Bonsoir comment allez vous ? Je suis un mécanicien et je souhaite apprendre la diagnostic et programmation si c'est possible chez vous ? Merci de me répondre
Salam alaikom khoya , 3ndi mochkil fl mise a jour micrologiciel mabrach ikhdam o ma3rftch mochkil mnach. 3ndk information d contact dyalk bach ntasl bik ila momkine Allah i jazik bl khire
السلام عليكم ، يرحم الله والديك ساعدني في مشكل في سيارتي ، رآه قريب يخرجني من عقلي و أخبث حاجة فيه انو مشكل ماش ثابت ساعات يصرا و ساعات لا . المهم سيارتي شيفروليه افيو سيري 2011 المشكل يتمثل في انو السيارة في بداية المشكل كانت تعاني من لحظة التشغيل و كان لازمني نعاونها بالكسيلاتور باه تشتغل ، المشكلة كانت تحدث احيانا فقط ، و من بعد بدأ المشكل يزيد حيث أني لما نكون نسوق و نعفس على لومبرياج عند الدودانة باه نخفظ السرعة يتوقف المحرك و عندها لازمني نحاول نشغلها مع البقاء على الكسيلاتور طبعا ، و بعدها زاد طور المشكل بحيث اني وليت كي نسيركيلي نوقف السيارة لمدة 10 دقائق و نحاول نشغلها ما تشتغلش الديمارور يشتغل لكن المحرك ما يشتغلش لكن كي نروح نحي الفيشة تاع الحلزونة (TPS) و نشغل المحرك تشتغل السيارة ، و كي نرجع الفيشة يبقى الايشاك شاعل و مبعد مع الوقت يطفأ ، المشكل السكانار ما خرجهاش ، خرجلنا كابتور بريسيو بلي هو لي خاسر بعدها رحت انا غيرت كابتور جديد و حسيت بلي السيارة ثبتت و اصبحت سلسة في دوران المحرك لفترة ساعات فقط ، لكن اليوم الموالي عادت نفس الظاهرة تحدث في انو المحرك لا يشتغل بعد ما نوقف السيارة لمدة قصيرة و كي نحاول نشغلها ما تشتغلش الا إذا كان عاونتها بالكسيلاتور و لازم ما نحيش رجلي من الكسيلاتور خاطر تسكت ، معليش رحت زدت غيرت الحلزونة (TPS) ثاني عند اليكتريسا و بقى عندي نفس المشكل قائم يعني بدلت الحلزونة و كابتور بريسيو و المشكل ما تحلش ، مع كل هذا المشاكل لي حكيتلك زاد ظهرلي مشكل اظافي و هو اني كي نشغل السيارة تبقى مكسيليريا ، نبقى نشغل و نطفي المحرك و نكسيليري و نحبس شحال من خطرة باش يهبط ليڨوي تاع (RPM) لمكانو و ساعات نمشي بيها هاكداك و هنا ثاني نشك في سطارطير الهواء و لكن مانيش قادر نغير لربما ماشي هو و يولي الشك الأكبر في الميموار بناءا على تغير المشكل كل مرة من جهة ، السيارة سيرغاز النظام اليدوي ليس الاوتوماتيكي ، و عندها ميموار غاز تخدم مع ميموار السيارة و ممكن تكون حتى ميموار الغاز متهمة في القضية بالرغم من اني مغيرها جديدة خاطر حسب معلوماتي و ثقافتي أنها ممكن تاثر على ميموار السيارة لما تكون متلفة . المهم يرحم الله والديك اعطيني حل و ما نقدرش ندير فيديو اولا ما معرفش و ثانيا المشكل ما يظهرش في الفيديو عليها شرحتهولك بالتفصيل الممل.