前一場我地只係擺左塊紙板係龍門處, 對手反擊剛過半場已見紙板行出小禁區準備等住封單刀?! 於是對手那位好波之一人中場機警下黎一記衝力射球恰好貼住楣底逐入網笠死無得好講, 因為人地真係射得好靚!! 而上一場我地則掛左塊木板係龍門處 , 成場實際未有穩接過一球波, 都係咁岩射正落塊木板度彈返出黎!! 點知可能吊呢塊木板係龍門架時吊得唔好搞到頭頂重有條"拿", 就咁明明都無行出黎架啦但咁都照樣比人地係後半場禁區一腳吊埋黎龍門口笠得死佢架喎?! 至於今場呢球都無得點怪佢, 因為人地乖巧地特登烏底去頂又真係估唔到?! 自己想移前兩步出迎就咁岩快過佢笠過頭入網, 連續3場3種唔同既笠法(前中後齊晒真好野!!)都咪話我地呢塊木板唔堅!! 遺憾因近月人腳不足每場只得8件, 以致未能有機會影到之前兩場果兩球靚笠...
29 окт 2011