4 فنانات وممثل أعلنوا كراهيتهم لفاتن حمامة لن تصدق من هم 

من راي ان الفنانه شاديه هي سيد الشاشه العربي الله يرحمها لانها كانت فنانه رائعه في كل ادوارها،،💖💖

اني عندي الافضل شادية لانها فنانة شاملة

انا نصدق سناء جميل لان شخصيتها صريحة وصادقة

التكبر و الكبرياء حاجه بشعه جدا و التواضع بركه و نعمه يحبها الله اذا تكبر الانسان خسر نفسه

السيده العظيمة قوية الشخصية والفريدة في نوعها عبقرية التمثيل السيدة سناء جميل تملك موهبة استثنائية في التمثيل

اصدق مريم لانها طبيعيه جدا وعفويه جدا وعملة حاجات جميله جدا جدا

سيدة الشاشة العربية بدون منازع باعتراف الممثلات هي شادية فهي تغني وتمثل وترقص وتجيد كل الادوار لكن فاتن حمامة محددة الادوار

اصدق هؤلاء جميعا...وخاصة رأي الفنانه سناء جميل

سيدة الفن العربي وسيدة سيدات الشاشة العربية هي شادية و بدون منازع! على مدار التاريخ

الله يرحمها فنانة مبدعة لكن لقب سيدة الشاشة العربية لكل فنانات الزمن الجميل 🇩🇿

صراحة كل الممثلين وممثلات الزمن الجميل يستاهلون هذا اللقب بطريقة أداءهم وجمالهم وقوامهم... لكن الحظ له نصيبه في النجاح...

سناء جميل فنانه لا مثيل لها فى التراجديا ولكن لم يكن لها الحظ مثل باقى النجمات

أكيد كل الفنانين دول مش بيكذبوا أو يحقدوا عليها الله يرحمها بس هوما قالوا كلمة حق ومواقف جرحتهم خصوصا أن كلهم كبار في القيمة والقامة .... الله يرحم الجميع 🤲🤲🤲

شادية من أحسن الممثلات. فاتن ممثلة محدودة لكن نحبها

سناء جميل غول تمثيل احسن فنانة لن يجود الزمان بمثلها مريم فخر الدين فنانة الاناقة والجمال والرقي

سيدة الشاشة الحقيقية هي شاديه لان ادوارها متنوعه .. فاتن حمامه ادوارها الست الطيبة فقط .. شاديه كمان بتغني وصوتها خرافي

أحسن فنانة عربية هي سناء جميل ...و أحسن ممثلين عرب (محمود المليجي..شكري سرحان...عمر شريف ..محمود ياسين و توفيق الدقن)

شاديه وهند رستم وسعاد حسني ومريم فخر الدين احب افلامهم الله يرحمهن

بحب الفنانة القديرة سناء جميل رحمة الله عليها مبدعة في كل ادوارها ❤

فاتن ليست فقط ممثله عظيمه بل هي محترمه جدا وذكيه ومشرفه وتعرف قدرها كل الاحترام لسيده الشاشه العربيه

محاولات تشويه...الناس اللي تعاملوا معاها واعرفهم بيشكروا في اخلاقها وحنانها واهتمامها...انا شفتها كتير محترمة ورقيقة و متواضعة ولطيفة جدا....ارائهم مش مقياس عشان نصدقها ...وبعدين هم اللي مش محدودين في التمثيل مثلا...كل وحدة فيهم ليها طريقتها وطلتها بس هاتفضل فاتن مثال للفن المحترم والرقي وانسانة بتعرف توزن كلمتها ومابتغلطش في حد....ماحدش زي فاتن في كل حاجة وخاصة انسانتيها ورقيها ...

