90後女生選擇離開加拿大， 原因為何？｜ 回流？二次移民？ ｜ 加拿大令人卻步的原因｜ 香港 vs 英國 vs 加拿大 

又要將我之前段野打出黎置頂 見啲人狂罵😅😅 有一個現象真係好好笑😂😂 喺度搵到份好工，搵得多少少？ 又喺度鬧「反映唔到現況」，肯定係呃人 如果帶得錢少過嚟？ 又話人哋靠屋企、靠男朋友😂 如果搵份工搵得錢少呢？ 又話肯定有屋企資助，又或者喺度鬧點解可以咁廢 簡單啲講 「憎人富貴厭人貧」 無論點做都會俾人鬧 其實我都係想show 唔同嘅情況比大家睇姐 Anyway, 有咩鬧我就好，佢哋唔係做RU-vid冇必要suffer 攻擊言論😢😢😢 我相信每個受訪者都係誠懇咁想幫人，將自己嘅經歷分享出嚟俾大家睇，等大家唔好行錯路 接受訪問對佢地嚟講其實冇着數😂 希望大家同樣可以用一個誠心嘅態度對待返佢哋 最後多謝各位一直嘅支持🩷🩷🩷

香港人一方面覺得生活壓力大工作時間長，但當自己係（顧客）嘅時候又希望又快又好嘅服務態度同效率，住香港嘅時候覺得居住環境好細，但去到一個居住環境好大嘅城市，又覺得好唔方便，其實凡事都係雙面。

