الإيجابيات: المقاعد في جميع الصفوف مريحة. سهولة الوصول إلى مقاعد الصف الثالث بالإضافة إلى قابليتها للإمالة. المقصورة واسعة جدا. نظام شاشة الترفيه سهل الإستخدام. السياره تعطيك شعور بأنها أصغر حجما مما هي عليه في الواقع. السلبيات: تصميم الداخلية مقتبس من البيك أب F150 واللي يعتبر قديم. المحرك قوته ممتازه ولكن فيه تأخير ملحوظ في الإستجابة: يعني لو كنت تمشي بسرعة ٨٠ كم وبغيت تتجاوز، السياره تاخذ وقت على ما يفتح التيربو و ترد نمره. فئة الدبل تجي بإطارات كومهو وبنقشة حجرية وتسبب إزعاج وقساوة أثناء القيادة. مدى الأنوار الأمامية في فئة XLT سيئ.
مقاعد مريحه ما اوافقك فيها بصراحة جربت xlt نفس الفئة الي جربتها سيارة ممتازة بكل شي وسع ومكيف ممتاز وعزم جبار لكن حشوة المراتب ما عجبتني الاكسبدشن القديم 2012 مراتبه اريح بكثير
بدون مبالغة ولا أعرفك ولاتعرفني ، لكن أفضل مقطع شفته في تقرير الاكسبدشن ، يحاكي كل الذي أردته من هذي السيارة وبشكل دقيق مثل صوت المحرك - أنظمة التعليق - التسارع - القيادة بشكل طبيعي - جودة التصوير وكل هذا من دون ازعاج وعرض دعائي كباقي التقارير المملة ، اشكرك شكرا جزيلا.
سيارة رائعة بمعنى الكلمه أحسن من قواطي اليابان الي بسعر فوق ٢٣٠ ألف ويغير العلامه ويحط سعرها فوق ٤٠٠ ألف ويجيك واحد يشغل شيله راكب الي قيمتة قيمة عمارة وهو مضحوك عليه
ياخي اهنيك على الايداع في التصوير و الشرح الصامت افضل شي بالنسبة لي .. اتمنى اذا صرت مشهور وجتك عروض من شركات السيارات تستمر على نفس الابداع هذا 😜 كثير قنوات سيارات صارت كلها شرح أزارير ! ازارير مكيف و بلوتوث و نوافذ 😂🤣 كأن الشخص اذا اشترى سيارة ماراح يعرف يستخدم هالازارير
الصور تتكلم والمشهد يتحدث وهل هناك أبلغ من رأي العين ..مميز بكل المقاييس ويدل على إلمامك بماتريد إيصاله ولمن يكون.من غير مشتتات وبأصوات المخلوقات اللطيفة.🌷
عجبني تصويرك بدون نطق اي كلمة عبرة عن كل شي نحتاجه واكثر. بعضهم يبربرون ويسولفون ويخاف يخطي بالكلمه وينسى موضوع سيارة ويحتاس ويحوسنا معه ونكره السيارة ونرجع نشتري ياباني وننسلخ بمبلغ خيالي وبدي مصنوع من بيبسي. ولاكن اهنيك ع التصوير الاحترافي وتوصيل الفكرة بدون اي كلمه تنخر سمعنا زي البعض وتستاهل الاشتراك
@@BlackvRoyal السلام عليكم أخوي لو سمحت أنا أبغى أشتري xlt 2019 دبل شكله نفس إلي عرضته لكن سقف عادي وجدت شريحه معينه من الناس في النت وأنا سئلت أصحاب المعارض وقالوا نفس الكلام تقريباً وزادو عليه ٦ سلندر ماينفع على سياره كبيره وكمان مركبين توربو حيروني لو كان جمس الكل يشكر فيه أحتاج أسمع رأيك
ماشاء الله تبارك الله..................شغل احترافي لا بعد حد......حقيقة لم اشاهد شخص في الوطن العربي كامل يشفي غليلك من الاسئلة والاستفسارات غير black royal.......موفق اخي.... فعلاحساب يستاهل انك تتابعة...
الوكيل خرب على نفسه ورفع سعره وتكدس عنده وسوا عروض وبرضوا محد عبره وما تعلم من غلطته وسوا نفس الحركه مع الاكسبلولر هالسيارتين سابقاً بكل شارع تلقاها الحين معد تشوف موديلاتها الجديده الا نااادر
القناة اللي اضمن حياديتها الباقي يا يرفع في السيارة او اذا زعلوا راعي القناة راح يسب فيها زي واحد يسوي عرض للباليسيد ما خلا شي سلبي ما ذكره و لا شي إيجابي الا قلل منه... شكل الوكالة زعلوه 😂😂😂
من عيوب فورد اكسبديشن انهم لا يزالون سرينا على الانوار هيلو جين الشركات طورت الانوار من زينون و ولد و من العيوب اللي مرت علي بالموديلات القديمه ما ادري عاد الان طوروها ولا لا المكيف لا يبرد او تقل برودته اذا كانت السياره واقفه ولا هو سياره لا يعلى عليها
بالنسبة للأنوار الـ XLT يجي هيلوجين أما الفئات الأعلى LED . المكيف فرق شاسع بين القديم التبريد ما عليه كلام ولو السيارة واقفه والدفع أقوى من قبل + رجعو فلتر التكييف . انا اضرب المثل في مكيف الـ بي ام كأفضل تكييف مر علي وأقدر أقول أن الأداء متقارب بين الأثنين من دون مبالغة .
