Watch Achan | അച്ഛൻ | malayalam kavitha | ടീം മലബാർ മ്യൂസിക് | Malabar Music.
Poetess - Lakshmi Damodar.
Singer - Levin Muthukad.
Music - Ajeesh Konnappat.
BGM - Lijith ADARS.
Producer - Sumesh KS.
@malabar-music
💐അച്ഛൻ💐
ഒരു കുഞ്ഞുതെന്നലിൻമർമ്മരം പോലെന്നിൽ
സാന്ദ്രമാം പുഞ്ചിരി മിന്നിനില്ക്കേ
നഷ്ടമായ്ത്തീർന്നൊരെൻജീവിതയാത്രയിൽ;
നെഞ്ചകംവേവുന്ന
നോവാണച്ഛൻ
ആളുന്ന
വേദനകളെല്ലാമൊളിപ്പിച്ചു
നറുപുഞ്ചിരിപ്പൂനിറച്ചുചുണ്ടിൽ.
അമ്മയ്ക്കുനല്കിയ
ജീവിതനൗകയിൽ
ഒരു കൊച്ചു തുഴയായ്
ഞാനേകനായി
നെയ്തൊരാ
സ്വപ്നത്തിൻഭാരങ്ങളൊക്കെയും
അമ്മക്കുനല്കി ,വിട
വാങ്ങവേ
വിങ്ങുകയാണച്ഛാ
എൻമനമെപ്പോഴും
നെഞ്ചിലെ
തേങ്ങലായോർമ്മകൾ ഹാ!
ഈശ്വരപാദങ്ങൾ
പൂകിയെന്നച്ഛൻ
വർഷങ്ങളേറെക്കൊഴിഞ്ഞെങ്കിലും......
പിച്ചനടക്കുവാൻ
കുഞ്ഞുകരമേന്തി,
പിച്ചവച്ചങ്ങുനടന്ന നേരം
വേച്ചുവിഴാതെന്നെ
നെഞ്ചോടണച്ചിട്ടു
താങ്ങായ് തണലായ്
നടന്നതച്ഛൻ....
കൺകളടച്ചു,ഞാൻ
സ്വപ്നത്തേരേറുമ്പോൾ
കുഞ്ഞു പാദങ്ങളിൽ മുത്തം
പൂക്കും
ചൊല്ലിപറയുവാൻവാക്കുകൾ
പോരാത്ത
വാത്സല്യമന്നനിക്കേകിയച്ഛൻ
ഇന്നുമാസാമീപ്യമെന്നിൽനിറക്കുന്നു;
വറ്റാത്തസ്നേഹക്കടൽത്തിരപോൽ!
തപ്തമാം മാനസം
നീറിത്തളരവെ
മിഴികളിൽ കണ്ണീരിൻ മുത്തsർന്നു..
താരകൾ പൂത്തിടുംരാവുകൾതോറും ഞാൻ
മിഴിനട്ടിതെന്നും
തിരഞ്ഞച്ഛനെ
എങ്ങോ മറഞ്ഞ
സ്മൃതി മധുരങ്ങളെ...
പുനർജ്ജനിയെന്നതു
സത്യമെങ്കിൽ
ഇനിയും ജനിക്കാം, ഞാൻ
വീണ്ടും മകനായെന്നച്ഛനുമമ്മയ്ക്കും കാവലാളായ്
ഇനിയും ജനിക്കണം.
വാത്സല്യമേല്ക്കുവാൻ
അച്ഛന്റെ
പാദപൂജാർച്ചനയ്ക്കായ്!!
🌹🌹🌹🌹
2 июл 2019