我同大家分享一下我ge 經歷😂，我2015年8月25號黎到加拿大讀Centennial college。因為我家姐2006年已經黎左加拿大讀high school，所以我黎到可以同我家姐一齊住。 響移民到黎加拿大ge 咁多個人當中，我覺得自己好幸運。一黎我屋企人響加拿大透過我家姐買左屋，我可以同我家姐一齊住，已經可以慳返D租金，二黎我老豆厭Mississauga 近機場，所以買屋個陣揀下揀下居然揀到去Pickering😂 我發現好多人唔知Pickering響邊，當初去Union Station 附近返co-op，我同個白人同事講我住Pickering，結果佢居然唔知Pickering響邊😂 我響加拿大係讀IT，讀左個3年既 Advanced Diploma，做左兩次co-op，。由於我讀響Progress Avenue 既Centennial College，我可以同你講我極少遇到華人，甚少講中文同國語，唔止見得少華人，連白人同黑人都唔多，見得最多既係南亞人，話係足足有7成都唔過份😂 咁無計啦，讀書，做Group assignment 個陣一定要講英文，仲要聽佢地有口音既英文😂同學講英文有口音都算，D教授都有口音個下我先吹漲，data呢個字我平時係讀「Day他」，個教授讀「打他」😂我聽左半個學期先知原來佢係講緊Data😂 由於我份人比較內向，所以到頭黎都無認識長期既朋友，不過響讀書期間我都同D同學有講有笑，而且都成日同南亞人相處，食飯，所以都已經習慣左，甚至係習慣左無華人既環境😅 呢三年話易唔易，話難唔難，唔易在一黎要坐足三年GO Bus同GO train，坐去Scarborough 同Union station，冬天等車都好撚惡頂下，我家姐要返工，鬼有時間車我咩😂二黎就係食野方面一開始會好唔慣，食黎食去唔係Pizza Pizza就係食Tim Hortons，再唔係就食Subway(我學識叫Subway了🎉😂），再唔係就路邊攤D Beef Sausage ，間唔時想去太古，皇后名粥，金鳳，大統華呢D地方我都係要靠家姐，所以漸漸我都懶得去😂我都係去食Tim Hortons 算，再唔係去下Loblaws 同Walmart買餸算。三黎就係間唔時去跟我家姐既朋友星期六日做下酒席，搵下外快，講真，我覺得做酒席真係唔易，又要哄對新人，又要哄班廚房佬，班廚房佬正仆街黎，婚禮延後一兩個鐘就「呀吱呀咗」，屌佢老味我夠要遲放工啦（同埋唐人酒席有一樣好屎忽鬼既野係你要幫客分餸，而唔係好似西餐咁放低就算） 三年後終於畢業個陣係2019年1月，我都正式開始我既移民之路，我移民係走EE條路，同而家香港人既移民方式差好遠，首先我要去Niagara Falls 做個Flagpoling出境再入境，從而攞一生人只可以攞一次既三年工作簽證（聽聞唔一定攞到三年，可能得兩年，甚至更短），之後就正式搵一份可以用黎移民既工（走EE一定要搵特定工種，同自己讀既科目有關既工作先可以用黎做移民申請，想靠做waiter同收銀移民係無可能既事，當然你你老細夠薑呃移民局另計）做滿一年，跟住仲要去考IELTS 英文試刷分，刷到足夠分數先可以申請入pool，從而有機會移民局響個pool抽到你，你先有機會移民攞PR（係唔係好煩呢😂當年移民局係每個月？好似係每個月抽一次，每次抽既人數同分數都唔同。而分數既計法都算複雜，你有親屬響係PR響加拿大會有加分，你讀三年既課程會比讀兩年既課程有更多分，你IELTS 既成績愈好就愈多分，同埋你愈年輕愈多分。當年平均既入pool分數係450至460，無450至460分你連被移民局抽既資格都無，而實際上好多人都衰左響英文試好低分而移民失敗，我都刷左兩次，考一次唔平架大佬😂） 當時我響間Private College（大陸人同印度人開既😂）做IT，17蚊一個鐘，頭個幾個月都唔錯，當然我唔洗俾租係真係輕鬆好多，我剩係負責俾水費同上網費，仲有自己車保險（無錯，畢業之後我攞左家姐部二手車揸，佢買新車😂）直到Covid-19（雖然我好想叫另一個名，不過都移左民咁耐，算啦😂）佢地響Mississauga 開左間新分校，想調我過去，咁我無得揀啦，畢竟我要做滿一年先搞到移民，所以就日日由Pickering揸車揸去Mississauga，日日時速140公里😂好彩無比警察拉。原本都還相安無事，直到Covid-19 其間，老細們（三個，兩個華人，一個印度人）居然要求我去機場接南亞黎既國際留學生，我心諗我未想死住😂，所以我拒絕左。後果就係佢地要求我除左要做IT既職責外，仲要幫手處理同跟進120多個南亞國際留學生既學習。（唉，你聽落覺得易，其實好撚難，班撚樣個個唔係唔返online class，就係唔交Assignment，再唔係就唔撚黎考試，或者考到成pat屎咁😂佢地考到成pat屎都算，個三個老細居然要求我同班professors 要求一定要所有人都畢到業，直到呢個時候，我先知道，原來個位印度人老細個細佬，響印度開左間移民中心，專門幫手送幾千個南亞國際留學生搞移民，讀書辦簽證搵工一條龍服務😂不知呃左幾多留學生錢，當然我份人工係無加過啦😅）我一直做，做到終於抽中我，我就即刻遲職😂 諗返起都覺得痴撚先，不過返工其間都學到野既。 2021年5月，遲左職之後，我決定去考個Cisco 既CCNA，相信好多人都會覺得點解我咁遲先考，原因係…搞移民。一個心頭大石放低左，我先有心情去考CCNA，7月考完之後決定隨便搵份工，騎牛搵馬，但係新工做左三個月，我就已經好想走人。 份新工係響一間廠到專門set up電腦俾contractor 用（老細係印度人，我上司係大陸人），一開始都覺得慢慢做，騎牛搵馬。但係做到中段，有一位黎左加拿大一兩個月既香港人加入，佢做左一個禮拜之後因為有更好既offer所以走左，正所謂人望高處，水向低流，我都會為佢覺得開心🥳，但係就響佢離職個日，我上司居然招集所有其他人，同我地講左一句說話「This is no refugee camp」。佢講完呢句說話，我就決定要走😂當然，仲有其他諸如同一份工，印度人人工特別高，華人人工特別低呢D事我就無謂多講，大家應該明😂 由於一直以來我既洗費都唔大，所以都儲埋唔少錢，結果就係失業8個月咬儲備😂，直到食剩唔多唔少個陣，我家姐條仔（白人😂，寫網頁）知道佢上司，個IT manager要請一位IT狗，就將我份resume俾左個IT manager ，結果佢居然請我😂份糧雖則唔係特別多，但係都唔少（個人認為，畢竟我平時攞開17蚊一個鐘，我好膚淺架😂），而且由於係白人公司（重點😂），所以福利都好好，而前個兩份工都唔包mileage ，呢份包，仲要唔少😂 所以間唔時要我去set up新鋪頭開分店我都會去，做完一年，我老細覺得我做得唔錯，所以加我人工，說來慚愧，成世仔第一次加人工加咁多😂 我講咁多，其實唔係想話而家D香港人唔捱得苦，畢竟我都係靠屋企，無我屋企人，我早就收左皮啦😂 我只係想講，好多野都睇運，我好彩，好彩家姐早過我黎，好彩老豆揀響Pickering買屋，而唔係Markham同Richmond Hill，好彩我讀Centennial College，好彩我家姐識到個白人男友😂，好彩我跟人做過酒席，做過唐人同印度人做老細既工，算係真正食過屎，真正知道屎有幾臭既人（當然有更臭既我無遇過😂）。所以唔需要特別去話邊個國家唔好，凡事都有兩面，每個人都有唔同際遇，運氣都唔同。再講白D ，其實都係睇個天😂你試下俾成吉思汗今日翻生，睇下佢有無本事打去歐洲😂有時有D野，你控制唔到架😂 而如果有人問我會唔會覺得而家香港人移民會唔會太易太簡單，我會唔會心理唔平衡，咁講真，呢種機緣我無資格用，亦都唔應該用，我無為香港出過任何力，所以其實從來都唔覺得有問題，只能夠講，比較咁多做咩😅

