SONG LYRICS :
పల్లవి : నడిపించు నా దేవా - జరిగించు నీ సేవ
చూపించు ఓ త్రోవ - పయనానికి ఓ ప్రభువా (2)
దున్నని బీడు భూములలో - ఎవ్వరూ పోని స్థలములలో
రక్షణ లేని మనుష్యులలో - మారుమూల పల్లెలలో (2)
చరణం 1 :- ఎవరో వేసిన పంటను కోసే - పరిచర్య వద్దయ్యా
నీ పిలుపును విని పరుగున వచ్చే - ఆత్మలను ఇవ్వయ్య (2)
పరులకు చెందే స్వాస్థ్యము తినే - పురుగుగా వద్దయ్యా
నశించు దానిని వెదకి రక్షించే - భారమును ఇవ్వయ్యా (2) ||దున్నని||
చరణం 2 :- ఎదిగే క్రమములో పిలుపును మరిచే - గుణమే వద్దయ్యా
ఎవరిని తక్కువ చేయని మనసే నాలో నింపయ్యా (2)
కష్టము లేక సుఖముగా వచ్చే - ఫలమే వద్దయ్యా
కన్నీటితో విత్తి ఆనందంతో కోసే - పంటను ఇవ్వయ్యా (2) ||దున్నని||
చరణం 3 :- ఇతరుల ఆస్తిపై కన్ను వేసే - దొంగను కానయ్యా
స్థిరపడి యున్న సంఘాలను నే కూల్చను యేసయ్యా (2)
నాకు చాలిన దేవుడవు నీవే యేసయ్యా
మరణించగానే నిన్ను చేరే భగ్యమునిమ్మయ్యా (2) ||దున్నని||
6 окт 2024
