මගේ කුළුඳුල් ගී ගණනාවක්ම තියෙනවා. 4 ක් කියමුකො !
1) මුලින්ම "ගීතයක්" වූ ගීතය .... ඒක කැසට් ගීයක් , උසස් පෙළ ප්රතිපල බලාපොරොත්තුවෙන් ඉන්දැද්දි ගාමිණි සන්දනායකගෙ තනුවකට අහම්බෙන් මාතර කිංග්ස් හෝටලය තුළ (දැන් එහෙම එකක් නෑ , කිංග්ස්වත්ත කියල මහ වෙළඳ සාවියක් ඒක ) ලියපු "සිඳු තෙරේදී බැන්ද ආදරේ " ; ගායනා කළේ
ටී එම් ජයරත්න /දයා හේමන්තා අබේසේකර
2) ඊළඟට පළමුවෙනි ගුවන් විදුලි සරළ ගීතය ; ඒකත් after AL ගීයක් ; "රුදු භව කතරේ වල්මත් වීලා " දයා හේමන්තා අබේසේකර සරල ගී , මේ ගීය විශේෂයි , මා හිතන්නෙ මට වඩා ජේෂ්ඨ රචකයෙකුටවත් නොලැබුණු අවස්තාවක් , මේ ගීය තනු හදා සංගීතවත් කලේ ආර් මුත්තුසාමි නම් දිව්යවන්ත සංගීතඥයා ! හැබැයි ඒ ගීයෙ තාක්ෂණික තත්වයේ ප්රශ්නයක් නිසා තැටි කැපුනෙ නෑ ; මුත්තුසාමි මාස්ටර් ගෙ තනුවක් මුල්ම සරල ගීය සේ ලියන්න ලැබුණු ජීවත්ව සිටින එකම ගීත රචකයා මමද ? ඕන්න ඉස්කෝලෙ යන කාලෙ බොළඳ වාර්තා ගැන සිහින මැව්වා වගේ බොළඳයි ඒක නම් නේ ...? කමක් නෑ
3) තැටි කැපුණු , මුල්ම සරල ගීතය නන්දා මාලිනිය ගැයූ ගීය - "ඉර ලාස්සනයි ඉර ගල රැස් වැටෙන විට "
4) මේ සේරම කුළුඳුල් දේවල් වුනාට ඇත්තටම මගේ කුළුඳුල් ගීය බිහිවෙන්නෙ මට සම්මාන පවා හම්බ වුනාට පස්සෙ ;
අවුරුදු 17 දී Physics Practical පොතේ ලියපු කවිය "ගඟක් සේ ඔබ ගලා ඒ නම් " ඒ කතාව ඔබට දැන් අහතෑකි ...
කාලෝ ෆොන්සේකා විද්වත් සහෘදයාණන් මා ගැන සහ මේ ගීය ගැන 2002 දෙසැම්බර් 28 වෙනිදා රාත්රියේ මගේ "සිනා තොටක් " ප්රසංග රාත්රියේ කළ රසවත් , ඉමිහිරි විවරණය මට ලොව නන් දෙසින් ඒවා තිබුනා , ඇත්තටම මේ ප්රසංගයම මා ළඟ තිබුනත් මේ වෙලාවෙ අත නැති නිසා තරමක් අපැහැදිලි මේ කැපුම එක් කරනවා ! එය රූපමය වශයෙන් යම් අපැහැදිලි කමක් තිබුනත් , මට ඒ කැපුම එවූ සිය ගණන් රසවතුන් සහ "කාලෝ භාෂණය " මට CRYSTAL clear ....!!!
කාලෝ ෆොන්සේකා විද්වතාණන් වගේම මේ ප්රසංගෙ එදා BMICH සභාවෙ මුළු දුන් , මා ගැන ආඩම්බර වුණු මගේ අම්මා , තාත්තා , තිස්ස අබේසේකර සිනමා වියතාණන් , ධර්මසිරි ගමගේ තාත්තා , සිබිල් නැන්දා , බණ්ඩාර ගුරුදේවයානන්ගේ භාග්යවන්ත අම්මා , සිල්වි බණ්ඩාරනායක මැතිනිය , චන්ද්රා කළුආරච්චි - චන්ද්රා අක්කා ඇතුළු ආදරණීයයන් අද මසැසින් දැක්මක් නම් නෑ ! නොපැතු සුසුමක් එක්ක මේ සටහන නතර කරන්නම්
19 сен 2024