طبعا فاتن حمامة لم تذكر سعاد حسني سندريلا الشاشة لأنها تشعر بالغيرة من تفوقها وبراعتها في التمثيل

❤الأفضل شادية ممثلة شاملة ولكن فاتن محدوده نصدق اللي تقال لأن تمام فناني ذوا مقام عالي سناء جميل ومريم فخر الدين وأحمد صيام ممثل رائع

الله يرحمهم جميعا ،فقط يبقى بعد رحيلهم عملهم الطيب وذكر الناس لهم بالخير لايحمل الانسان بعد رحيله إلا اعماله

فعلا هناك ممثلات افضل منها وهي محدوده ..شاديه على سبيل المثال كانت شاملة ومقنعة جدا ومتنوعة

احسن ممثلة سناء جميل

زيجتها من فنان اصبح عالمي وسفرها وسكنها في انكلترا لمدة خمس سنين في ذلك الوقت ادى الى ازياد شعبيتها والاهتمام المبالغ بها رغم وجود ممثلات رائعات مثل شادية وسناء جميل سميحة ايوب ماجدة هند رستم والكثير

جميع الفنانين محترمين ومحدش يذكر شي لم يحدث معه بل الجميع زكر الحقيقه ربنا يكفينا شر الغرور والتعالي

شادية هى سيدة الشاشة العربية ولم يخبو نجمها ابدا دة غير انها مطربة مصر الأولى وجميلة الجميلات

ممكن ليه لأ .فعلا انا أشعر بالانبهار عندما أرى هند رستم كما قالت البريئة الطيبة والعفوية مريم فخر الدين

لم ولن يأتي الزمن بسيدة كسيدة الشاشة العربية فاتن حمامة الله يرحمها ثقافة ورقي وابداع وملامح بريئة وذكاء وكاريزما فاتن حمامة سيدة الشاشتين ووجه مصر الجميل ❤❤❤

اصدق لان كل الفنانات اللى اتكلموا فنانات لهم تاريخ وكبار وثناء جميل فنانه مميزة وجميلة وتنجح اى عمل تشترك فيه الفنان احمدصيام فنان كبير وقدير ومحترم اصدقه

ايضا رشوان توفيق تكلم عنها لانها استبعدته من فلم علشان اخو صديقها اعتقد صالح سليم

فاتن كانت امرأة راقية جدا ، أنيقة ، ذكية ، احترم ذكراها ، أعطتنا أفضل ما لديها ، كل شخص لديه عيوبه وصفاته ، رحمها الله

كلام فاضى وتبقى فاتن حمامة معشوقة الجماهير ❤❤❤❤❤❤❤❤❤

علشان تكون سيده الشاشه لابد أن تكون مثلت كل الأدوار مثل شاديه وسعاد حسنى وهند رستم وغيرهم من الممثلين الذين قامو بكل الأدوار عكس فاتن حمامه

مريم فخر الدين جمال رقه أداء صدق سعادةحسني سندريلا شاديه. بسكوتة التمثيل سنلء جميل. عملاقة التمثيل فاتن. طفله