多謝Nigel分享這條視頻，支持你的製作，加油👍多謝Karen分享你的經歷，祝你事事順利，在英國搵到好工，落地生根，闖出一片天👍

多謝你呈現真實嘅故事俾大家睇，我同老公係加拿大玩了stream b一年，今年8月回港生活，依加大家都番番全職，我絕對認同一樣野，生活係自己嘅，試過就會知道點樣先岩自己。 移民路唔客易，再經營埋RU-vid channel更唔容易，大家加油😭😗💪

中意哩類客觀真實嘅訪談節目，加油！支持你繼續拍多D片俾我哋睇❤

每個人嘅理想生活都唔同，相同環境條件都可以有人適合有人唔適合。最重要係知道自己要乜、想點，選擇自己鍾意嘅人生就ok😉欣賞奶咀訪問唔同處境嘅人，令觀眾可以有多個角度去了解移居當地嘅香港人所遇到嘅問題👍加油！期待其他訪問🤗

我識有朋友半年都係英國未搵到工，依家搵工環境差過一年前。因為多咗好多移民。主要想勸呢位女仔二次移民唔好太樂觀、儲多d錢先

Nigel 雖然我唔係newcomer, 但係睇咗你嘅片好耐, 對你嘅努力非常佩服。我會繼續支持 💪

移民基本上是再投胎，仲要帶埋前世記憶的枷鎖，一啲都唔容易

謝謝你們這麼坦白的訪問和回答❤

喜歡這段訪問因為它如實報導，不喜歡就直講。死都不返港也可以，沒有問題的。只要活得開心就可以了，千萬別打擾別人。

其實係邊度都一樣，只係人人際遇不同。英國一樣係照自已人先，朋友做UK嘅工管機構，一去到篇更咪又係果班人先，唔好以為佢哋冇其他民族嘅人呀(佢地堅團結)佢哋會多多理由，吹兩粒鐘都係佢放你冇得放咁囉⋯但，前題係你有朋友細佬親戚都響英國，呢啲就係支持你嘅後盾，當你有呢啲正面嘅動力Back up住咁，路就易行啲又會睇得通好多！ By the way, 你選擇呢行都係要有Passion 嘅，我自己試過06 30(意思係06之後直踩30粒鐘)咁番工，但攰得泥系好投入嘅，咁你就知自己真係鐘意果行，好快就加左人工升埋職……。 Thanks Nigel ,Good Job !!

故事講俾我地知。係外國，唔好打華人工，唔好租華人屋。

相信每個移民去新那一個國家，都係有困難嘅地方，都係唔容易，不過如果大部份朋友家人都在英國，我都鼓勵這位朋友去英國，因為有多些人同行會容易啲

好有質素的分享 多謝

我可能是观众里少数的大陆人。我非常能理解Karen的选择，每个人都有自己喜欢的生活方式和适合的生活方式，年轻就是有机会多尝试，能够最终找到适合自己的生活的人都是幸运的。很喜欢这个频道，听广东话讲加拿大很亲切。Nigel加油！我都计划明年去加拿大读书，大陆环境太压抑。希望明年可以顺利落地。

Nigel 加油啊! 發現你每條片都好多人鬧，只係想畀d 鼓勵你。其實世界禁大咩人都有，要移民本來就會做research，點會因爲你一條片唔來呢… 呢個地方亦唔會因為你一條片改變乜嘢。世界在改變，大家都係想搵一個開心快樂可以安居樂業既地方姐… 唔係人之常情來架咩… 有咩好鬧呢 你要加油繼續做落去啊！💪💪💪