تكفى ياخوي الله يحفظك من كل شر يارب... نبي جيب هوندا بايلوت وكيا تيلورايد تكفى الله يخليك..... الشيء الثاني لو تكرمت تجرب لنا النور العالي والواطي في الظلام وفي كل تجربة من تجاربك الجميلة وسلامتك يالحبيب
اشكرك ياشيخ عندي واحد مثل الي مصورة في صوت بالمكينه والتيربو كنت مستغربها واكشتفت انها طبيعية الله يجزاك الخير ، لكن سؤال لما تمشي بالراحه ولما توصل سرعه 40 الغير ينتع معاك ؟
بارك الله فيك كيف الراحة افضل هو ولا الاندركروزر ..... وهل هو افضل من الاندركروزر بشكل عام ..... وايهما تفضل لاندكروزر في اكس آر .... او فورد اكسبكشن XLT فل كامل ....... لان الصراحة مافيه فرق بينهما من حيث الخدمات .... الفورد مع انه XLT فية اولى مع ذلك كل المواصفات تقرريبا فيه
ما شاء الله عليك مع. انك لم تتكلم كلمة واحدة الا انك جاوبت على كل الأسئلة تقريبا ..... لكن عندما تكون ما شئ ١٣٠ أو ١٤٠ كم يكون آل RPM ،،،،، على ١.٥ أو اكثر
صوت المكينه كانها ديزل انا شغاتها في الوكاله وبعدين الان ٦سلندر و٢تيربو خرابات وحساس جدا ومكلف ... والصيانه في الوكاله نار وانا بوشت فورد ٢٠١٢ ماتمشي استخدامي ٥٦الف ماشيه وقالو بدايه ٢٥٠٠٠الف وعلى حسب الخراب والقطع وشغل اليد صلحتها برا في الصناعيه في الرياض ١٤٠٠٠ريال ...
سيارات الفورد ال١٠ نمر و الرياضيه اذا حرارة الجو غير مناسبه تسوي سيفتي للقير والمحرك ولا المكينه اللي معه تسارعها ٥.٧ وكثير ناس جابوها وتسارع نفس المكينه بس على الفل كامل تكون ٤٥٠-٤٢٠ حصان حسب الدوله ٥.١ ثانيه
@ anofaishi السياره كانت لغرض التجربة ورجعتها. نعم الفئه اللي في الفيديو جلد و دبل وبانوراما. وكانت حزتها ب ١٧٠ ألف وارد الناغي. والأسعار قابله للتغيير.
@@3li_3mer الله يبارك فيك ويجزاك خير و الله توي شاريه نعم فيه فتحة بس ما فيه مواصفات مثل الموديلات السابقة ٢٠٢٠ يختلف مدري وش سالفته و عيبه في الشاشة مافيها خرائط مع العلم إن معظم السيارات الأخرى فيها خرائط و أيضا مافيه حقت تقديم و تأخير الدسات الفرامل و البنزين و السعر غالي شوية .
شوف لا تنخدع الاستاندر xlt فيه فخم فيه شاشه وبصمه.وبريك اكتروني ودخول ذكي ومراتب كهربائيه. والعديد من الموصفات والي اعلى منه xltبلس. بدون دبل يجي فيه ردار وجلد وموصفات جباره
XLT تجي بفئتين الأولى صحيح زي ما تفضلت ما فيها أي مواصفات من اللي ذكرتهم. الفئه الثانيه اللي في الفيديو فيها كل ما ذكرت. إضاءة داخليه ملونه مقاعد جلد وفيها تبريد وتسخين تحكم الدركسون كهربائي الدركسون فيه تسخين حساس النقطه العمياء بانوراما الشنطه كهرب وضيف عليها الرادار الأمامي إذا أخذتها من توكيلات الجزيرة. وارد الناغي ما فيها رادار للأسف
قرص التحكم بالمقطورة: هذي يا طويل العمر تخيل تسوق شاحنة ومعاها حموله وبغيت ترجع ريوس.. راح تلف يمين إذا بغيت (الحمولة) تروح يسار وتلف يسار إذا بغيت (الحمولة) تروح يمين. فورد طورت نظام بحيث تقدر تتحكم بتوجيه الحموله عند الرجوع للخلف عن طريق قرص دوار بدون ما تلمس الدركسون. والفرق أنك تلف القرص (لليمين) إذا بغيت الحمولة تروح (يمين) والنظام يقوم بالتحكم بالدركسون بلفه لجهة اليسار. والعكس صحيح.