اخي الكريم العراق يمرض وما يموت هذا بلد الانبياء والاوصياء فارجوك لا تلوم العراق انما لوم الناس التي باعت بلادها للذيول والخونة وسوف يأتي اليوم الذي ينهض فيه العراق من الرماد
ياأخي هو منو دمر العراق غير امريكا كل رئيس ينتخبوا اول إنجازاته ضرب العراق ويركزون كل ضربه على الجسور مثل الجمهورية والمعلق والكهرباء ومحطات ضخ المياه والمستشفيات والمصانع .اهل بغداد يعرفون الصواريخ اللي جانت مثل المطر علينا ويوميه انبدل إلجام . للاسف تم تدمير البنيه التحتية للعراق ...وبمباركه ومسانده من اقطار عربيه شقيقه
المشكلة مو مشكلة ماي وكهرباء مشكلة شعب تعلم ع الغلط صعب كلش صعب تتغير اطباعهم بعد ماكو تفاهم ولا اكو رحمة والدين مالهم كله جذب اول سؤال يسألك انته من ياعشيرة حتى يعرف شلون يفترسك او انته من ياحزب شنو تقلد يامرجع وغيرها وغيرها هواي .. بس الي مايتمنالك الخير يكلك أرجع او هوه مقتنع بوضع العراق وماعاش بغير بلد حسباله العالم كله هيج مثل العراق
ضيم وقهر العراق ما اقنعك ترجع للعراق صدك تحجي هاي من الغير الناس الي ماتحترم جارها خمس مناطق انتقل إليها نفس الحمام ونفس الطاسه اذيه وناس تحب مشاكل يخلفون ويذبون بالشارع
عموووو احنا ما صدكنا نطلع من الظيم والخيسة والله يوم عيد من طلعنا وخلصنا من الظيم هنا حيث الأمن وراحة البال والهدوء والقانون والنظام والخدمات بكل أنواعها وحقك مايضيع وما يحتاج تتلوك حتى تمشي معاملتك وماكو أي عنصرية كلمن ملتهي بنفسه وبحياتة الله وكيلك عيشة تكصر العمر الحمدلله من طلعنا وخلصنا فعلا الطلعة نعمة وين جنا وين صرنا ياخي هنا تحس بنفسك بشر إنسان الك قيمة والك احترام بالعراق تحس نفسك مخلوق للاهانة والظيم وطيحان الحظ قبل سنة رجعنا أسبوع للعراق لعبت أرواحنا حتى تمرضنا خلينا وبسرعة حجزنا ورجعنا كلت ياربي احنا صدك عايشين بنعمة الله يساعدكم العايشين بالعراق صدك الله يساعدكم فرق هواي هواي
صدقت أنا من السودان قبل الحرب رحنا زيارة كانت عذاب الله لا يضركم وبعد خروجنا بسلام حرب شامله بلادنا فيها لعنه حكام ظلمه شعوب مقهورة ظلم عنصرية كراهية ومنها قررت ما ارجع كلها بلاد الله
بلنسبة للي يكول للعم ماجد ارجع او لاترجع . حبايبي الرجل كبير وواعي وصاحب عائلة ويعرف مصلحته .. صح معلوماته بسيطة ومرات ينطي معلومات تچفيصية 😂 بس لاتنسون هو جديد بامريكا وجاي يحاول وربي ايسهل امره
على فكرة اني الي اقترحت اسم ( اللزكة ) للاخ ماجد بيوم الي اشتراها . 😅تحياتي لشخصك المحترم اخوية ماجد والرب يفتحها بوجهك على كد نيتك! اخوك جوزيف من أستراليا 🇦🇺
استمر متابعك من البصرة من بداية القناة وشايف كل مقاطعك انه مقدم على لوتري دعواتكم الي ربي يوفقك ❤ بالنسبه للبصرة صارت لا تطاق من ناحية الماي والناس تغيرت ماي يجي مباشر من شط العرب ويه مياه الاساله الله شاهد وريحة الماي مالت خر..