Thx Nigel for making this video ❤

早就要製作好與壞處的內容及貼地平衡社會真實性給觀眾了解。謝謝分享😅

我係加拿大溫哥華住左30年既80後，家住北溫，大公司中層職位，極少講中文（沖涼唱歌除外），係加拿大要打入mainstream 圈子感受係唔同世界，mainstream世界意思係朋友圈子唔係華人，係非華人公司做野，收入係最少70k 一年， 係加拿大最忌自視過高，無幽默感，入錯行亦都係收入低既最大原因，不過溫哥華的確係有錢人既世界，有金錢負擔既話就….此地不宜久留， 我覺得受訪者講既都係某方面既事實，我非常建議多d留意加拿大就業數據唔好只係做同一樣既行業，加拿大稅重，如果妳做既行業太低人工，可以試下用自己既skills 自僱，D稅慳好多，搵dside hustle

gchi 只要正反2邊都做，唔好一面倒只講一邊，我都支持 加油

很真实，加油！！！！

過來人呀！ 兩份part time, 一年休息兩日, 再讀書😅, 之後唱歌回港搵錢. 當你通過所有嘅辛苦, 將來任何嘅路都變得平坦😊 最後有本passport backup, 回港又何怕之有

有進步👍

多謝Nigel訪問Karen分享佢離開加拿大嘅原因！祝Karen申請英國簽證快啲批！

第一次睇你條片，我呢個4x姨姨想移民都覺得想知多啲同埋好有用，加油後生仔🎉

你好！第一次睇你個channel，睇到你唔係盲目話加拿大好同印度人團結的力量……覺得你真係比較有良心咁分享你見到嘅嘢。 其實每個國家都有好有唔好，你既然選擇住落去就要接受！加拿大、美國、英國、澳洲都存在著不公平的事情，離開香港去西方國家要面對的太多了！一般香港人都唔會睇會到：如何面對和應付種族歧視、政治正確、homeless、drug addict、合法地保護自己同家人…要講嘅好題材就是以上都有排你講！😊

加拿大工作好睇本地經驗, 所以頭幾年都比較難適應, 但當你過到之後, 不論人工同福利都係另一個層次, 但如果睇遠D, 將來退休係有一定保障

Valuable Sharing！

very useful information...thks a lot

FINALLY FINALLY! YEAH! FINALLY FINALLY!

Thank you for sharing. I am very appreciate it.

做翻自己！加油！

在安省，員工工作44小時後應該有OT pay，每小時1.5倍。Karen 你可以去Ministry of Labour去告狀，要求這個華人電視台補回給你。(每個省都有相同條例，只是基本時數不同） 記住，不要一句：「華人公司就是如此！」而放過這種敗類僱主！！

認真 搵錢唔好來加拿大 我叫做好好彩send左4份工就請左做長工 叫左比最低工資多50% 但認真租金呢2年都升左50% 跟本食住都緊緊地 稅又抽得多 預扣加CI都無左3份1 無本嘅年青人真心好難生存 政府再唔做野真心死得

Is that TV station Fairchild? I dunno what other Chinese TV stations are there. I haven't had cable for a long time lol. I saw a headline this week somewhere saying that the Ontario government plans to ban employers from asking for Canadian experience. I dunno how much of an impact that's going to be ( I doubt there's going to be any impact) but getting that foot in the door in your first job is crucial. Now, it's just about getting that experience, build that rapport and find another job. (ride cow, find horse LOL).

I definitely agree with her sentiment regarding insane housing prices and cost of living in larger cities within Canada. That being said, this problem is prevalent in many mega metropolitans around the world, including HK to certain extent. I was lucky enough that I never had to work for any Asian-owned businesses (big or small), but from what I hear, unfortunately that demographic of business owners are not the most pleasant to work for, nor come with good work life balance or competitive compensation packages. So her experiences although are very valid, I wouldn't say it's very comprehensive and broad. Best of wishes to you girl for all your future endeavors!

幾真實

加拿大門檻係低，但可能亦都因為咁，有一d準備不足嘅人都可以去到加拿大，結果他們常常碰壁。所以去之前真係要準備多d錢，學好英文，同埋學識揸車，創造好嘅條件先至可以搵到好工，否則返香港都係捱。

多謝分享

Thanks for sharing 🎉

三十多年內，我移咗三次民(🇨🇦🇬🇧🇲🇫)，但始終覺得加拿大最好。事實上，世上維獨香港最好。如果冇九七問题，跟本唔會移民。

真係幸福 個個有家人支持去體驗生活😅

個個移民友都盲目自信地以為自己掂，自己醒，完全唔想融入別人的社會。

其實呢位小姐compare 自己響加拿大同佢親朋戚友響英國份工係Apple and orange。Canada份工係佢自己鍾意嘅工作，冇理由去uk 做咖啡師或工廠吧？ 另外佢朋友做金融搵5萬gbp，呢種工亦唔會請佢，所以個諗嘢方向錯左…