الله يرحمهم ويغفر لهم جميعهم اسعدونا بفن الزمن الجميل

مين قال ان الكل بينتقد اسلوب فاتن؟ هو عشان 4 او 5 اشخاص طلعوا فى برامج وصرحوا تصريحات سلبيه لا تعبر الا عن وجهة نظرهم او سوء فهمهم او غيرتهم الفنيه او من اجل ركوب الترند زى اللى سبقوهم يبقا خلاص كلامهم صح واصبح قرآن منزل من السماء عشان نستشهد به!!! هناك ارشيف فنى من صحف ومجلات زمان ولو نشرت لحضرتك كم الاشادات والكلام الايجابى فى حق السيده فاتن حمامه من زملائها وزميلاتها فى الوسط الفنى ،ساعتها حتتأكدوا ان اللى بيحصل فى البرامج ده مجرد Show وبيكون بالاتفاق بين المحاور والضيف من اجل اعطاءه اجر كبير نظير الحلقه وتحقيق نسبه مشاهده عاليه وتحقيق الترند،واللى اعترف بذلك الممثل فكرى صادق بعد ما الدنيا اتقلبت عليه بعد تصريحه السلبى عن الفنان سعيد صالح. اللى اتكلموا عن فاتن بالسلب مش ملايكه ولا كلامهم قرآن عشان نصدقه خصوصا اننا سمعنا من طرف واحد بس،وكلامهم ما هو الا غيرة فنيه وحسد لانها اهم نجمه على الاطلاق والاعلى اجرا✋ اللى عاوز يعرف الحقيقه حيتعب ويبحث ويشوف فى اليوتيوب الكلام الايجابى عن الفنانه فاتن حمامه..وحيشوف اجمل كلام فى حقها من زملائها،ويشوف كم الاشادات الجميله فى صحف زمان على لسان اكتر من فنان وفنانه وعلى رأسهم الفنان ▪رشدى اباظه اللى ذكرها فى مذكراته فى مجله الشبكه بكل خير ومحبه وقال: انها من اعز اصدقائه وصاحبه اكبر مخ فى السينما المصريه..وانه بيعتز بافلامه اللى مثلها معاها. و الفنانه العظيمه ▪شاديه صرحت فى احدى المجلات عام 1974 حكت عن ذكرياتها مع فاتن ان لما كان بيجمعهم فيلم وبتكون شاديه مرتبطه بتصوير فيلم تانى،كانت بتخلى فاتن تهتم بدورها لانها كانت واثقه فيها،وقالت ان دورها اللى فاتن اهتمت به كان من افضل ما يكون. والفنانه ▪ناديه لطفى اللى قالت عن فاتن انها استاذتها وحبت الفن بسببها وانها صديقه رائعه ،ويكفى حزنها الشديد عليها اثناء مداخلتها مع لميس الحديدى وهى بتبكى على وفاة فاتن وتذكرها بكل خير. و الفنانه ▪نجلاء فتحى اللى من شده حبها لفاتن اعادت تمثيل بعض افلامها وقالت ان فاتن كانت دايما تشجعها وتعبرلها عن اعجابها بها وبصدق اداءها. والفنانه ▪زبيده ثروت اللى فاتن اتصلت بها تليفونيا مخصوص عشان تهنيها على دورها فى فيلم الحب الضائع وقالتلها: كنتى عظيمه . والفنان ▪احمد رمزى اللى كان بيعشقها وكان نفسه يتجوزها لولا زواجها من عمر الشريف،وفضل صديق لها حتى اخر يوم فى عمره وكان دايما يقول : فاتن الوحيده اللى ما اقدرش ارفضلها طلب. والفنان ▪جميل راتب اللى ساب تصوير مسلسل اجنبى كان بيعمله فى لندن ورجع مصر عشان بس يعيد مشهد بينه وبين فاتن فى فيلم ''ولا عزاء للسيدات''. ولما سألته المذيعه رغده شلهوب وحطتله فاتن فى مقارنه مع فنانه..قالها: فاتن فوق كل الفنانات دول ومش حختار غيرها. والفنان ▪فريد شوقى اللى قال عنها فى احد اللقاءات الموجوده على اليوتيوب لما سالوه عن فاتن ..قال: فاتن هى ملكه السينما المصريه. والفنان ▪عمر الشريف اللى كان مش بيسيب لقاء الا ويجيب سيره فاتن بكل خير ويعترف ان عمره ما حب حد غيرها رغم انه لف العالم وشاف اجمل النساء،و لما جاله الزهايمر نسى كل حاجه وافتكر فاتن . والفنان ▪شكرى سرحان اللى كان بيحبها وعاوز يرتبط بها لكن كان خايف يعبرلها عن حبه،ولما حكى للفنان صلاح منصور عن ذلك،قام صلاح منصور بضربه بسبب تردده وعدم شجاعته لمصارحتها. والفنانه ▪تحيه كاريوكا اللى قالت عنها احلى كلام فى لقاءات زمان الاذاعيه وفى المجلات وكانت بتدعيلها لانها وقفت جنبها وجابتلها شقه بعد ما جوزها فايز حلاوة طردها من شقتها،وجابتلها عفش جديد وكلمت ناس كبار عشان يتكفلوا بمصاريف علاجها. والفنانه ▪صباح كانت دايما فى كل مناسبه تذكر فاتن بالخير وتدعوها لزياره لبنان،وقالت عنها فى مجله الشبكه ان فاتن ست عظيمه بفنها وبأخلاقها. والفنانه ▪سميحه توفيق قالت ان فاتن كانت من المقربات لها وكانت بتحبها جدا ،وذلك فى حديث صحفى اجروه معها قبل وفاتها. و مؤخرا صرحت الفنانه ▪شريفه ماهر فى احد البرامج عن فاتن انها كانت شخصيه جميله ومقربه لها ،ووصفت مريم فخر الدين انها ست مش طبيعيه ومخرفه وبتقول حاجات مش حقيقيه. والفنان ▪عادل امام الذى تصدى لمريم فخر الدين مستنكرا تصريحاتها الغريبه وهجومها على فاتن بسبب لقب سيده الشاشه..ليرد عليها ويقول : ان فاتن هى اهم واعظم فنانه على الاطلاق ولن يجود الزمن بمثلها. كما عبر فى اكثر من لقاء انه كان حلم حياته ان يمثل معاها . ده غير شهاده الوجوه الجديده اللى اشتغلت معاها زى حياه قنديل وليلى حماده وهشام سليم ،ومن بعدهم عبله كامل وسيمون وصابرين ونشوى مصطفى وحلا شيحه واحمد الفيشاوى وغاده عادل وغيرهم. والفنانه الراحله ▪رجاء حسين اللى قالت : لولا نصيحه فاتن لها بخصوص ملابسها وماكياجها فى فيلم ''افواه وارانب'' لما كان الدور ظهر بهذا الاتقان. الفنان الراحل ■محمود يس اللى قال عن فاتن فى حوار له مع مجله الشبكه: -ان العمل مع فنانه كبيره مثل فاتن حمامه ليس تجربه عاديه لانى اعلم خبرتها الفنيه الطويله ومواهبها العاليه،وقيمتها كفنانه نادره..لكنى لا اجد اى صعوبات فى العمل معها بسبب قدرتها على التفاهم لان فيها ميزة هامه جدا..انها تحب ان تناقش الفنان الذى يمثل معها مناقشه مفيدة جدا عن الدور والتمثيل قبل الوقوف امام الكاميرا . بالاضافه الى ان عندها الصبر الطويل فى عمل البروفات الكافيه من شدة حرصها على عملها و فنها. والشهادات الجميله من الفنانه منال سلامه ومنال عبد اللطيف وسيمون واحمد الفيشاوى ونيللى كريم وكل الجيل الجديد اللى مثلوا معاها قالوا عنها كل خير وما زالوا يذكروها بمواقفها الجميله وتشجيعهم لها فى كل لقاءاتهم . معقول حنتجاهل كل الاشادات الجميله دى ونركز فقط على كام تصريح خايب لزوم الفرقعه الاعلاميه من شويه كومبارسات او حاقدين ؟! باختصار اللى عنده استعداد يصدق الحاجه الوحشه حيصدقها طالما جايه على هواه،وحيفضل يرددها ويشاركها عشان الناس تكرهها زيه عشان يحس انه عمل انجاز فى حياته..لكن ربنا هو العالم بالحقيقه..وعند الله تجتمع الخصوم.

