Ser chuleta en Pontedeume, a diferencia de noutros lugares, é un epíteto do máis positivo. Tamén é unha das expresións que máis me gustan da fala eumesa. Define a actitude fresca e desenfadada que caracteriza ós que medran á sombra do torreón e da ponte de ferro, xogando ó rei da cepa, saltando do murallón, abríndolle paso ós mómaros ou marcando goles decisivos no átrio do convento. Ser chuletas é algo que caracteriza a estes tres pícaros que durante tres días marcharon de excursión polo sur da Galiza, na serra do Xurés maiormente, para fervencear un pouco e extrañar enormemente Pontedeume, orixe e final de todas as cousas.
8 сен 2024