節目說出非常重要一點，即使不能二次移民到其他國家，也不會回流返香港。 加拿大不是非常非常非常差，只是有點雞肋，好過無。或許印度菲律賓等等覺得加拿大是天堂。事實上，我認識了菲律賓印度以及中東newcomers，他們都感覺失望，只是已經投資金錢來加拿大（很多是借錢），不能空手而回，至少拿到PR先走。大部分拿到Citizenship 就打算離開。 這就是問題所在，沒有人願意留在加拿大建設，沒有歸屬感。所以國家沒有進步，沒有發展。 每年一百萬新移民都是一個大笑話。沒有基建配合，單講房屋，加拿大的龜速（批地特別特別慢又缺construction labours），一年只能夠完全二三十萬房屋/單位，目前已經有極大bottle neck。如果移民計劃不變，往後幾年的住房問題就更加慘不忍睹！！！ 莫說租金有幾貴，有錢都難租到屋，demand 和 supply 差距太大。 這都是政府數據，細心分析就會知道短期內不會有解決方案。聯邦政府不斷放寬移民，誇口一百萬新移民數目。但地方政府不配合批地，房屋問題難解決。再者，幾年前放批大6人來炒樓，雪上加霜。 住屋是一個重要議題，連住都有困難，就真係好難決定安頓下來。 你或許會批評我對加拿大不太了解，或許會批評我只住了咁短時間無資格評論。我一到埗已經關注加拿大住房問題和房價，進行了不少分析。不久前RBC出了一份報告，結論和我的觀察和分析係大致相同。 加拿大薪酬比美國/英國/香港低，因為加拿大談不上是大國，也不是國際大城市，所以沒有足夠生產力去支付較高薪酬。 再者，搵多搵少不是重點，除稅後交租後能淨多少disposable income 先係重要。 你可以爭辯：節儉地生活，新移民難免要捱”。事實上，不單newcomers 生活拮据，加拿大人普遍disposable income 都唔多，導致discretionary spending 會減少，形成惡性循環。唔洗錢唔消費，經濟點會增長呢。 再者，加拿大專業人士包括醫生律師等等，除稅後的disposable income 都只是剛剛好夠四人家庭開支。 加拿大政府嚴重red tape ，聯邦政府，省政府，市政府，三級政府輪流搶你錢。一個細細地方又分為一個city，多個市政府又養多班公務員。 交重稅，加拿大在建基醫療福利上沒有充分公平地反映出來，白養咁大政府架構。不咁問一句，錢花在哪裡？？？ 如果在加拿大搵到份正職，足夠基本生活已經很難得。 如果打兩三份工，能夠生活comfortably仲有點saving都唔錯。 若果打幾份兼職，生活仍然艱苦，就要重新考慮這樣生活能夠捱幾耐，或者需要捱幾耐，有沒有曙光？？ 加拿大人普遍友善沒有歧視，不過都是表面功夫。 魔鬼在細節！！ 當你細心了解加拿大政策和法律，最少分了5個級別。 1. First Nation 2. Canadian born citizens 3. Non-Canadian born citizens 4. PR 5. Deemed residents 若果有更好選擇，何不趁後生再多嘗試。沒有其他選擇，就努力適應加拿大生活。 加拿大有的問題，英美澳可能都是一樣，移民需要時間適應，需要時間建立social network。 若果住了幾個月，真係覺得唔適合，又有其他機會，何不止蝕，快快脆去其實國家。 有些人先知先覺，有些人後知後覺。 青春是本錢， 歲月是成本。 移民初期一定辛苦，最重要是有沒有前景，有沒有曙光。自身的處境都是考慮因素，若果是積蓄豐厚打算半退休，加拿大是不錯的選擇，可以慢活。若果你英文水平不高，加拿大會比較容易適應。 若果你對事業有些抱負有些目標，加拿大或許會令你失望。因為加拿大是追求平淡平庸的地方。要進步，要有一番事業，加拿大not your cup of tea ，主要是加拿大人的mind set就是這樣。 儘管大部分人都覺得加拿大人好友善，我有個親身經歷trigger 我要離開加拿大: 有一天同一個本地同學交談學習話題，她突然一句，we don't think like that, you are so capitalist, you should go to the U.S.. 我都希望投稿詳細分享我在加拿大的點滴。

我超過一半朋友係英國，真係生活唔容易呀！ 其實係邊生活都要去適應 我覺得呢位Karen小姐主要工作問題，換過份工可能好D, 同埋你本身係英國咁多年，一開始應該就要考慮英國, anyway, good luck!

之前去咗英國七年，都唔諗吓辦法點樣留多三年，博佢10年永居。貪方便走咗去加拿大，生活唔如意竟然唔係搵第二份工，就係想逃避，擺到明就係高唔成低唔就，郁啲就放棄嘅心態。

In UK, renting an apartment is definitely not cheap, although that depends on where you live. In terms of job opportunities, .big cities like London, Manchester, Birmingham etc offer more scope, but then rent is very expensive.

