HEADLINES:
1. Union Minister Road, Transport and Highways changtu, Nitin Gadkari hoin Mizoram Chief Minister leh PWD Minister ten Mizorama hmalakna hrang hrang leh harsatna awm te Delhi ah an sawiho.
2. Public Accounts Committee Chairman Pu Lalchhandama Ralte chuan, mipui sum tih chingpen chungchang thuah PAC chu dan anga hma la tur a nih angin, ram leh hnam tan hmalak an hreh dawnlo tih a sawi.
3. Vairengte leh a chhehvel Kudam atanga Myanmar Kuhva phurhchhuaktute lakah Criminal Complaint siam a ni tih Kolasib SP chuan a sawi a, tun hmaa la hriat ngai loh Kudam atangin Kuhva man belh a ni tih a sawi bawk.
4. India rama Block dawmkan ngai zinga mi, Niti Aayog hnuaia Ngopa Aspirational Block a hmalakna tur 'Sampoornata Abhiyan' chu vawiin khan Rural Development Minister Prof. Lalnilawma'n Saitual ah a hawng.
5. PC Party President Pu Vanlalruata'n, ZPM kaihhruai sorkara Adviser to CM mi 5 ruat chu Danpui kalh a nih bakah mipui sum khawhralna a ni a ti a, hemi chungchang hi vawiin khan Larsap leh ZPM Val Upa Council hnenah an thlen.
6. MNF Media & Publicity Dept chuan MZP ten June ni 28-a Remna ni lawmna an huaihawta tel, Chief Minister Lalduhoma chuan remna ziah a nih dawna thil thleng hrang hrangah thudik tawklo a sawi nia an hriat thu an sawi.
7. Lai Autonomous District Council Emergency Session, tunkar Zirtawpni thleng awh tur chu nimin khan Chairman Pu V.L. Hmuaka kaihhruaina hnuaiah tan a ni a, vawiin khan Bill pakhat sawihovin pawm a ni a, naktuk ah Deputy Chairman thlan a ni ang.
8. Champhaia Mizoram Indigenous Games Competition neih turah vawiin khan a hmunhma tur enfelin Press meet neih nghal a ni.
9. Mizoram Board of School Education chuan naktuk, July ni 10 chawhnu dar 12:30 ah HSLC leh HSSLC Compartmental & Improvement Examinations, 2024 result a tichhuak dawn.
10. Prime Minister Narendra Modi chuan sorkarna an chan term thumnaah India chu khawvela ram economy lian pathumnaah hlankai tum a nih thu a sawi.
11. Russia-a a cham mek Prime Minister Narendra Modi leh Russia President Vladimir Putin te chuan Moscow-ah India leh Russia inkara Annual Summit vawi 22-na an kaihruai dawn.
12. Supreme Court chuan NEET UG zawhna putru thubuai chungchangah sorkar laipui leh National Testing Agency (NTA) te chu report thehlut turin a hriattir.
13. President Droupadi Murmu chuan National Institute of Science Education and Research (NISER) zirlaite chu an thiam leh finnate midang tana hmang tangkai turin a chah.
14. Union Education Minister Dharmendra Pradhan chuan state leh Union Territory-te chu zirna kalphung siam kawnga thawkho turin a ngen.
15. Central Consumer Protection Authority (CCPA) chuan online hmanga zin veivahna ticket book-na, Yatra chu anmahni dawrtu Covid-19 lockdown avanga zin thei ta lote hnenah an ticket leina man pe let leh turin a hriattir.
16. India Meteorological Department (IMD) chuan ram chhung hmun laili, hmarchhak bialah leh khawchhak lamah te ni 4 lo awm tur chhungin ruah nasa tak a sur dawn tih a tarlang.
Follow DD Mizoram:
/ ddnewsmizoram
/ ddnews_mizoram
/ ddnewsmizoram
8 июл 2024
