Vaxtınız xeyir, videonu izlədiyiniz üçün öncədən təşəkkür edirəm! Kanalıma abunə olsanız çox məmnun olaram. Lütfən, əməyimə dəyər olaraq bəyənmə düyməsini tıklamağı unutmayın.
Dərin Hörmətlə: Zabir Əliyev /ZABİRBAYCAN/
Yazardım
İxtiyar versəydi yaradan mənə,
Ən xoşbəxt həyatı sənə yazardım.
Axşam da, səhər də əlimdə qələm,
Yorulmaq bilmədən yenə yazardım.
Qoymazdım sinənin dağı görünə,
Ömrünün qış olan çağı görünə.
Dözməzdim saçının ağı görünə,
Gözümün qarasın dənə yazardım.
Alıb əllərindən kədəri, qəmi,
Silərdim yanağın üstündən nəmi,
Sevinclə yaşadıb ən gözəl dəmi,
Bəxtini ən gözəl günə yazardım.
Sevgiylə qıraraq tərs inadını,
Birlikdə dadaydıq eşqin dadını.
Sevməyi öyrədib,...sənin adını,
Məhəbbət adında dinə yazardım.
Aydın Mürvətoğlu
28 июн 2024