重新去一個新的城市生活及發展是需要時間的， 至少二至三年後，一切會開始慢慢上軌道，搵到自己的出路，你眼前見到只是一個開始， 所以不是你系加拿大看不到前景，只是你還未找對你的道路。 我想回去英國生活最主要原因是可以跟弟弟一起，互相照應！ 不好浪費在英國7年生活的時間，這是你的優勢！

去到新環境，邊度都要努力💪

Support from London

我都系i仔，以前会逼自己去social，甘自己觉得好辛苦+无感觉social有几好，宜家觉得无必要随波逐流，自己舒服就得啦，专注自己中意既野💰。肯定系人觉得唔跟大堆就唔和群，但你霖下，你想要自己过得舒服定系人地过得舒服重要？当然系自己过得舒服重要d（只要我唔做伤害人既野，我中意点过就点过）！！e度长大的人其实都唔social，加拿大好多都系我过我，你过你，可能你未睇到距地既真实另外一面，又或者，你岩好遇到social既

睇得RU-vidr 既人大部分對加拿大生活工作一無所知。切忌盲目相信幾個人所謂北美生活分享。好多分享既人連自己身處既省份大部分地方都未揸車去過，對各行各業既種族、收入、條件一無所知。好多人聽左某幾個RU-vidr 九up, 過來時已起左成見，吾再自己尋找生活方式（吾敢擴闊生活圈子例如限定自己住邊區、搵咩工、識咩朋友，就係因為聽左某d友9up) 想知道北美生活，要大膽憑自己勇敢去各領域感受一下。否則仍然是圍爐取暖

以為今集真係平衡下免－味講加拿大點樣好，最後原來都係曲線踩香港，其實最终回流香港的人點會咁易給你訪問，當然想低調的不讓人知！

Well said support

我下個月會由英國去加拿大，我喺英國見到既問題(唔知加拿大情況點），以下係令我離開既原因： 1）好多人走精位拎福利，努力既人交稅養懶人。 2）英國朋友少，香港人口年輕比較大，有代溝。 3）英國人無加拿大人友善。尤其係倫敦。倫敦人口質素近年下滑明顯，老一輩本地人向北移，北部樓價平，但歧視比倫敦嚴重，但英國人表面上會做得比較有禮。 4）政治上英國較依賴大陸。政府施政效果唔好。物價控制唔到，罷工解決唔到。脫歐後難民問題解決唔到，罪案率極高。 5）教育制度令人覺得唔想喺度生小朋友比佢喺度受教育，除非你好有錢讀名校。 6）英國租屋整體成本比加拿大高，除非係同人夾租。因為英國租屋要council tax，電費煤氣費好貴，加埋有成六七千港紙。 7）好多本地人都話想走。有印度人想用英國做跳板去其他國家例如加拿大同澳洲。 8）某啲工種加拿大澳洲人工比較高。

我反而唔覺得係加拿大睇referral特別重, 但係: 1) 有referral, 通常都會有面試 2) 如果係last two to three candidates (being equal in education, experience, etc)咁有referral就請機會就好大.

10:59 做法完全非常十分正確 👍👍👍👍👍👍👍👍👍👍

我不是年青人了, 但在我的年青時代, 我曾經最高峰是做五份工. 正職加兼職, 才可以蓄到首期去買自己第一間居屋. 其實任何時期, 如果新入職沒經驗, 或者經驗不足, 都不會有太高人工, 要去應付一個人全支出而不用夾入別人, 是很難生存的. 奉勸各年輕人, 找工作首先要當然選自己愛的工作, 不過也該現實點, 這份工作是要有未來的. 再要在這工作上累積經驗, 才會得到豐厚的回報.

最近來到加拿大的華人移民抱怨工資低、生活成本高、很難找到體面的工作並進入主流圈子。 事實是，加拿大雇主更重視工作經驗，而不是你在哪裡上的大學和你擁有什麼學位、因為每個申請同一份工作的人都有學位。 許多加拿大本地人從高中起就有part-time工作經驗，因此雇主更重視他們的地方人際關係經驗，而不是書本知識。 雇主相信員工一旦受聘就可以從實際工作中了解工作的具體細節。 但他們想要確保的一件事是這些新員工能夠融入其中。 在其他條件大致相同的情況下，最終的僱用決定往往有利於雇主認為「合適」的人。 「合適」 實際上意味著您的人際交往能力適合工作場所的文化。 如果你想融入主流，你必須具備三件事：（1）說一口流利的英語，但用當地人的方式說話，口音並不那麼重要，但「 流利」 非常重要 (印度人說英語有明顯的口音，但印度人說英語更流利）。 (2) 了解加拿大人喜歡的體育 (印度人有專門的電視頻道只播放加拿大人喜愛的體育賽事) 和地方性政治議題(但別太意識形態化)。 （3）在許多社會議題上表現出輕微的左翼傾向，如收入不平等、身體或精神殘疾者的待遇、種族平等、性別平等, etc.。 表現出強烈的右翼態度或強烈的左傾態度都會容易讓人反感。

