ng pagiging "nagpanawan", ang mga tao sa simbahan ay nagsasagawa pa rin ng mga gawaing panrelihiyon doon. Hindi kalayuan sa site na ito ay mayroong isang bagong istraktura na binubuo ng isang simbahan at kumbento.
Ang Pindangan Ruins ay isa sa mga pinakamagandang destinasyon para sa mga turista at maging sa mga paglalakbay na pang-edukasyon dahil ito ay hindi lamang isang simple o kahanga-hangang lugar, ito rin ay isang masining, relihiyosong lugar, at ito ay makasaysayan.
Sa kasalukuyan, ang Pindangan Ruins ay sumasailalim pa rin sa mahigpit na pangangalaga at wala pang plano ang gobyerno o ng mga kinauukulan na sumasakop dito na galawin o idevelop ito. Kung iisipin, mas mainam na manatili na lamang ito sa anyo nito dahil ito lamang ang nag-iisa sa lungsod na nagpapakita ng mahusay na pagkakagawa ng mga lumang istrukturang naimpluwensyahan ng mga Espanyol.
Likas nga mayaman sa kasaysayan ang maraming lugar sa Pilipinas. Ito ang mga naging pamana ng mga kolonyalistang dayuhan sa atin at hanggang sa kasalukuyan ay matibay pa ring nakatayo sa ating harapan. Pahalagahan natin ang kasaysayang pinagmulan ng kaunlaran ng ating pinakamamahal na bayan.
Sirpogi elyu
#SirpogiElyu
Sirpogi Elyu Vlogs
Sirpogi Elyu Videos
Sirpogi ng ELYU
travel vlogs
Sir Pogi Elyu
sipogi elyu travel vlog
sirpogi elyu travels
sirpogi elyu latest videos
sirpogi elyu latest vlog
sir pogi elyu latest vlogs
sirpogi elyu latest video
sirpogi elyu uploads
FOLLOW/CONTACT me at:
EMAIL: sirpogi0026@gmail.com
TEXT/CALL: 09102820549
FACEBOOK: / sirpogielyu
TIKTOK: www.tiktok.com...
INSTAGRAM: Sirpogi ELYU
5 сен 2024