*Aia upate zah thiamin* Phuahtu: Liandala Aia upate zah thiamin, An thute awhin zawm fo rawh; Pipute Ro thilhlu a ni, Aia upate zah thiam rawh An hnial ngai lo aia ute, Inngaitlawmin zawl dawh fo rawh; An sual ngai lo aia ute, I ṭhangṭha ang duap kaih fo rawh Ruaitheha chaw kilhote hian Bar hmasatu an ni ngai lo; Upa berin a bar hma chuan, Naupangin an bar khalh ngai lo. Aia upa i biak dawnin, Koh dan awmin kamṭha hmang rawh; Ka pi, Ka pu , Ka u tiin, Ka nu, Ka pa, Ka ni emaw Khawi-lo niha vah chhuahte hian, Tar leh upate awl tum rawh; Ṭanpui ngai awma an awm chuan, Tlawmngai langin ṭanpui zel rawh Pianpui u zawkte an zah ngai, Chun leh zua dawl saisen teta; U zawkin naute an dawm ngai, Chu chu vanhnuai hringmi leng dan
