රට වෙනුවෙන් පන දෙන දුප්පත් පුතාට ඔබේ සහය පතයි
කියන්න කෙනෙක් නෑ අහන්න කෙනෙක් නෑ
( කාංචන කුමාර ආරියදාස 0773416157 ඉමෝ 07064165157 )
2024.08.07
මෙවර 2024 තායිවානයේ පැවැත්වෙන බේස් බෝල් තරගාවලිය සඳහා ශ්රී ලාංකා කණ්ඩායම නියෝජනය කරමින් සහභාගි වීමට නියමිතව සිටින දඹුල්ල වෑවල වැව පාසලේ ක්රිඩකයෙකු ට ගමනට අවශ්ය ගුවන් ටිකට්පත් මිලදී ගැනීමට නොහැකිවීම නිසා තරගාවලියට සහභාගි වීම අවිනිශ්චිතතාවයක පවතින බව සිසුවාගේ දෙමව්පියෝ පවසති .
ආසියානු බේස්බෝල් තරගාවලිය සඳහා තම පුත්රයා මෙරට ජාතික කණ්ඩායම නියෝජනය කිරීම සඳහා සහභාගී වන නිසාවෙන් ප්රවේශ පත්ර සහ අනෙකුත් වියදම් සඳහා අවශ්ය ලක්ෂ හතර හමාරක මුදල සොයා එම මව සහ පියා නගරයේ ගෙන් ගෙට සහ වෙළඳසැල් ගානේ ඇවිදිමින් මුදල් සෙවීමේ කටයුතුවල නිරත වන බව ක්රීඩකයා කියයි.
මෙසේ ජාතික බේස් බෝල් කණ්ඩායම නියෝජනය කරනු ලබන්නේ දඹුල්ල වෑවල වැව මහා විද්යාලයේ අධ්යාපනය ලබන ඩී .ජේ. දිනුක සංදීප (17) ක්රීඩකයායි.
ප්රධාන පෙළේ පාසල් රැසකින් සිදු කරන ලද පරීක්ෂණවලදී ඉතා දක්ෂ ක්රීඩකයින් දහ අට දෙනකු වයස අවුරුදු දහනමයෙන් පහළ ජාතික කණ්ඩායමට තෝරාගෙන තිබේ
එම දහ අටදෙනා තේරීම් වලදීම දඹුල්ල ප්රදේශයේ පිහිටි ගොවි ජනතාවක් වෙසෙන ඉතාම දුෂ්කරතා සහිත ගම්මානයක් වන වෑවල වැව ගම්මානයේ ජීවත්වන ආර්ථික දුෂ්කරතා වලින් හෙබි පවුල් දෙකක දරුවන් දෙදෙනෙකු තෝරා ගෙ න තිබේ..
මූලික වටයේ රුපියල් තිස් පන්දහසක මුදලක් ගෙවා ගැනීමට නොහැකිවීම නිසා ජාතික කණ්ඩායමෙන් එක දරුවෙකු අතරමග නැවතී තිබේ. කෙසේ වෙතත් මෙම ක්රීඩකයාගේ මව සහ පියා රුපියල් තිස් පන්දහසක මුදල ඥාතියෙකුගෙන් ඉල්ලාගෙන ජාතික කණ්ඩායමට ලබාදීමත් සමඟ ඔහු මෙවන විට තායිවානයේ ලබන මාසයේ පැවැත්වෙන බේස් බෝල් තරගයට පුහුණුවීම් කටයුතුවල කොළඹදී නිරත වෙයි.
දඹුල්ල වෑවල වැව ප්රදේශයේ කුලී වැඩ කරන ඩී .ජි . ලලිත් සමන් කුමාර තිස් නම හැවිරිදි පියාත් එන් . ඩී.ජි . නිලංකා දිල්රුක්ෂි තිස් හත් හැවිරිදි මවත් ඔවුන්ගේ මිත්තනියත් ඇඬූ කඳුළින් අප සමග කියා සිටියේ මෙම දරුවා කුඩා අවදියේ සිටම බේස් බෝල් ක්රීඩාව සඳහා සහ අනෙකුත් ක්රීඩා සඳහා දක්ෂ අයෙකු බවය
මීට පෙරද 2018 වසරේ ලාබාලතම දක්ෂ බේස් බෝල් ක්රීඩකයා ලෙස තායිවානයේදී දක්ෂතා පෙන් වූ ක්රීඩකයෙක් බවත් ඒ සඳහා ද ගමන් කිරීමට ප්රදේශවාසීන් විසින් ගුවන් ටිකට් පත තම දරුවාට ලබා දුන් බව කියයි.
දඹුල්ල වෑවල වැව වෙලංගොල්ල යන ලිපිනයේ පදිංචිව සිටින සංදීප පුහුණුවීම් අතරතුරු 08 දින උදෑසන නිවෙසට පැමිණ ඇත්තේ තම දෙමව්පියන්ගෙන් මුදල් ඉල්ලාගෙන යෑම සඳහායි
කෙසේ වෙතත් මව්පියන් සඳහන් කළේ දඹුල්ල ආර්ථික මධ්යස්ථානයේ වෙළඳසැල්වලින් රුපියල් දහ අටදහසක මුදලක් ආර්ථික මධ්යස්ථාන වෙළඳ සංගමයේ සභාපතිවරයා රුපියල් දහදහක මුදලක් ලබා දුන් බවය
එහෙත් රුපියල් ලක්ෂ හතර හමාරක මුදලක් සොයා ගැනීම දැඩි අසීරුතාවයකට පත්ව ඇති බවද දරුවා ජාතික ක්රීඩකයකු බවට පත් කලද රට නියෝජනය කරමින් ජාත්යන්තර තරග සඳහා සහභාගි වීමට ගුවන් ප්රවේශපත්ර සහ අනෙකුත් දේ ලබා ගැනීමට නොහැකි වී ඇති බවයි
කෙසේ වෙතත් මෙම ක්රීඩකයා සඳහන් කළේ ඔහුට තායිවානයේ යෑම සඳහා අඩුම තරමේ ඇඳුම් පැළඳුම් හෝ ක්රීඩා කිරීමට අවශ්ය සපත්තු දෙකක් හෝ නොමැති බවය
තමන්ටද යාළුවාට සිදුවූ ආකාරයටම තායිවාන සංචාරය අතරමග නැවතීමට සිදුවන බවද හෙතෙම සඳහන් කළේය,
මෙම ක්රීඩකයාට උදව් කිරීමට කැමතක් දක්වන්නේනම පියා වන ලලිත් සමන් කුමාර මහතාගේ ජංගම දුරකථනය 0789256825 ලිපිනය ලලිත් සමන් කුමාර මහතා .193=1 වෙලන්ගොල්ල ,වෑවල වැව ,දඹුල්ල , ලංකා බැංකුවේ දඹුල්ල ශකාවේ පියා ගේ නමින් ඇති ගිණුම් අංකය 9102749
9 сен 2024
