62-րդ զրույցը գիտնականների հետ տեղի ունեցավ Zoom հարթակով մայիսի 22-ին ժամը 18:45-ին, Երևանի ժամանակով:
Զեկուցող՝ Աննա Փոլադյան, կ.գ.դ., Կենսաքիմիայի, Մանրէաբանության և Կենսատեխնոլոգիայի ամբիոնի վարիչ:
Զրույցի թեմա՝ Էներգիական փոխանակման առանձնահատկությունները մանրէներում։
Համառոտագիր: Մենք ապրում ենք Մանրէների դարում։ Մանրէները Երկրագնդի վրա կյանքի գերակշռող ձևերն են։ Մեր անհաջողությունը գնահատելու այս ակնհայտ կենսաբանական փաստը նրանից է,՜ որ մենք ենթակա ենք չափերի ազդեցությանը (Ստ. Ջ. Գոուլդ (1996)): Կենդանի բջջում քիմիական ձևափոխությունները սերտորեն կապված են էներգիական փոխանակության հետ։ Հաճախ շատ ձևափոխություններ, այդ թվում՝ մակրոմոլեկուլների կենսասինթեզն էներգիայի ուղղակի պահանջ ունեն։ Ուստի կենդանի օրգանիզմում առկա են էներգիայի տարբեր աղբյուրներ։ Էներգիայի տարբեր ձևերի հաշվին կենդանի օրգանիզմում կատարվում են մեխանիկական շարժումներ, քիմիական նյութերի սինթեզ, նյութերի տեղափոխում և անհավասարաչափ բաշխում, ջերմության անջատում և այլ աշխատանք։ Կենդանի օրգանիզմներում էներգիայի ձևափոխության սկզբունքները կամ օրինաչափությունները ստացել են լայն կիրառություն. ստեղծվել են կենսաէլեկտրաքիմիական սարքեր, մշակվում են կենսավառելիքի տեխնոլոգիաներ և այլն։ Դասախոսության ընթացքում կքննարկվեն օքսիդային և ֆոտոֆոսֆորիլացումը, քեմիօսմոսային տեսությունը, պրոտոնային ԱԵՖսինթազի դերը, ինչպես նաև Մանրէային խառը խմորումը և դրա կիրառման ոլորտները:
22 май 2024