РАМАЗОН ТАБРИГИ. Бисмиллаҳир роҳманир роҳийм! Ассалому алайкум, муҳтарам дўстлар! Барчангизни кириб келган муборак Рамазон ойи билан чин юракдан табриклаймиз. Рамазони шариф билан самимий муборакбод этиб, Аллоҳ таолодан бу хайрли хизматларида куч-ғайрат ва ажру мукофотлар сўраб қоламан. Аллоҳ таоло ушбу ойни барчамиз учун хайр-баракотли қилсин, уруш ва нотинчликлар бўлаётган ислом диёрларига офият ва нусрат берсин, бу ойда ҳаммамизни ибодатда, зуҳду тақвода, тавбаю истиғфорда, зикру тасбеҳда бардавом айласин. Муборак Рамазон ойини мўмин бандалари учун бу дунёда қилинган барча гуноҳ ва хатоларига қалқон қилган, рўзани Исломнинг фарз ибодатлари қаторига қўшган Аллоҳ таоло шу ойнинг ҳурматидан гуноҳларимизни мағфират қилсин. Азизлар, эслатиб ўтамиз, бу йилги Рамазон ойи милодий-шамсий тақвим бўйича 2019-йил 5-май куни қуёш ботиши билан кириб келади. Шу кундан, яъни бугундан бошлаб таровеҳ намозлари бошланади. Аллоҳ таоло Рамазонда ҳосил қилинган тақво фазилатини ҳамда олиймақом руҳий ҳолатларни келаси Рамазонгача бизлардан аритмасин! Меҳрибон Роббимиз бутун дунё мусулмонларига бу ойни тинчлик-хотиржамликда, офиятда, тоат-ибодатда ўтказиш бахтини насиб қилсин! Бу муборак ойда мўмин-мусулмонларга хос бўлмаган ҳар қандай беҳуда амаллардан, фитна ва ихтилофлардан пок бўлиб, бир тану бир жон бўлиб, хулуси ният билан рўза тутишимизда Ўзи мададкор бўлсин! Рамазон муборак, азизлар!