很同情妳的遭遇，也替所有的年輕人擔憂，加拿大現在的房租根本是天價！

其实你已经做得不错。

支持你繼續訪問💪🏻唔需要理會低質網民

任何地方做Network都唔容易，以下少少建議 搵mentor, 唔需要話咩位高權重嘅人，只要係比你現時高一級，多啲經驗嘅就足夠你學習啦。每隔一兩個月就請人哋飲杯咖啡，傾吓30分鐘當進修。他朝你有本事，亦都應該做其他人嘅Mentor 事實上，係教學雙長

我都想投稿講下我嘅故事，過左黎呢到大半年，已經搬左第5間屋，工作都係華人工，一切好似好唔順利，但又可以繼續生活落去咁

女士講的好實在......貼地!

「全是個人選擇」。喜歡的話，任何事情都可以克服；不然的話，小小事都可以埋怨投訴一番。

加拿大不嬲係有錢就生活得好好，好舒適，屋比英國大，但要工作生活，開支就太大，唔易。英國係有番工，就可以生活得唔錯，起碼住屋空間比香港大，但搵工都唔易，除非做藍領，不過好的是藍領白領的工作，人工都差唔多，只有專業人士人工高d。小姐姐加油！有目標有動力👍

Thank you. Watch all advertisements to support

去其他它地方闖闖、但始終要練好英文、才有更多發展．努力加油、如果再返加拿大、可以選擇 Halifax 或其他城市· 華人公司永遠唔係我首選！

會唔會開多個系列：專幫內向人點適應佢地果個「氛圍」文化😢

小小建議，可以去其他細啲嘅城市，生活成本會細d

其實今日90后美麗女生响加拿大這麼快找到全職工作好easy👍我係僱主都會聘請佢哋,根本不愁失業!😅本人响80年代初讀至90年在多倫多讀完中&大學,畢業就遇上百年一遇失業率超过十多%根本寄出1萬封求職信亦無工作有面試机会....當然去做華人餐館亦有工開,但讀完書又係做这个夕陽行業没有意義嘛😮,所以選擇咗90年底離開加拿大至今再不回流!😢估唔到相隔幾十年之後,还有咁多年輕人好似我當年咁敗走加拿大😮祝福你們未來会找到幸福快樂地方生活!🎉🎉🎉😂😂😂

好客觀。我喺加拿大超過十年，加拿大搵工係好靠referrals，工作能力或經驗反而唔太理，較唔公平，唔似香港或英國咁可公平競爭。想當年剛嚟加拿大時，啲agency已經話加拿大85%既係靠referral先入到，所以send resume機乎係無用

新移民年輕人來到加拿大要盡量跳出華人圈子，千萬吾好打華人工，搵你笨的人，99%機會系華人。

令我想起8-90年代當時香港新移民都放棄香港的高薪職位/所謂的投資移民嚟到貼$生活·都有好多辛酸史,有好多入席後回流咗,如果連立到朋友圈會容易啲適應d.英國脫歐後須大量人補充,同加拿大唔同.希望而家啲新移民涯過頭幾年的辛苦period 後將來有好發展.

百幾份求職信有6、7個面試機會算好好啦! 有人send幾百份，得一個面試機會，仲要面試失敗😢。

多啲唔同角度嘅分享都好嘅。我反而想講，呢種討論很難做到全面，一來時間太短，而且係加拿大唔同嘅segment實在太多，要generalize某係結論係唔太公平。例如片中提到內向人比較難搵工，而且呢邊好靠關係，我唔係話唔同意，但不一定係絕對，我就有個做IT嘅朋友（應該三十左右或者以內），性格非常內向但都好快搵到工，當然佢有佢嘅長處（佢既技術水平幾高下，而且係非常聰明個類人，學習新科技非常快）。其實係邊度都有難關，而加拿大對年輕人而言絕對唔friendly，但個人覺得一樣可以搵位突破。當然講係容易，實行非常難，如果沒有好強嘅passion，係好難differentiate，某些行業會特別難，但即使你知道某些行業好啲，但也要看自己興趣及能力。

