Jamshid akam bilan biz institutda birga o‘qiganmiz. O‘shanda iste‘dodli yoshlar ko‘p bo‘lgani uchun ikkita kurs tashkil qilingandi. Biz boshqa boshqa kurslarda edik, ammo umumiy darslarda birga o‘qiganmiz... Faqat aktyor mahorati darslarida alohi kursda edik. Institut katta bo‘lgani bilan hamma bir-birini yaxshi tanir edi. Men birinchi kursdan Jamshid akamni yaxshi taniganman. O‘shanda, albatta, men buni keyinroq bildim, menga ko‘z tashlab qo‘ygan ekanlarmi...Men ko‘proq kutubxonada dars qilib o‘tirardim. Bir kuni...o‘zlari aytib berdilar keyin, men esimdan chiqib ketgan ekan...Oldimga kelib so‘rashib, o‘pib olgan ekanlar va men shapaloq tushirgan ekanman ularga... Rost, mening esimdan chiqib ketgan ekan, shunda Jamshid akam: "Bu qiz baribir meniki bo‘ladi", deb ahd qilgan ekanlar. Vaqti soati kelib, biz birga bo‘ldik va men bundan hech qachon afsuslangan emasman. Men baxtli ayol ekanman, Allohim Jamshid akaday inson bilan meni siylagani uchun...Qirq yil Jamshid akam bilan baxtli hayot kechirdim. Haqiqatdan ham baxtda cho‘mildim. Ijodda birga edik, 24 soat birga edik biz. Hozir shu...kamlik qilmoqda, juda qo‘msayman...
14 июн 2020