هو العراق سليل المجدِ والحسبِ هو الذي كل من فيهِ حفيد نبي وكأَن كبرياء الارض اجمعها تمنى اليه فما فيها سواهُ أَبي هو العراق ، فقل للدائراتِ قفِي شاخ الزمان جميعاً والعراق صبي
البيت جميل اكيد مبدئيا، لكن لا تنس عمو ماجد، بهذا السعر تشتري بيت جديد تماما في دالاس (جديدة اكثر من هيوستن وأنظف) في تكساس. لكن اذا عاجبك الوضع في أوهايو فالله الموفق انت تستاهل كل خير
اخ ماجد … ماعندهم دكة عشائرية ؟ مثل ماموجود في العراق؟… عندما تتفاجأ العائلة باطلاق الرصاص على بيتهم فجأة وبدون سابق إنذار… لينكسر الزجاج ويصاب من يصاب ويحترق البيت… الا لعنة الله على الظالمين
اميركا لو شخص عطلت سيارته بجو يساعدوك بدون فلوس يقولوا الحمدلله الي لقينا حدا نساعده النبي عيسى وصانا نساعد بعض ولا يفرقوا بين مسلم او اي ديانة لما يخدموك ما عندهم عنصرية أبدا
ترجع ما ترجع هذا شي يخصك امريكا حلوه متطور صح بس لا تنسى، اصلك هيج وهيج العراق لو انت ما شايف مشكلتك ربك ستر انت مو عالم نووي عيب عليك يوميا العراق هيج وهيج انت مره وحده رحت ل مطعم فشلت حتى ولدك والله اتحدى ولدك حتى يفتخرو ب كلامك ماجد لا تنسى اصلك بيومين
تحياتي للغوالي لاتفكر ترجع الى العراق المظلوم خليك في مكانك محترم معزز مكرم شكو بالعراق لااحترام لاقانون سلب نهب عصابات بلد الرافدين وبلد النفط والغاز بدون قانون ابقه في مكانك حتى لو تاكل بصل وخبز وامان عيش سعيد تمنياتي لك التوفيق والنجاح الداىم بعون الله ❤❤❤
استاذ ماجد اجاني اشعار الفديو الصبح .. بس قلت خلي اضم الفديو واشوفه وقت الفطور بوقت المغرب لان استمتع واني افطر واشوف فديواتك .. وفعلا هذا اللي صار ... رمضان كريم استاذ ماجد وياريت تكثرلنا بسلسلة دور داش وتنزلنا فديوات بشكل يومي لان نستمتع بفديواتك في رمضان
عندما قلت اعطني سبب مقنع للعودة إلى العراق تذكرت أحد المقاطع السابقة التي قمت بتنزيلها كأن يحاول أحد اقربائك بـ اقناعك ويقول لقد تم تبليط الحي الذي كنت تسكن فيه والله شئ مضحك جدا جدا لدرجة أصبح لدي الفضول أن أشاهد الحي الذي كنت تسكن فيه. لذى إذا تستطيع أن تجعل أحد اقربائك يصور الحي والشارع ومنزلك القديم كي نشاهد التقدم الحضاري والبنية التحتية. ونقارن مسكنك في امريكا والعراق.
مساحة البيوت بالقدم المربع (للتحويل كل 11 قدم مربع تقريباً = 1 متر مربع) هذا مو صقر هذا نسر (حوم) مساحة البيت ممتازة بس تحتاج سيارة قص الحشيش اغلب المناطق الجيدة بيها "جمعية أصحاب المنازل" (اتش أو أيه) ويأخذون مبلغ شهري للمحافظة على المنطقة وصيانتها (مذكورة ضمن الدفعة الشهرية) ماكنة الصودا ليست للأكواب المفتوحة انما للقوارير المغلقة حيث تضغط القارورة المليئة بالماء والطعم والسكر بغاز ثاني أوكسيد الكاربون المضغوط
استخدمهن اثنينهن واي واحد منهن يجي طلب زين اخذه واغلق الثاني او اذا شغل زين ابقى على واحد وما يصير اخذ طلبين من درداش والثاني من ابوبر لان راح يتضاربن وتتاخرين على الناس وتصير خساره من كل النواحي
اخ ماجد لايمكن مقارنة امريكا بالعراق او اي دوله من العالم الثالث!! هل العراقيين في تركيا او في الدول العربيه افضل حالا من نظرائهم بالعراق ام هم يعتمدون ماديا على ما يأتيهم من العراق؟؟؟ !!! يبدو ان الحنين قد غمرك وربما تواجه صعوبات بأمريكا لذلك تحاول اقناع نفسك بواسطة الاخرين بالبقاء بامريكا!! عزيزي فتح الباب او الاحترام فهو شئ عادي جدا هناك ولاتتصورهم يتفضلون عليك بهذا العمل بل بدآت تلك المواقف تنتشر بالعراق نتيجة تعلم العراقيين من الأخرين اثناء السفر!! طيبة الانسان ممكن تكتشفها عندما تتقاطع مصالحك مع مصالحه !! ثانيا لا تحاول التكلم بسوء عن بلدك لان هذا نقطة ضعف سيستغلها الاخرين ضدك في موقف ما !! ثالثا العراق الان في ظروف حرجة وهو مثقل بجراحات الحروب الطويله والحصار والفساد وغيرها ولو اي بلد يواجه هكذا نكبات وكوارث لتمزق ولآندثر من الوجود!! الحرب العالميه الثانيه طالت ٦ سنوات وتمزقت بها بلدان وضاعت فما بالك بالعراق حيث الحرب العراقيه الايرانيه وحدها طالت ٨ سنوات بل العراق الى اليوم هو في حرب!! عموما الله يوفقك بأمريكا ويسهل طريقك