Albomun endirmə linki: (23 gün sonra burada paylaşılacaq)
Mixing: 7even
Mastering: 7even & Landr
Beat: theskybeats
Studio: Yerli Records
Covers: Jahangir Graphics
Thanks: Bahruz Gurbanli
23
Giriş:
Etdim səyahət zamanda;
Bunlar oldu bir anda.
Gördüm öz’ümü yandan: oturmuşam divanda.
Təmas olarmı? “Sanmam”.
Qəribədi bir yandan, (çünki) alov alaraq yanmam.
Yanaram (ancaq) yazaraq...
İlk hissə:
Bilərək edib, gedərəm YOLumu azaraq.
Çünki, riski düşünməyəndə risk azalar.
Hamı həyatını borcludu ortaq bir yazara.
Mənəsə Puzzle əmr verir, deyir: Yaz ala!
Baş üstə, yazaram Puzzle, amma haçana?
Cümlələr quran YOLu səsimlə keçim, qaçaraq.
Gördüklərim çoxalır, yazmağa çox acam.
Misal: bilib bilmədən nəsihət verir tox aca!
Rəqiblər kölgə olub addımımı sayır(lar).
Cır səsimdən həzz alıb, savadımı yayın.
Fikir, bütün bildirlərimi divar kimi hörür.
Puzzle yazarkən, fikirləri diyar kimi görür.
Kral lütdü, kral bütdü, mən də səhrada dərviş(əm).
Oldum qəhraman, ərmiş, (axı) təkamül edir vərdiş!
Yəni, sual hədər verilmişdi ağrılar üçün.
Mənim duam hədər edilmişdi Tanrılar üçün...
Keçid:
"Ümman" və "güman"ın birləşməyidi.
“Gümman”dan umarağ nə istəməli(yəm)?
23 çarə olsun və kömək etsin ist(əy)ər, Əli.
İkinci hissə:
Göydən gəlir səsi, yenə kitab yazır deyəsən.
Qışqırıqlar yer altından! (x2)
Kitabında nida dolu(du), əsəbləşib deyəsən.
Qaçıbdılar yer(in) altından! (x2)
Bizə, içib qanun yazıb, atıb, qaçıb deyəsən.
O görünməz(di)! O bölünməz(di)! (Bəs), o da ölməzmi?
Qanunları məntiqsizdi, ərköyündü deyəsən.
Qəlb(i) döyünməz! Ərköyün(lər), bəs, YOLa dönməzmi?
Qocaldıqca əmələ gəlir yara, qırışla.
Mənə qarışma, ara qarışsa yaradılışda.
Yenə yarışma(dı), meydan(sa) düşmanın ətrafıdı.
Puzzle Tolstoy’du, bu track də “Etiraf”ıdı.
Sizə söyməməkçün yazmır, hərf ədəb göstərir.
Məndə əbədidi, sizdə(sə) zəfər ədəd göstərir.
Hədəfdə səbəb göstərir.
Səbəbsiz hədəf göstərir.
- Görübdü nələr gözləri?
- Görübdü, kədər göstərir.
Son hissə:
"Ümman" və "güman"ın birləşməyidi.
“Gümman”dan umarağ nə istəməli(yəm)?
23 çarə olsun və kömək etsin ist(əy)ər, Əli.
27 авг 2024