فعلا شادية كانت تستحق لقب سيدة الشاشة

ممكن جدا تكون ملاحظات الفنانين دول في محلها لأني شفت لقاء صحفي للفنانة فاتن كانت تتعنطز فيه على الصحفية وتوجهها في أسئلتها والصراحة اندهشت وقتها!!!

احب سناء جميل

فاتن حمامة اكتر واحدة محترمة في جيلها و مبدعة

فاتن حمامه لا تقارن بوحده ابدا فعلا استحقت لقب سيده الشاشه العربيه انها دعاء الكروان افواه وارانب نهر الحب روائع لا تنتهي وتأتي بعدها السيده ماجده الصباحي وشاديه

كل ما قيل أو سيقال تبقى فاتن حمامة سيدة الشاشة 💞💞💞💞💞💞وحبها يسكن القلوب

هي مش بالبراءه الي بيقولو عليها كفايه انها حبت عمر الشريف وهي زوجه المخرج عز الدين ذوالفقار الي كان سبب شهرتها وتطلقت منه عشانه بس عمر الشريف خانها

سيدات الشاشة عن شادية ،سعاد حسني سناء جميل مريم فخر الدين وغيرها وليس فاتن حمامة فقط

الفنانة سناء جميل فنانة مقتدرة و لها كاريزما خاصة، و بشهادة الأديب الكبير نجيب محفوظ سناء جميل كانت أكثر من عظيمة في شخصية نفيسه بفيلم بداية و نهاية. لا شك أن فاتن حمامة مريم فخر الدين سعاد حسني من الفنانات اللواتي لا يعوضن.

