Zindagi ka dard lekar inqalaab aaya to kya Ek doshiza pe ghurbat main shabaab aaya to kya Ab to aankhOn par gham-e-hasti ke pardai paRd gaye Ab koi husn-e-mujassim beh-naqaab aaya to kya Khud chale aate to shaayad baat ban jaati koi Baad tark-e-aashiqi khat ka jawaab aaya to kya MuddatOn bichhaDe rahe phir bhi gale to mil liye Hum ko sharm aayi to kya un ko hijaab aaya to kya
Ek tajalli se munawar ki jiye qatl-e-hayaat Har tajalli par dil-e-khaana-kharaab aaya to kya Matala-e-hasti ki saazish dekhA te ham bhi 'Shakeel' Hum ko jab neend aa gayi phir maahataab aaya to kya -Shakeel Badayuni