Баба Љуба иако со своите 83 години, не пречека како
витална, силна жена, жена која куќата ја држи на свои плеќи. Оваа жена останала вдовица одамна. И, иако родила две здрави деца и чекала еден ден некој да ја нарече бабо, Мето како резултат на немирите во 2001 има психичко пореметување, а Стојка поради сообраќајна несреќа во Италија денес е сместена во Негорци. Ова е причината поради која баба Љуба е и мажи жена во домот, и причина поради која куќата е во фаза на распаѓање. Сепак и на овие години, рамо до рамо работи машки обврски, поминува многу тежок пат и останува непоколеблива и борбена. Но, она што мене ме воодушеви кај неа, а верувам и вас, е нејзината ранливост, човечност, чувствата и тешките избори со кои се соочува како мајка која деноноќно бдее над своето дете. Годините ја совладуваат оваа жена, но, таа челично им пркоси на проблемите, зошто мајка е и се би дала за своето чедо. А, најголема желба и е тоалет во куќата и постабилни ѕидови кои се закануваат по животот на овие сироти луѓе. #НашетоМалкуНекомуМожеДаЗначиСе♥️
5 окт 2024
