10 га
БОШЛОВЧИ: Сербиянинг Белград шаҳрида ўтаётган бокс бўйича жаҳон чемпионатининг яримфиналчилари аниқланди. Медаллар эгаларини аниқлаб берувчи чорак финал мусобақаларида икки спортчимизнинг қўли баланд келди. Тафсилотлар ҳамкасбимиз Норбек Ниёзов репортажида:
-48 кг вазнли боксчимиз Нодиржон Мирзаҳмедов ЖЧ чорак финалида қозоғистонлик Темиртас Жуссуповга қарши жанг ўтказди ва имкониятни бой бериб қўйди.
-60 кг вазнли боксчимиз Абдумалик Халаков ЖЧ чорак финалидаги жангини россиялик Всеволод Шумковга қарши ўтказди ва ғалабага эришди! Ярим финал!
Абдумалик Халаков россиялик боксчига қарши жангдаги ғалабаси орқали ярим финал йўлланмасини нақд қилди!
-75 кг вазнли боксчимиз Саиджамшид Жафаров жаҳон чемпионатининг чорак финалида таиландлик Випарон Жонгжохога қарши жангда катта устунлик билан ҳаракат қилди. Аммо якунда ҳакамлар ғалабани таиландлик боксчига туҳфа этишди!
+92 кг вазнли боксчимиз Лазизбек Мулложонов ЖЧдаги учинчи жангини арманистонлик Давид Чалоянга қарши ўтказди ва 2:3 ҳисобида имкониятни бой бериб қўйди.
-63,5 кг вазнли боксчимиз Мужибилло Турсунов ЖЧ чорак финалида кубалик Энди Крузга қарши рингга кўтарилди ва амалдаги Олимпиада чемпионига қарши тенгма-тенг жанг ўтказиб, имкониятни бой бериб қўйди.
92 кг вазнли боксчимиз Мадияр Саидраҳимов чорак финалдаги жангини англиялик Льюис Уильямсга қарши ўтказди ва ғалаба қозонди!
13 сен 2024