يحدث خلاف بين افراد اي عمل في هذه الدنيا.. لكنهم كممثلين الزمن الجميل اسعدونا جميعا

معملتش ابتذال زيهم وكان لها حدود ومع كده بقت متفوقة عليهم وسيدة سيدات الشاشة العربية العظيمة الوقورة القديرة فاتن حمامة

اصدقهم،وشادية فنانة شاملة اجدر منها باللقب وكذلك سعاد حسني ،تمثيلها مبالغ فيه ،هناك من هم اجدر منها وسناء جميل فنانة كبيرة جدا وشهادتها يحتذى بها.

كلامهم اكيد صح لأنها متعالية وفيه ف الوسط الفنى ممثلات اقوى منها بكتير هى بس محظوظة

انا اعتقد ان سناء جميل سيدة الشاشه فهي ابرع بالتمثيل الف مره من فاتن حمامه

فاتن حمامة ممثلة موهوبة وتتقن ادوارها وتستاهل اللقب ! سناء جميل ايضا فنانة متميزة ! الله يرحمهم

فيه مثل بيقول ''الجبناء هم من يطلقون الرصاص بعد انتهاء المعركه'' مريم فخر الدين اعلنت عن حقدها على فاتن فى كل البرامج من خلال اعتراضها على لقب سيده الشاشه،رغم ان اللقب ده فاتن لم تسعى اليه ،بل هو الذى سعى لها من خلال موهبتها الفنيه ومقدرتها الفطريه على الاداء وذكاءها فى اختيار الموضوعات التى تناسب المجتمع. اخذت اللقب بعد نجاح فيلمها موعد مع الحياه باستفتاء شعبى وجماهيرى وباجماع النقاد والمخرجين والكتاب والصحفيين فى اكثر من مجله عربيه . واستطاعت انها تحافظ على مكانتها الفنيه حتى بعد ابتعادها عن مصر 5 سنوات من منتصف الستينيات هروبا من رجال صلاح نصر لرفضها التجنيد،وعندما عادت الى مصر عام 1970 تهافت عليها المخرجين والمنتجين للتعاقد معها بشروطها و بأعلى اجر ،يا ترى ايه اللى يرغمهم انهم يشتغلوا معاها لو كانت فنانه محدوده الامكانيات؟، ياترى ليه مريم فخر الدين وسناء جميل ما عرفوش يحققوا المعجزات والنجوميه فى فتره غياب فاتن عن الساحه؟؟؟ طالما الشماعه اللى كانوا بيعلقوا عليها حججهم سافرت بره البلد وسابتلهم الساحه معطره مبخره!! ليه المخرج صلاح ابو سيف لم يسند اى دور جديد لسناء جميل الا بعد 7 سنوات من دور نفيسه فى بدايه ونهايه؟ ،و ليه هند رستم كانت بتعانى من البطاله واشتكت على صفحات المجلات ان مفيش مخرج بيسند لها اى دور؟ لحد ما مخرج حن عليها واعطاها دور سالومى !! وليه الكلام من الكومبارسات اللى اتقال فى الفتره الاخيره ما اتقالش لما كانت فاتن عايشه!!! ستظل فاتن حمامه هى سيده الشاشه العربيه وستظل شوكه فى حلق كل حاسد وحاقد على تاريخنا ورموزنا المشرفه،ومهما قولتوا ومهما عملتوا مش حيأثر على حبنا لفاتن ولا حيقلل من مكانتها،انتوا بتاخدوا ذنوب على الفاضى

احمد صيام محترم جدا

فاتن حمامة ست الكل رحمها الله ♥

انا اصدق سناء جميل لانها من الشخصيات المتوازنه نفسيا والمتصالحة مع نفسها

فاتن حمامه قووه ممثله جميله تستاهل القلب سيده الشاشه العربيه. وعاده قليل عليها

اكثر فنانة احب افلامها نادية لطفي و مريم فخر الدين و نجلاء فتحي 💘😍

اكذبهم واكذب صاحب القناة وتبقى فاتن حمامة سيدة الشاشة العربية

شااااااااااااااااااااديه سيده سيدات السينما العربيه بلا منازع

ربنا يرحمها ويغفر لها ويسكنها الفردوس الاعلى ويجعل قبره روضة من رياض الجنه

سناء جميل فنانة رائعة وهند رستم

بنصدقهم لانهم لهم تاريخ فني كبير ورغم هيك بحبها

حتى الماكيير محمد يعشوب قال انه لايحب التعامل معها وسمعت من أكثر من شخص هذا الكلام . فعلا شيء غير توقع من فاتن التي تبدو غاية في الرقة والذوق.