每個人人生際遇都不同，很難比較，外向總比內向容易生存，我都聽聞有些公司很難請人，但都有成5、6萬年薪，所以很講際遇，但 case 很現實，前景有時要待時間去等，穩住陣腳先，挨一段日子可能會有新機遇，人生是長期奮鬥才知成果的。

very good sharing

其實有時我哋都唔係好明，你哋諗乜你哋喺香港過嚟唔係因為想要自由民主嘅生活咩？其實如果淨係搵錢香港點的好過加拿大英國。 同埋我未聽過人講過英國容易搵工喎，我知道除非你喺香港直接轉去英國同一間公司如果唔係其實英國一啲都唔容易搵工同埋英國都唔係好接受外國人所以香港人個工作通常人工比較低同埋compensation 比較差. 通常佢哋工作多都係最低工資嘅工作。其實加拿大反而肯接受外國人。只要你肯做，其實我哋香港人會爬得好高生活唔會有問題

其實通脹問題好嚴重，所以去邊度生活都一樣，不可以結婚生仔，因為牽涉的人越多，越大壓力

今日嘅移民, 講襯都係兩年, 三年, 就下決定唔好....我哋以前講係二十, 三十年..現代人真幸福, 可以咁多揀. 想知加拿大人工好唔好, 華人成唔成功, 應該去 Oakville, Markham, Mississauga, Thornhill,等等等等睇下

多謝Karen, Nigel分享，第一次睇Nigel啲片，加油

內向人應該去搵間加拿大教會自己覺得舒服 (唔會有人逼你信仰個種)，多去就會漸漸融入社交…孤獨仔比較推薦。

姐姐仔去英國啦！當你去完英國又唔知又去邊度？不過記得唔好返香港呀！💪💪

She's saying that Canada is worse than the UK which doesn't make sense with the points she's saying. I've worked in the UK before but currently work in Canada. Both countries have approximately the same living wages. It's very expensive to live in the UK as well. Transportation and housing is a huge expense in the UK. Finding a job in the UK is not as easy as she makes it seem compared to how hard it is in Canada. They both need referrals because that's to validate your work experience. If you don't have a degree from Canada or the UK, it's hard in both countries to find a job. She makes it seem like the UK is much easier but it really isn't.

全世界搵工都唔容易，要搵份好工就更加有挑戰。 三分努力，七分濟遇。 回想同一屆畢業同窗，又些搬上半山，有些住在劏房。 努力只是基本條件，成功要靠機遇。 機遇未到就要好好努力裝備自己， 機遇到來就要好好把握，don't miss the boat.

depends on industry, referral may or may not matter.

我反而想知Karen 無BNO, 佢申請咩英國visa? 上年推出既High Potential Individual Visa?

我覺得可能比半年時間自己先，London 生活成本都好高

這個訪問真係好正。好到肉。我就係一個I仔。

融入就應該加拿大易融入D, 要融入英國, 唔止要講英文, 佢地social都好多hidden rules, 例如佢地好忌講class, 唔好學電視政客個D posh口音, 人地會覺得你扮野。有D用字又有分class, (例如napkin原來係upper class字, working class講serviette), 識就盡量講working class既字。 不過你唔講, 仲以為加拿大搵工會易D (同英國比)

其實喺邊都好 都應該要熟知勞工法例 保障自己呀！

（温哥華）更差，平均工資比（多倫多）底。 平均木屋價已超過cad2.2M（約hkd13M）比多倫多cad1.45M（約hkd8.7M）貴約50%。 温哥華2房condo 平均月租cad3883，比多倫多cad3300貴

多謝分享！ 有機會可以考慮澳洲，人工高，天氣怡人，work life balance，搵工唔難，由其讀完書，唔愁無工 利申 本人生活澳洲，有親戚生活加拿大，後悔當初無選擇澳洲，佢話加拿大天氣太凍，搵工難，人工太低.... 純粹個人意見 不喜勿插

係加拿大係做藍領大多起碼有22/hr以上, 至於華人工大多數都係比較嚴苛係真, 多數人都係70,80年代ge人係度白手興家d想法工作文化已經根深柢固, 但我都遇到唔少好ge華人. 至於本地人大多都比較work live balance 3:30就閃而且好中意分享自己同包容度高d, 我係比較中意同本地人做野開心d. 任何事情都係一種學習經歷, 多d試下唔同野見識下總會搵到適合ge地方, 恨不起來就放下吧沒有羞愧, 當初離開都是如此, 共勉之.

我在一个沒有几个亚洲人的地方, 1980年的 Sydney Nova Scotia Canada, 生活了三十一年, 从一个没有英语的难民, 经头四年努力学习和工作, 奋斗成为电子设计工程师, 并在同一工业区 Sydport industrial park 工作了二十九年直至退休. 我希望年青人要努力学习, 在加拿大工作一定会有好的生活.