ديب استعمل فن طي الورق الياباني، المعروف بالأوريغامي، كمجاز في تراك ديالو. كيقول بلي وينزة هو مجرد ورقة كيتحكم فيها ديب كيف بغا، وكأن وينزة ماشي شخصية حقيقية. كلمة "origami P01" كتعني الطي الأول للورقة لي كيشكل فيها وينزة، وهاد التراك بحال تمهيد لشي حاجة كبيرة جاية من عند ديب. ديب بدا الكلاش ديالو بربط بين موته وبين العالم الرياضي ابرهام ديموافر، لي كان كيتوقع يوم وفاته بدقة، وربطها بالسنة 2060 لي تنبأ بيها نيوتن كنهاية العالم. كيقول بلي هو غادي يبقى يرد على وينزة حتى لعام 2060 وميحبسش. كيقول لوينزة بلي الحياة ماشي غير زواق واللبس، خاصك تكون مثقف وواعي باش تقدر تيفاه معاه. وتهكم عليه بواقعة لي وقعت الغناوي، بحيث وينزة هو لي كلا العصا ودير لايف كيبكي فيه. ديب كيستعمل إشارات ثقافية وعلمية كثيرة، بحال الرسام سالفادور دالي، عالم الرياضيات نيوتن، والمحارب الياباني هاتوري هانزو. كيبين بلي هو مثقف وعندو معرفة واسعة، وهدا الشي لي ناقص بزاف ديال روابا. في النهاية، ديب كيبين بلي الكلاش غير تجربة، كيشوف واش وينزة قادر على البيف ولا لا، وكيزيد يهزأ بيه بالإشارة لترينيتي، سواء أول تجربة نووية أو الشخصية من فيلم ماتريكس، وكيسببو بلي يهودي هرب من فرن هتلر، وشبه راسو بمحارب ياباني مشهور. ديب كيستعرض مهاراتو في الكتابة والإلهام ديالو من مجالات مختلفة، وكمل الحريد في وينزة بالبيت الفخم، وجبد ليه بلانات بحال التمثيل والبنات في تيك توك.