فاتن لها قبول وقريبه من القلب هي وشاديه الله يرحمهم

فاتن حمامة فنانة لطيفة وجميلة وكانت الأدوار التي تليق بها تتعلق بشخصيتها الحقيقية. اما الفنانة سناء جميل كانت شخصيتها تليق بها كل الأدوار منها الشريرة الحنونة الكوميدية

فاتن حامه شخصيه صريحة و واضحه

وعن عمره فيما أفناه والميزان عند الله بالذرة. فاللهم ارزقنا عمرا مديدا رشيدا في طاعتك والدعوة إليك والإصلاح بالأرض وهداية البشرية أجمعين.

وجدي العربي برضه قال نفس كلام احمد صيام

صحيح فاتن محدودة جدا شادية و سعاد حسني و سناء جميل احسن و مقدراتهن أوسع

الله يرحمها ويغفر لها ويسكنها فسيح جناته

ليس مهمً شخصيتها ان كانت مغروره ام لا دي حياتها الشخصيه كل الي بعرفو انها اسطوره في التمثيل وهيا فعلا سيدة الشاشه العربيه

سبحان ربي العظيم وبحمده

((اكثر نساء النيل وعيا )) =============== الجمله دى اتكتبت عن فاتن حمامة فى صحيفة فرنسية شهيرة لوموند واتكتب عنها اكثر نساء النيل وعيا ده لانها فعلا اهتمت بفكرها ووعيها مش بس بجسمها ولا شعرها ولا جمالها ولا حتى أدوارها كممثلة لكن كانت بتقرا وتعرف اكتر عشان تقدم وتضيف لموهبة التمثيل موهبة أخرى لتشكيل وعى ووجدان الناس كان عندها رؤية دائما وعشان كده قدمت افلام مختلفه مش بس ادوار لكن موضوعات وقضايا وفلسفه ورؤية هى اتبنتها وقررت تقدمها وهى واثقه كويس فى جماهيريتها وحب واحترام الناس لها عشان كده كانت معظم الأدوار بتعرض عليها اولا كان صلاح ابو سيف ويوسف شاهين وبركات وغيرهم لازم يعرضوا على فاتن . فاتن حمامة كان عندها وعى وثقافة ظهرت حتى فى البرامج اللى كانت بتتحدث فيها حتى اللغه قدرت تتقنها وفي حوار للتليفزيون الفرنسى وكانت بتتكلم بطلاقه وجمال وثقه ومثلت باللغه الانجليزيه بدون دوبلاج كانت قضيتها الإنسان عشان كده فضلت تدور على اى رواية تؤكد الفكر والرسالة والقضية اللى عايزة تقدمها أو تخلى كاتب يكتبها زى قضايا الأحوال الشخصية اللى كانت اقتراحها وفكرتها وحتى اسم الفيلم كان من اختيارها اريد حلا اهتمت فى منتصف الخمسينات بقضية اللاجئين الفلسطينين فى ذروة الصراع العربى الإسرائيلى وقررت تتبنى القضية وبالفعل اتكتب فيلم بنفس الاسم اللاجئين ثم تحول إلى ارض السلام عام ١٩٥٦ أخرجه كمال الشيخ اختارت روايات للطيفة الزيات ويوسف ادريس وقدمتها فى وقت كان كل الفنانين بيقدموا لنجيب محفوظ واحسان عبد القدوس فقط لكن هى قدمت الباب المفتوح ولا وقت للحب والحرام واختارت مسرحيات ذات الفصل الواحد لتوفيق الحكيم بتطرح افكار وقضايا متنوعه وقدمت ببراعه الافلام القصيرة كل فيلم نصف ساعه وانتجت بعضها وقدمت فيها ادوار متنوعه جدا اخدت قصة صفحة واحدة لاحسان عبد القدوس بتتكلم عن الفكر الديمقراطي فى مقابل الاشتراكية وهو ده نفس فكرها واتجاهها السياسي وخلت نجيب محفوظ يحول القصة لفيلم واتعاملت مع حسين كمال لاول مرة عشان يبقى في إمبراطورية ميم فيلم سياسي بحس كوميدى اجتماعى وبداية نقله نوعيه ليها كممثله فى ادوار سنية مختلفة مبكرا وده لانها ازدادت وعى وثقافه وفهمت انها تختار بارادتها تصاحب الزمن وعشان كده استمرت موهبتها وعطائها ولم تقف عن ادوار معينه ولا نجاح معين واستمرت دائما فى البحث عن الجديد لغاية ما وصلت لجيل خيرى بشارة وداود عبد السيد وقبلت المغامرة بحساب ووعى فى نفس الوقت الثقافة والوعى مع الموهبة بتكون النتيجة فنان استثنائي

فاتن حمامه اسكوره بالتأكيد ولكن برأيي شاديه افضل والأفضل عالاطلاق

لا مش محدود طبعا أبدت بس ف بيمثلوا كويس،جدا شادية وسعاد حسني

كلمة تكرهها كلمة تنم عن عنف وجهل من حقها ان يكون لها عيوب ومواقف فاتن الحلوة ❤

كلام صحيح بشهادة كل النجوم و خاصة مريم فخر الدين

انسانه محدودة في التمثيل لأنها ادوازها كانت محترمة ولها حدود في التمثيل انها محترمة وراقية فاتن حمامة في ادوارها

ماعتقد أنهم كاذبون ممكن تكون الله يرحمها من كثرة الألقاب التي حصلت عليها جعلتها تتعالى تتعالى على الفنانين بس هذا لا يمنع انها فنانة قديرة لكن من وجهة نظري الشخصية سناء جميل اقوى منها بالتمثيل فنانة قديرة وكل أداورها قمة الرؤعة

لانها غطت عليهم وليست مغرورة

دا كله غيرة هى لم تطلق على نفسها ولاكن النقاد والمحبين هم الذين أطلقوا عليها وكل فنانة من الزمن الجميل كان ليها طلة وشخصية منفردة وكلهم نجوم❤

اصدقهم اكيد عملت معاهم زى ماعملت مع هاله شوكت بعد نجاحها فى فيلم موعد مع المجهول

انت نسيت وجدي العربي اللي قال عليها فاتن غرابه لما طردته من امبراطورية ميم

فاتن حمامة رحمها الله كانت ممثلة مميزة وراقية ومن الطبيعي ان تثير غيرة وحسد زميلاتها

فاتن حمامه ليست سيدة الشاشة فقط فاتن حمامه سيدة كل شاشة رحمها الله

هناك الكثير من الفنانات المميزات مثل لبنى عبد العزيز .. نادية لطفي...شادية...ماجدة ...مريم فخر الدين....زهرة العلا

والله شعور يراودني ان الغيره من فاتن هي سبب هذا الكره للسيدة اسطورة السينما العربية فاتن حمامة

سناء رهيبة ف تمثيل

رهيبه بس فيه غيرها كثير متفوقات مثل سناء جميل و سعاد حسني وشاديه رائعات

رحم الله العملاقه فاتن حمامه وشاديه وسعاد حسني والفنانه العملاقه سناء جميل ومريم فخر الدين كلهم عمالقه رحمهم الله

فاتن حمام فنانة جميله جدا كلنا بنحبها الله يرحمها ده غيري منها

نصدق خصوصا من صرحوا معروفين بصدقهم و صراحتهم

فاتن حمامة. ولا غيرها ايه اللي خدوه من الدنيا

اللهم يامولانا الكريم ارزقنا أعمال صالحات ترضيك تكون لنا حسنات جارية إلى يوم الدين

ماما الله يرحمها ويغفر لها قالت لي كذا مره إنها مبتحبش فاتن حمامه ...لما كان يجى فيلم لها كانت تقولى دور ى القناه دى أنا مش عاوزه أشوف حاجه لفاتن حمامه كنت بستغرب بس دلوقتى فهمت السبب

كلهن سيدات الشاشة العربية و احسنهم شادية

سيده الشاشه العربيه هي فاتن حمامه بدون منازع سيده القصر والاستاذه فاطمه اعظم فنانه هي فاتن حمامه هي سيده الشاشه العربيه واللي ما يطول العنب حامض عنه قول